完整藏文原文 · 德格版页 当前仅加载第 89 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བགྱིའོ། །བགེགས་ཀྱང་བགྱིའོ། །འདི་ལྟ་སྟེ། ཡུལ་དེར་ཕ་རོལ་གྱི་དམག་ཚོགས་དེ་མཆིར་ཡང་མི་ནུས་ན། ཡུལ་གཞིག་པར་བགྱིད་པར་ལྟ་ག་ལ་འགྱུར། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་པོ་དེ་དག་ལ་ལེགས་སོ་ཞེས་བྱ་བ་བྱིན་ཏེ།
D556.089.0214b01.01རྒྱལ་པོ་ཆེན་པོ་དག་ལེགས་སོ་ལེགས་སོ། །རྒྱལ་པོ་ཆེན་པོ་དག་ཁྱེད་ཡང་ལེགས་སོ། །ཁྱེད་བསྐལ་པ་གྲངས་མེད་པ་བྱེ་བ་ཁྲག་ཁྲིག་འབུམ་ཕྲག་དུ་མར་ཡང་དག་པར་བསྒྲུབས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདིའི་ཕྱིར། མིའི་རྒྱལ་པོ་
D556.089.0214b02.01གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པ་དང་། རིམ་གྲོ་བྱེད་པ་དང་། མཆོད་པ་བྱེད་པ་དེ་དག་ལ་ཀུན་ཏུ་བསྲུང་བར་གྱིས་ཤིག །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཆད་པ་སྤང་བ་དང་། ཞི་བ་དང་།
D556.089.0214b03.01བདེ་ལེགས་སུ་འགྱུར་བར་གྱིས་ཤིག །རྒྱལ་པོའི་ཕོ་བྲང་འཁོར་དེ་དག་དང་། གྲོང་ཁྱེར་དེ་དག་དང་། ཡུལ་འཁོར་དེ་དག་དང་། ཡུལ་དེ་དག་ཀྱང་ཀུན་ཏུ་སྲུངས་ཤིག །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཆད་པ་
D556.089.0214b04.01སྤང་བ་དང་། ཞི་བ་དང་། བདེ་ལེགས་སུ་འགྱུར་བར་གྱིས་ཤིག །ཡུལ་དེ་དག་ཀྱང་འཇིགས་པ་དང་། གནོད་པ་དང་། འཁྲུག་པ་ཐམས་ཅད་ལས་ཡོངས་སུ་ཐར་བར་གྱིས་ཤིག །ཕ་རོལ་གྱི་དམག་ཚོགས་རྣམས་ཀྱང་ཟློག་པར་གྱིས་ཤིག །འཛམ་བུའི་གླིང་
D556.089.0214b05.01ཐམས་ཅད་ན་གནས་པའི་མིའི་རྒྱལ་པོ་དེ་དག་མི་འཐབ་པ་དང་། མཚང་མི་འདྲུ་བ་དང་། མི་རྩོད་པ་དང་། མི་འགྱེད་པར་བྱ་བ་ལ་སྤྲོ་བར་གྱིས་ཤིག །རྒྱལ་པོ་ཆེན་པོ་དཔུང་དང་གཡོག་ཏུ་བཅས་པ་ཁྱེད་བཞིས། འཛམ་བུའི་གླིང་འདིར་ནམ་གྲོང་ཁྱེར་བརྒྱད་ཁྲི་བཞི་
D556.089.0214b06.01སྟོང་དེ་དག་ན། རྒྱལ་པོ་བརྒྱད་ཁྲི་བཞི་སྟོང་པོ་དེ་དག་རང་རང་གི་ཡུལ་ལ་མངོན་པར་དགའ་བ་དང་། རྒྱལ་སྲིད་ཀྱི་དབང་ཕྱུག་དེས་མངོན་པར་དགའ་བ་དང་། རང་གི་ནོར་གྱི་ཕུང་པོས་ཕན་ཚུན་རྣམ་པར་མི་འཚེ་བ་དང་། ཕན་ཚུན་རྣམ་པར་འཚེ་བ་མི་སྐྱེད་པ་དང་། རང་གིས་
D556.089.0214b07.01