完整藏文原文 · 德格版页 当前仅加载第 89 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་ནི་རབ་ཏུ་འབྱིན། །མེ་ཏོག་རྣམ་པ་སྣ་ཚོགས་དང་། །འབྲས་བུ་སྣ་ཚོགས་ལྡན་པ་ཡི། །རྩ་དང་ནགས་ཚལ་ཐམས་ཅད་དག །ས་ཡི་སྟེང་ན་སྐྱེ་བར་བྱེད། །འཛམ་བུའི་གླིང་འདི་ཐམས་ཅད་ན། །ཀླུ་ཡི་བུ་མོ་བསམ་མི་ཁྱབ། །རབ་ཏུ་དགའ་བའི་སེམས་གྱུར་
D556.089.0255a01.01ནས། །རྫིང་བུའི་དྲུང་དུ་ཉེར་སོང་སྟེ། །རྫིང་བུ་རྣམས་ནི་ཐམས་ཅད་དུ། །ཀུ་མུ་ད་དང་པདྨ་དང་། །ཨུཏྤ་ལ་དང་དེ་བཞིན་དུ། །པདྨ་དཀར་པོ་སྣ་ཚོགས་སྐྱེ། །ནམ་མཁའ་ལ་ནི་དུ་བ་དང་། །སྤྲིན་གྱི་དྲ་བ་མེད་ཅིང་དག །མུན་པ་དང་ནི་རྡུལ་མེད་ཅིང་། །ཕྱོགས་རྣམས་རབ་ཏུ་འོད་
D556.089.0255a02.01གསལ་ལོ། །ཉི་མ་འོད་ཟེར་སྟོང་ལྡན་ཡང་། །འོད་ཟེར་དྲ་བས་འོད་ཀྱང་འགྱེད། །སྣང་བ་དག་ནི་ཟབ་མོ་ཡིས། །རབ་ཏུ་དགའ་བ་འཆར་བར་འགྱུར། །དབང་པོ་ཉི་མ་ལྷ་ཡི་བུ། །འཛམ་བུའི་གླིང་གི་གསེར་གྱི་ནི། །གཞལ་མེད་ཁང་ན་འདུག་པ་ཡང་། །མདོ་སྡེ་འདིས་ནི་རབ་ཏུ་
D556.089.0255a03.01ཚིམ། །དབང་པོ་ཉི་མ་རབ་དགའ་ནས། །འཛམ་བུའི་གླིང་དུ་འཆར་བྱེད་ཅིང་། །འོད་ཟེར་མཐའ་ཡས་དྲ་བ་ཡིས། །ཀུན་ནས་རབ་ཏུ་སྣང་བར་བྱེད། །དེ་ནི་ཤར་བ་ཙམ་གྱིས་ཀྱང་། །འོད་ཟེར་དྲ་བ་རབ་གཏོང་ཞིང་། །རྫིང་བུ་སྣ་ཚོགས་ཁེངས་པ་ཡི། །པདྨ་དག་ནི་ཁ་ཡང་
D556.089.0255a04.01འབྱེད། །འཛམ་བུའི་གླིང་འདི་ཐམས་ཅད་དུ། །མེ་ཏོག་འབྲས་བུ་སྨན་སྣ་ཚོགས། །ཡང་དག་ཡོངས་སུ་སྨིན་བྱེད་ཅིང་། །ས་རྣམས་ཐམས་ཅད་སིམ་པར་བྱེད། །ཟླ་བ་དང་ནི་ཉི་མ་ཡང་། །དེ་ཚེ་ཁྱད་འཕགས་སྣང་བར་འགྱུར། །རྒྱུ་སྐར་ཡང་དག་འབྱུང་འགྱུར་ཞིང་། །རླུང་ཡང་དེ་བཞིན་
D556.089.0255a05.01ལྡང་བར་འགྱུར། །འཛམ་བུའི་གླིང་ནི་ཐམས་ཅད་དུ། །ཀུན་ཏུ་ལོ་ཡང་ལེགས་འགྱུར་ཏེ། །གང་ན་མདོ་སྡེ་འདི་ཡོད་པ། །ཡུལ་འཁོར་དེར་ནི་ཁྱད་པར་འཕགས། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། གནོད་སྦྱིན་གྱི་གནས་ཞེས་བྱ་བ་ཀུན་ཏུ་སྲུང་བའི་ལེའུ་ཞེས་
D556.089.0255a06.01བྱ་སྟེ་ཉི་ཤུ་རྩ་གཉིས་པའོ།། །།དེ་སྐད་ཅེས་བཀའ་སྩལ་པ་དང་། །བཅོམ་ལྡན་འདས་ལ་རིགས་ཀྱི་ལྷ་མོ་བྱང་ཆུབ་ཡང་དག་པར་བསྡུས་པས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འབར་བའི་ཁྱད་པར་གྱི་གཟི་བརྗིད་ཀྱི་རྒྱལ་པོ་ལ་སོགས་པ། ལྷའི་བུ་ཁྲི་པོ་དག་
D556.089.0255a07.01