完整藏文原文 · 德格版页 当前仅加载第 89 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ས་ཆེན་འདི་དང་ས་བོན་བྱེད། །ལྷ་མོ་འདུ་བའི་དུས་སུ་ཡང་། །རྒྱ་མཚོ་ལུད་བཞིན་ངེས་པར་འདུ། །གནོད་སྦྱིན་ཀླུ་ལ་སོགས་རྣམས་ཀྱིས། །ཀུན་གྱི་གཙོ་བྱེད་འདུལ་བར་ནུས། །མོ་རྣམས་ཀུན་གྱི་ཚངས་སྤྱོད་མཆོག །འཇིག་རྟེན་གཙོ་སྦྱིན་བདག་ལ་
D556.089.0235b01.01དགོངས། །རྒྱལ་པོའི་གནས་ལའང་པདྨོ་བཞིན། །ཆུ་བོ་ལ་ཡང་གྲུ་དང་གཟིངས། །ཟླ་བ་ཉ་བཞིན་ཞལ་ཡང་རྒྱས། །མང་དུ་ཐོས་ལྡན་རྟེན་ཡང་བྱེད། །རི་བོའི་རྩེ་བཞིན་སྤོབས་པ་འཕགས། །བསམས་པས་གླིང་དང་རབ་ཀྱང་སྟོན། །ལྷ་མིན་ལ་སོགས་
D556.089.0235b02.01ལྷ་རྣམས་ཀྱིས། །ཀུན་གྱིས་ཡོན་ཏན་བསྟོད་ཅིང་བསྔགས། །སྤྱན་སྟོང་བརྒྱ་བྱིན་ལྷ་རྒྱལ་ཡང་། །གུས་པའི་སེམས་ཀྱིས་ཞལ་དུ་ལྟ། །སེམས་ཅན་གང་དག་ཅི་འདོད་པ། །དེ་ཀུན་བསམ་པ་མྱུར་དུ་སྐོང་། །བློ་མྱུར་ཐོས་པ་འཛིན་པ་ཡང་། །ས་ཆེན་འདི་
D556.089.0235b03.01གནས་ཀུན་གྱི་མཆོག །ཕྱོགས་བཅུའི་འཇིག་རྟེན་ཁམས་དག་ཏུ། །རྟག་ཏུ་སྒྲོན་ཆེན་སྣང་བྱེད་བཞིན། །བྱ་དང་གཅན་གཟན་{རི་དགས་,རི་དྭགས་}ཀྱིའང་། །ཀུན་གྱི་བསམ་པ་ཡོངས་སུ་སྐོང་། །བུད་མེད་ཀྱི་མཆོག་རི་བོ་བཞིན། །དྲང་སྲོང་འཇིག་རྟེན་རི་གནས་
D556.089.0235b04.01བཞིན། །ལྷ་མོ་གཞོན་བཞིན་འདོད་དང་བྲལ། །མི་མཇེད་བདག་བཞིན་བདེན་པར་སྨྲ། །འཇིག་རྟེན་མཐུན་པར་གཟུགས་སྟོན་ཅིང་། །འདོད་ཁམས་བར་གྱི་ལྷ་གནས་སུའང་། །ཁྱོད་ནི་ལྷ་མོའི་གཙོ་ཡིན་པས། །དེ་ལས་མཆོག་པའི་སེམས་ཅན་མེད། །
D556.089.0235b05.01གལ་ཏེ་གཡུལ་དང་འཇིགས་པའི་གནས། །མེ་ཡི་དོང་དུ་ལྷུང་འགྱུར་རམ། །ཆུ་བོ་གཡང་ས་མི་རྒོད་ལས། །འཇིགས་པ་དེ་ལས་སྒྲོལ་བར་མཛད། །རྒྱལ་པོའི་ཆད་པས་བཅིངས་པའམ། །ཡང་ན་དགྲ་ཡིས་བསད་པར་ཡང་། །རྩེ་གཅིག་སེམས་ནི་མ་གཡོས་ན། །
D556.089.0235b06.01སྡུག་བསྔལ་དག་ལས་ཐར་བར་འགྱུར། །དགེ་དང་མི་དགེ་ཀུན་ལ་སྐྱོབ། །བྱམས་དང་བརྩེ་བས་མདུན་དུ་གནས། །དེ་ཕྱིར་བདག་ནི་སེམས་བཏུད་དེ། །ཕྱག་འཚལ་ལྷ་མོ་ཆེན་མོ་ལའོ། །དེ་ནས་ཡང་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱས། ལྷ་མོ་ཆེན་མོ་
D556.089.0235b07.01