完整藏文原文 · 德格版页 当前仅加载第 89 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དོན་ཤེས་པར་བྱ་བ་ཙམ་དུ་ཟད་ཀྱི་དོན་དམ་པ་ནི་དེ་ལྟ་མ་ཡིན་ནོ་སྙམ་མོ། །ཡང་ཚངས་པ་ཆེན་པོ་བྱིས་པ་སོ་སོའི་སྐྱེ་བོ་འཕགས་པ་འཇིག་རྟེན་ལས་འདས་པའི་ཤེས་རབ་ཀྱི་མིག་མ་ཐོབ་པ་རྣམས་ཀྱིས་ནི། ཆོས་འདི་དག་ཐམས་ཅད་ཀྱི་དེ་བཞིན་ཉིད་བརྗོད་དུ་མེད་པར་ཡང་མི་ཤེས་ལ།
D556.089.0208b01.01གང་མཐོང་བ་དང་། ཐོས་པ་དང་། འདུ་བྱེད་དང་། འདུ་བྱེད་མ་ཡིན་པའི་ཆོས་རྣམས་ཇི་ལྟར་བརྟགས་པ་ལྟར་བདེན་པ་ཉིད་དུ་མངོན་པར་ཞེན་ཏེ། ཆོས་རྣམས་ཀྱི་དེ་བཞིན་ཉིད་བརྗོད་དུ་མེད་པ་དོན་དམ་པའི་ཚུལ་དེ་ཤེས་པར་མི་ནུས་སོ། །དེ་ལ་འཕགས་པ་རྣམས་ཀྱིས་ནི་
D556.089.0208b02.01གང་གཟིགས་ཤིང་གསན་པ་དང་། འདུ་བྱེད་དང་། འདུ་བྱེད་མ་ཡིན་པའི་ཆོས་རྣམས་ཀྱིས་མཐུ་དང་། ལས་ཇི་ལྟ་བུ་ཡིན་པ་དེ་ལ་བདེན་པའོ་ཞེས་མངོན་པར་མི་ཞེན་ཏེ། འདུ་བྱེད་ཀྱི་ཆོས་ཀྱང་མི་བདེན་པ། འདུ་བྱེད་མ་ཡིན་པའི་ཆོས་ཀྱང་མི་བདེན་པ། ཡང་དག་པ་
D556.089.0208b03.01མ་ཡིན་པའི་རྟོག་པས་བརྟགས་པ་ཙམ་དུ་འདུ་བྱེད་དང་། འདུ་བྱེད་མ་ཡིན་པའི་མཚན་ཉིད་ཀྱང་མིང་ཙམ་དུ་ཟད་པ། བདེན་པའི་རང་བཞིན་དུ་མི་གྲུབ་པ་སྟེ། འཕགས་པ་རྣམས་ཀྱིས་ཀུན་རྫོབ་ཀྱི་ཐ་སྙད་ལ་བརྟེན་ནས། ཡང་དག་པའི་བདེན་པའི་དོན་དེ་སྟོན་པར་བྱེད་དོ། །དེ་
D556.089.0208b04.01བཞིན་དུ་ཚངས་པ་ཆེན་པོ་གང་འཕགས་པ་རྣམས་ནི། འཕགས་པའི་ཡེ་ཤེས་དང་། འཕགས་པའི་གཟིགས་པས་ཆོས་རྣམས་ཀྱི་དེ་བཞིན་ཉིད་བརྗོད་དུ་མེད་པ་བཞིན། འདུ་བྱེད་དང་། འདུ་བྱེད་མ་ཡིན་པའི་ཆོས་ཀྱང་དེ་བཞིན་དུ་ལྟ་སྟེ། ཀུན་རྫོབ་ཏུ་མིང་དང་མཚན་མ་སྣ་
D556.089.0208b05.01ཚོགས་ལ་བརྟེན་ནས། གཞན་ལ་སྟོན་པར་བྱེད་དོ། །དེ་ནས་ཡང་བྱང་ཆུབ་སེམས་དཔའ་རིན་ཆེན་འོད་འཕྲོ་ལ་ཚངས་པ་ཆེན་པོས་འདི་སྐད་ཅེས་སྨྲས་སོ། །སེམས་ཅན་ཇི་སྙེད་ཅིག་གིས་ཆོས་ཟབ་མོ་འདི་ལྟ་བུ་རྟོགས་ཤིང་ཤེས་པར་ནུས། སྨྲས་པ། ཚངས་པ་ཆེན་པོ་གང་
D556.089.0208b06.01སྤྲུལ་པ་མང་པོའི་སེམས་དང་སེམས་ལས་བྱུང་བས་ཆོས་ཟབ་མོ་འདི་ཡང་དག་པར་ཤེས་པར་གྱུར་པ་དེ་སྙེད་ཀྱིས་ཤེས་སོ། །ཚངས་པའི་རྒྱལ་པོས་སྨྲས་པ། སྤྲུལ་པ་དེ་དག་ཉིད་ཀྱང་རང་བཞིན་ཡོད་པ་མ་ཡིན་ན། དེ་དག་གིས་སེམས་དང་། སེམས་ལས་བྱུང་བ་གང་
D556.089.0208b07.01