完整藏文原文 · 德格版页 当前仅加载第 89 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་ཡི་དབང་པོ་མཆོག་དེ་དག །ཐམས་ཅད་འདི་སྙམ་སེམས་པར་འགྱུར། །ལྷ་རྣམས་དེ་དག་ཐམས་ཅད་ཀྱང་། །ཕན་ཚུན་དུ་ནི་སྨྲ་བྱེད་པ། །བསོད་ནམས་དཔལ་དང་གཟི་བརྗིད་དག །བསགས་པ་དེ་དག་ཀུན་ལ་ལྟོས། །གང་དག་མདོ་སྡེ་ཟབ་མོ་འདི། །ཉན་པའི་དོན་
D556.089.0253b01.01དུ་འདིར་ལྷགས་པ། །མི་དེ་དག་ནི་རབ་སྦྱངས་བའི། །དགེ་བའི་རྩ་བས་འདིར་ལྷགས་སོ། །དད་པ་བསམ་གྱིས་མི་ཁྱབ་པས། །ཆོས་ཀྱི་མཆོད་རྟེན་གུས་དང་བཅས། །དེ་དག་འཇིག་རྟེན་སྙིང་རྗེར་ལྡན། །དེ་དག་སེམས་ཅན་ཕན་བྱེད་པ། །དེ་དག་ཟབ་མོའི་ཆོས་རྣམས་
D556.089.0253b02.01ཀྱི། །དམ་པའི་ཆོས་ཀྱི་རོ་ཡི་སྣོད། །ཆོས་ཀྱི་དབྱིངས་ལ་འཇུག་པ་ཡིས། །དེ་དག་རབ་ཏུ་འཇུག་པ་ཡིན། །གང་དག་གསེར་འོད་དམ་པའི་མདོ། །དགེ་བ་དམ་པ་འདི་ཉན་པས། །དེ་དག་སྔོན་ཆད་སངས་རྒྱས་ནི། །བརྒྱ་སྟོང་རྣམས་ལ་མཆོད་པ་ཡིན། །དགེ་བའི་རྩ་བ་
D556.089.0253b03.01འདི་ཡིས་ནི། །མདོ་འདི་ཉན་པ་དེ་དག་ལ། །ལྷ་དབང་རྒྱལ་པོ་དེ་ཀུན་དང་། །དབྱངས་ཅན་དང་ནི་དེ་བཞིན་དུ། །དཔལ་ལྡན་རྣམ་ཐོས་བུ་དང་ནི། །དེ་བཞིན་རྒྱལ་པོ་བཞི་རྣམས་དང་། །གནོད་སྦྱིན་བརྒྱ་ཕྲག་སྟོང་པོ་དག །སྟོབས་ཆེན་རྫུ་འཕྲུལ་ལྡན་རྣམས་ཀྱིས། །ཕྱོགས་
D556.089.0253b04.01བཞི་དག་ནི་ཀུན་ནས་ཀྱང་། །སྲུང་བ་ཤིན་ཏུ་བྱེད་པར་འགྱུར། །དབང་པོ་ཟླ་བ་གཤིན་རྗེ་དང་། །རླུང་དང་ཆུ་ལྷ་ཉིད་དང་ནི། །སྐེམ་བྱེད་འཇུག་སེལ་དབྱངས་ཅན་དང་། །བསྲེག་བྱ་ཟ་དང་སྐྱེ་དགུ་དང་། །སྟོབས་ཆེན་ཕ་རོལ་གནོན་བྱེད་པ། །འཇིག་རྟེན་སྐྱོང་བ་དེ་ཀུན་ཀྱང་། །
D556.089.0253b05.01ཉིན་མཚན་གཡེལ་བ་མེད་པར་ནི། །དེ་དག་རྣམས་ལ་སྲུང་བར་བྱེད། །སྟོབས་ཆེན་གནོད་སྦྱིན་དབང་གཉིས་དང་། །སྲེད་མེད་བུ་དང་དབང་ཕྱུག་ཆེ། །ཡང་དག་ཤེས་ལ་སོགས་པ་དག །གཞན་ཡང་ཉི་ཤུ་རྩ་བརྒྱད་དང་། །གནོད་སྦྱིན་བརྒྱ་ཕྲག་སྟོང་པོ་དག །སྟོབས་
D556.089.0253b06.01ཆེན་རྫུ་འཕྲུལ་ལྡན་རྣམས་ཀྱིས། །འཇིགས་ཤིང་སྐྲག་པ་ཐམས་ཅད་ལས། །དེ་དག་ལ་ནི་སྲུང་བར་བྱེད། །ལག་ན་རྡོ་རྗེ་གནོད་སྦྱིན་དབང་། །གནོད་སྦྱིན་དག་ནི་ལྔ་བརྒྱ་དང་། །བྱང་ཆུབ་སེམས་དཔའ་ཐམས་ཅད་ཀྱང་། །དེ་དག་ལ་ནི་སྲུང་བར་བྱེད། །གནོད་སྦྱིན་དབང་
D556.089.0253b07.01