完整藏文原文 · 德格版页 当前仅加载第 89 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
མཉན་པར་བགྱིའོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་པའི་སླད་དུ། མིའི་རྒྱལ་པོ་དེས། རྒྱལ་པོའི་ཕོ་བྲང་ཁྱད་པར་དུ་འཕགས་པར་མཆི་བར་བགྱིའོ། །དེར་མཆིས་ནས་ཀྱང་། རྒྱལ་པོའི་ཕོ་བྲང་སྤོས་ཆབ་སྣ་ཚོགས་ཀྱིས་ཆག་
D556.089.0216b01.01ཆག་གདབ་ཅིང་། མེ་ཏོག་སིལ་མ་སྣ་ཚོགས་དགྲམ་པར་བགྱིའོ། །སྤོས་ཆབ་སྣ་ཚོགས་ཀྱིས་ཆག་ཆག་བཏབ་པ་དེར་ཆོས་ཀྱི་ཁྲི་མཐོན་པོ་རྒྱན་སྣ་ཚོགས་ཀྱིས་ལེགས་པར་བརྒྱན་པ་བཤམ་པར་བགྱིའོ། །ཕྱོགས་དེར་གདུགས་དང་། རྒྱལ་མཚན་དང་། བ་
D556.089.0216b02.01དན་སྣ་ཚོགས་ཀྱིས་ལེགས་པར་བརྒྱན་པར་བགྱིའོ། །མིའི་རྒྱལ་པོ་དེས་ལུས་བཀྲུ་བར་བགྱིའོ། །གོས་དྲི་རབ་ཏུ་བདའ་བ། གོས་སར་པ་མཛེས་པ་བགོས་ནས། རྒྱན་སྣ་ཚོགས་ཀྱིས་བརྒྱན་པར་བགྱིའོ། །བདག་གི་སྟན་རབ་ཏུ་དམའ་བ་གདིང་
D556.089.0216b03.01བར་བགྱི་སྟེ། སྟན་དེ་ལ་མཆིས་ནས། རྒྱལ་པོའི་རྒྱགས་པས་དྲེགས་པར་མི་བགྱིའོ། །དེར་རྒྱལ་སྲིད་ཀྱི་དབང་ཕྱུག་ལ་ཆགས་པར་མི་བགྱིའོ། །རྒྱགས་པ་དང་། ང་རྒྱལ་དང་། དྲེགས་པ་ཐམས་ཅད་རྣམ་པར་སྤངས་པའི་སེམས་ཀྱིས། གསེར་འོད་དམ་
D556.089.0216b04.01པ་མདོ་སྡེའི་དབང་པོའི་རྒྱལ་པོ་འདི་མཉན་པར་བགྱིའོ། །དགེ་སློང་ཆོས་སྨྲ་བ་དེ་ལ་ཡང་སྟོན་པར་འདུ་ཤེས་བསྐྱེད་པར་བགྱིའོ། །མིའི་རྒྱལ་པོ་དེས་དེའི་ཚེ་དེའི་དུས་ན། བཙུན་མོ་དམ་པ་དང་། རྒྱལ་བུ་རྣམས་དང་། རྒྱལ་པོའི་བུ་མོ་རྣམས་དང་། བཙུན་མོའི་
D556.089.0216b05.01འཁོར་གྱི་ཚོགས་རྣམས་ལ་སྡུག་པ་དང་། ཕན་པས་བལྟ་བར་བགྱིའོ། །བཙུན་མོ་དམ་པ་རྣམས་དང་། རྒྱལ་བུ་རྣམས་དང་། རྒྱལ་པོའི་བུ་མོ་རྣམས་ལ་ཚིག་སྙན་པ་སྨྲ་བར་བགྱིའོ། །བཙུན་མོའི་འཁོར་གྱི་ཚོགས་ཐམས་ཅད་ལ་ཡང་ཚིག་སྙན་པ་སྨྲ་བར་
D556.089.0216b06.01བགྱིའོ། །ཆོས་མཉན་པའི་ཕྱིར་མཆོད་པ་རྣམ་པ་སྣ་ཚོགས་སྦྱོར་དུ་སྩལ་བར་བགྱིའོ། །དགའ་བ་བསམ་གྱིས་མི་ཁྱབ་ཅིང་མཚུངས་པ་མ་མཆིས་པས། བདག་ཚིམ་པར་བགྱིའོ། །དགའ་བ་དང་བདེ་བ་བསམ་གྱིས་མི་ཁྱབ་པས་བདེ་བར་བགྱིའོ། །དབང་པོ་བདེ་
D556.089.0216b07.01