完整藏文原文 · 德格版页 当前仅加载第 12 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་པ་སྦོམ་པོར་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །མི་ལ་མིར་འདུ་ཤེས་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་གིས་མིའི་བུད་མེད་ལ་བུད་མེད་དུ་འདུ་ཤེས་ཏེ་སྨྲས་ན་ཅིར་འགྱུར། དགེ་
D7a.012.0104b01.01འདུན་གྱི་ལྷག་མའོ། །བུད་མེད་ལ་སྐྱེས་པར་འདུ་ཤེས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །སྐྱེས་པ་ལ་བུད་མེད་དུ་འདུ་ཤེས་ནའང་ཉེས་པ་སྦོམ་པོར་འགྱུར་རོ། །སྐྱེས་པ་ལ་སྐྱེས་པར་འདུ་ཤེས་ཏེ་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །བཙུན་པ་དགེ་
D7a.012.0104b02.01སློང་གིས་གཞན་དུ་འདུ་ཤེས་པ་ལས་བུད་མེད་གཅིག་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དགེ་འདུན་གྱི་ལྷག་མ་གསུམ་པ་དང་བཞི་པ་རྫོགས་ཏེ་ཇི་ལྟར་གནས་ངན་ལེན་པ་དེ་བཞིན་དུ་ཀུན་ཏུ་སྤྱོད་པ་ལའང་བྱའོ།། །།འདུལ་
D7a.012.0104b03.01བ་གཞུང་དམ་པ། བམ་པོ་གཉིས་པ། མདོར་ན། ཆོས་གཉིས་བཞི་པ་རྣམ་པ་དྲུག །དབང་པོ་ཉོ་བར་བྱ་བ་གཉིས། །བདུན་པ་དང་ཡང་ཆད་པ་དང་། །བཞི་པ་གཉིས་དང་གཅིག་ནས་གཅིག །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ།
D7a.012.0104b04.01བཙུན་པ་ཆོས་གང་འདས་པ་ཡང་མ་ལགས། མ་འོངས་པ་ཡང་མ་ལགས། ད་ལྟར་བྱུང་བ་ཡང་མ་ལགས་ལ། ལས་ཀུན་རྫོགས་པའི་མཐར་ཐུག་པའི་ཆོས་དེ་གང་ལགས། ཨུ་པཱ་ལི་མྱ་ངན་ལས་འདས་པའོ། །བཙུན་པ་ཆོས་གང་སོང་ཞིང་འོངས་ལ་ལས་ཀུན་
D7a.012.0104b05.01རྫོགས་པའི་མཐར་ཐུག་པ་དེ་གང་ལགས། ཨུ་པཱ་ལི་སྨྱན་བྱེད་པའོ། །དེ་བསྐྱལ་ན་ཅིར་འགྱུར། དགེ་འདུན་གྱི་ལྷག་མའོ། །བཙུན་པ་དགེ་སློང་གིས་སྨྱོན་པ་ཞིག་ལས་ཕྲིན་བླངས་ཏེ་སྨྱོན་པ་ལ་བསྐྱལ་ལ་སྨྱོན་པ་ལ་ལན་སླར་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་
D7a.012.0104b06.01རོ། །སྨྱོན་པ་ཞིག་ལས་ཕྲིན་བླངས་ཏེ། སྨྱོན་པ་ལ་བསྐྱལ་ལ་སླར་ལན་རང་བཞིན་དུ་གནས་པ་ཞིག་ལ་སྩལ་ན་ཅིར་འགྱུར། ཉེས་པ་སྦོམ་པོར་འགྱུར་རོ། །སྨྱོན་པ་ལས་ཕྲིན་བླངས་ཏེ་རང་བཞིན་དུ་གནས་པ་ལ་བསྐྱལ་ལ་སྨྱོན་པ་ལ་སླར་ལན་སྩལ་ན་ཅིར་འགྱུར།
D7a.012.0104b07.01