完整藏文原文 · 德格版页 当前仅加载第 89 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་ཀྱིས་གཟིར་བ། འབུམ་ཕྲག་དུ་མ་དེ་དག་གི་ནང་ནས། གང་སུ་དག་ནད་དྲག་པོས་བཏབ་པ། དེ་དག་ཐམས་ཅད་ཚོང་དཔོན་གྱི་བུ་ཆུ་འབེབས་ག་ལ་བ་དེར་དོང་ནས་ཕྱིན་པ་དང་། སེམས་ཅན་ནད་སྣ་ཚོགས་ཀྱིས་བཏབ་པ། ནད་སྣ་ཚོགས་ཀྱིས་གཟིར་བ། འབུམ་
D556.089.0259b01.01ཕྲག་དུ་མ་དེ་དག་ལ་ཚོང་དཔོན་གྱི་བུ་ཆུ་འབེབས་ཀྱིས། སྨན་དཔྱད་གང་ཅི་བསྟན་པ་དེས་སེམས་ཅན་དེ་དག་ཐམས་ཅད་ཀྱི་ནད་ཐམས་ཅད་རབ་ཏུ་ཞི་བར་བྱས་སོ། །ནད་མེད་པ་དང་། ནད་ཉུང་བར་གྱུར་ནས་ཀྱང་སྔ་མཁོ་བཞིན་དུ་མཐུ་དང་། སྟོབས་དང་། བརྩོན་འགྲུས་དང་ལྡན་
D556.089.0259b02.01པར་གྱུར་ཏོ། །རིགས་ཀྱི་ལྷ་མོ་དེའི་ཆེ་དེའི་དུས་ན། རྒྱལ་པོ་ལྷའི་དབང་ཕྱུག་འོད་ཀྱི་ཡུལ་ན། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་ཐམས་ཅད་ན། སེམས་ཅན་ནད་སྣ་ཚོགས་ཀྱིས་བཏབ་པ། ནད་སྣ་
D556.089.0259b03.01ཚོགས་ཀྱིས་གཟིར་བ། འབུམ་ཕྲག་དུ་མ་དེ་དག་ཐམས་ཅད་ཚོང་དཔོན་གྱི་བུ་ཆུ་འབེབས་ཀྱིས། ནད་སྣ་ཚོགས་ལས་ཡོངས་སུ་ཐར་བར་བྱས་པར་གྱུར་ཏོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། ནད་ཐམས་ཅད་རབ་ཏུ་ཞི་བར་བྱས་པའི་ལེའུ་ཞེས་བྱ་སྟེ་ཉི་ཤུ་རྩ་
D556.089.0259b04.01བཞི་པའོ།། །།རིགས་ཀྱི་ལྷ་མོ་གཞན་ཡང་རྒྱལ་པོ་ལྷའི་དབང་ཕྱུག་འོད་ཀྱི་ཡུལ་དུ། ཚོང་དཔོན་གྱི་ཁྱེའུ་ཆུ་འབེབས་ཀྱིས། སེམས་ཅན་ཐམས་ཅད་ནད་མེད་པར་བྱས་པས། ན་བ་ཉུང་ཞིང་སྔ་མཁོ་བཞིན་དུ་སྤྲོ་བ་དང་། སྟོབས་དང་ལྡན་པའི་ལུས་སུ་གྱུར་ཏོ། །རྒྱལ་
D556.089.0259b05.01པོ་ལྷའི་དབང་ཕྱུག་འོད་ཀྱི་ཡུལ་ན། སེམས་ཅན་ཐམས་ཅད་དགའ་ཞིང་རྩེ་ལ་དགའ་མགུར་སྤྱོད་དེ། སྦྱིན་པ་དག་ཀྱང་སྦྱིན་པར་བྱེད་བསོད་ནམས་དག་ཀྱང་བྱེད་དེ། ཚོང་དཔོན་གྱི་ཁྱེའུ་ཆུ་འབེབས་ལ་ཡང་། ཚོང་དཔོན་གྱི་ཁྱེའུ་ཆུ་འབེབས་རྒྱལ་བར་གྱུར་ཅིག །རྒྱལ་བར་གྱུར་
D556.089.0259b06.01ཅིག །སྨན་པའི་རྒྱལ་པོ་སེམས་ཅན་ཐམས་ཅད་ཀྱི་ནད་གསོ་བ། མངོན་སུམ་དུ་བྱང་ཆུབ་སེམས་དཔར་ངེས་པ། ཚེའི་རིག་བྱེད་ཡན་ལག་བརྒྱད་པ་ཐམས་ཅད་རྟོགས་པ་ཞེས་མངོན་པར་འདུ་བྱེད་དོ། །རིགས་ཀྱི་ལྷ་མོ། །ཚོང་དཔོན་གྱི་ཁྱེའུ་ཆུ་འབེབས་དེ་ལ་ཆུང་མ་ཆུའི་
D556.089.0259b07.01