完整藏文原文 · 德格版页 当前仅加载第 89 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
ལྗོངས་སམ། དགོན་པའི་ཕྱོགས་སམ། རིའི་སྨན་ལྗོངས་སམ། ཕོ་བྲང་འཁོར་གང་དུ་གནས་པར་འགྱུར་བའི་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། དགོན་པའི་ཕྱོགས་སམ། རིའི་སྨན་ལྗོངས་སམ། ཕོ་བྲང་འཁོར་
D556.089.0241b01.01དེར། བཙུན་པ་བཅོམ་ལྡན་འདས་སའི་ལྷ་མོ་བརྟན་མ་བདག་མཆི་བར་བགྱིའོ། །བཙུན་པ་བཅོམ་ལྡན་འདས་གང་ན་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆེར་ཡང་དག་པར་རབ་ཏུ་འཆད་པར་འགྱུར་བ་དང་། ས་ཕྱོགས་གང་དང་གང་
D556.089.0241b02.01ན། དགེ་སློང་ཆོས་སྨྲ་བ་དེའི་ཆོས་ཀྱི་ཁྲི་ཤོམ་པར་འགྱུར་བ་དང་། གང་དང་གང་དུ་ཆོས་སྨྲ་བ་སྟན་ལ་མཆིས་ནས། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆེར་ཡང་དག་པར་རབ་ཏུ་བསྟན་པར་འགྱུར་བ་དེར། བཙུན་པ་བཅོམ་
D556.089.0241b03.01ལྡན་འདས་སའི་ལྷ་མོ་བརྟན་མ་དག་ས་ཕྱོགས་དེ་དང་དེ་དག་ཏུ་མཆི་བར་བགྱིའོ། །ལུས་མི་གདའ་བར་ཆོས་ཀྱི་ཁྲིའི་འོག་ལོགས་སུ་མཆིས་ཏེ། ཡན་ལག་གི་དམ་པ་མགོས་དགེ་སློང་ཆོས་སྨྲ་བ་དེའི་རྐང་མཐིལ་ནས་བརྟེན་པར་བགྱིའོ། །བདག་ཀྱང་
D556.089.0241b04.01ཆོས་མཉན་པ་དང་། ཆོས་བདུད་རྩིའི་ཁུ་བ་འདིས་ཚིམ་པར་བགྱི། ཡང་དག་པར་རིམ་གྲོར་བགྱི། ཡང་དག་པར་མཆོད་པར་བགྱིའོ། །བདག་ཚིམ་པར་གྱུར། རིམ་གྲོ་བགྱི་བ་བགྱིས་པར་གྱུར། རབ་ཏུ་དགའ་བར་གྱུར་ནས། སའི་ཕུང་
D556.089.0241b05.01པོ་དཔག་ཚད་སྟོང་ཕྲག་དྲུག་ཅུ་བརྒྱད་པོ་འདི་ནས། སའི་གཞི་རྡོ་རྗེ་ལ་ཐུག་པའི་བར་དུ། སའི་བཅུད་ཀྱིས་རྣམ་པར་འཕེལ་བར་བགྱི། ཡང་དག་པར་ནི་རིམ་གྲོ་བགྱི། ཡོངས་སུ་རྫོགས་པར་བགྱིའོ། །སྟེང་དུ་ཡང་རྒྱ་མཚོའི་མཐའ་ལ་ཐུག་པའི་སའི་
D556.089.0241b06.01དཀྱིལ་འཁོར་འདི། སའི་བཅུད་ཀྱི་སྣུམ་གྱིས་བརླན་པར་བགྱིའོ། །ས་ཆེན་པོ་འདི་རབ་ཏུ་གཟི་བྱིན་དང་ལྡན་པར་བགྱིའོ། །དེ་ནས་འཛམ་བུའི་གླིང་འདིར་རྩྭ་དང་། ཤིང་གེལ་པ་དང་། སྨན་དང་། ནགས་ཚལ་སྣ་ཚོགས་རྣམས་གཟི་བྱིན་དང་རབ་ཏུ་ལྡན་པར་
D556.089.0241b07.01