完整藏文原文 · 德格版页 当前仅加载第 89 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ལ། །གདོང་ལ་མཆི་ཟག་ངུ་བཞིན་དུ། །འོང་བའི་མི་ཞིག་མཐོང་ནས་ནི། །ཤིང་རྟ་ཆེན་པོའི་སྙིང་ལ་ཡང་། །རབ་ཏུ་མི་བཟད་མྱ་ངན་གནས། །ངུ་ཞིང་གདོང་ལ་མཆི་མ་ཟག །ལག་པ་བསྒྲེང་སྟེ་ངུ་ཞིང་འདུག །དེ་ནས་བློན་པོ་གཞན་ཞིག་ནི། །
D556.089.0270a01.01རྒྱང་རིང་མྱུར་དུ་རིངས་པར་འོང་། །འོངས་ནས་མི་དབང་རྒྱལ་པོ་ནི། །ཤིང་རྟ་ཆེ་ལ་འདི་སྐད་སྨྲས། །མི་དབང་ཐུགས་ངན་མ་མཛད་ཅིག །ཁྱོད་སྲས་ཡིད་དུ་འོང་བ་མཆིས། །རིང་པོར་མི་ཐོགས་ཁྱོད་ཀྱི་གནས་འདིར་ནི། །སྲས་མཆོག་ཡིད་འོང་མཆི་བ་ཁྱོད་ཀྱིས་གཟིགས། །
D556.089.0270a02.01རྒྱལ་པོ་ཡུད་ཙམ་ལམ་དུ་ཞུགས་པ་དང་། །དེ་ནས་བློན་པོ་ཆེན་པོ་གཉིས་པ་འོངས། །རྡུལ་ཆགས་དྲི་མ་ཅན་གྱི་གོས་གྱོན་ཅིང་། །མཆི་མའི་གདོང་གིས་རྒྱལ་ལ་འདི་སྐད་སྨྲས། །རྒྱལ་པོ་ཆེན་པོ་ཁྱོད་ཀྱི་སྲས་གཉིས་ནི། །མྱ་ངན་མེ་ཡིས་རབ་ཏུ་གདུངས་ཤིང་གནས། །རྒྱལ་པོ་ཁྱོད་
D556.089.0270a03.01ཀྱི་སྲས་མཆོག་གཅིག་མི་གདའ། །སྙིང་སྟོབས་ཆེན་པོ་མི་རྟག་ཉིད་ཀྱིས་ཟིན། །སྟག་མོ་བུ་བྱུང་རིང་པོར་མ་ལོན་པ། །རང་གི་བུ་རྣམས་ཟ་བར་འདོད་པ་མཐོང་། །དེ་དག་ལ་ནི་གཞོན་ནུ་སེམས་ཅན་ཆེས། །སྙིང་རྗེ་ཆེན་པོ་ལྡན་པས་སེམས་བསྐྱེད་ནས། །བྱང་ཆུབ་ཏུ་ནི་
D556.089.0270a04.01སྨོན་ལམ་ཆེ་བཏབ་པ། །སེམས་ཅན་ཐམས་ཅད་བདག་གིས་དགྲོལ་བར་བྱ། །བྱང་ཆུབ་ཟབ་མོ་རྒྱ་ཆེན་འདོད་པ་ལ། །མ་འོངས་དུས་ན་བདག་གིས་རིག་པར་བྱ། །སེམས་ཅན་ཆེན་པོ་རི་ངོས་གཟར་ནས་མཆོངས། །སྟག་མོ་བཀྲེས་པས་ནོན་པ་དེ་ལངས་ཏེ། །ཡུད་ཙམ་གྱིས་
D556.089.0270a05.01ནི་ལུས་ལ་ཤ་མེད་བྱས། །རྒྱལ་པོའི་བུ་ནི་རུས་པ་ཉི་ཙེ་ལུས། །མ་རུངས་པ་ཡི་ཚིག་ནི་དེ་ཐོས་ནས། །རྒྱལ་པོ་ཤིང་རྟ་ཆེན་པོ་བརྒྱལ་གྱུར་ཏེ། །ས་ལ་འགྱེལ་ནས་སེམས་ཀྱང་སྟོར་བར་གྱུར། །མྱ་ངན་མེ་ནི་ཤིན་ཏུ་མི་བཟད་འབར། །འཁོར་དང་བློན་པོས་སྙིང་རྗེའི་སྐད་
D556.089.0270a06.01ཀྱིས་ནི། །ངུ་ཞིང་མྱ་ངན་ནོན་བཞིན་དེ་དག་ཀྱང་། །ཆུས་གཏོང་ལག་པ་བསྒྲེང་སྟེ་རབ་ཏུ་ངུ་། །བློན་པོ་གསུམ་པས་རྒྱལ་ལ་སྨྲས་པ་ནི། །བདག་གིས་དེ་རིང་གཞོན་ནུ་གཉིས་པོ་དག །ནགས་ཆེན་དེ་ན་རབ་ཏུ་བརྒྱལ་གྱུར་ཞིང་། །ས་ལ་འགྱེལ་ཏེ་སེམས་ཀྱང་སྟོར་
D556.089.0270a07.01