完整藏文原文 · 德格版页 当前仅加载第 89 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
བ་བཏུད་ནས། འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ལྟར་སངས་རྒྱས་བཅོམ་ལྡན་འདས་དེ་དག་མྱ་ངན་ལས་མི་འདའ་ལ། རིང་བསྲེལ་འཇིག་རྟེན་དུ་བཞག་པ་ཡང་མ་མཆིས་ན། ཅིའི་སླད་དུ་མདོ་སྡེ་དག་ལས་སངས་རྒྱས་མྱ་ངན་ལས་འདའ་ཞིང་། རིང་བསྲེལ་
D556.089.0160b01.01འཇིག་རྟེན་དུ་བཞག་པ་ལ་ལྷ་དང་མིས་གུས་པ་དང་བཅས། བཀུར་སྟི་དང་བཅས་པས་འདས་པའི་སངས་རྒྱས་བཅོམ་ལྡན་འདས་རྣམས་ཀྱི་རིང་བསྲེལ་འཇིག་རྟེན་དུ་བཞག་པ་ལ་ལྷ་དང་མིར་བཅས་པའི་འཇིག་རྟེན་གྱིས་མཆོད་པ་བྱས་ན། བསོད་ནམས་དཔག་ཏུ་མེད་པ་
D556.089.0160b02.01འཐོབ་པོ་ཞེས་ཀྱང་གསུངས་ལ། ད་འདིར་ནི་དེ་དག་མེད་དོ་ཞེས་ཀྱང་གསུངས་པ་དེ་ཇི་ལྟ་བུ་ལགས། བཅོམ་ལྡན་འདས་ཐུགས་བརྩེ་བས་རྣམ་པར་དབྱེ་ཞིང་བཤད་པར་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མཛེས་པའི་ཏོག་
D556.089.0160b03.01ལ་སོགས་པའི་འཁོར་འདུས་པ་དེ་དག་ལ་བཀའ་སྩལ་པ། བཅོམ་ལྡན་འདས་མྱ་ངན་ལས་འདས་ཏེ། རིང་བསྲེལ་འཇིག་རྟེན་དུ་བཞག་ཅེས་གསུངས་པ་ཡང་དགོངས་པའི་དོན་དུ་བསྟན་པར་ཤེས་པར་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་
D556.089.0160b04.01འདི་བཅུས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཡང་དག་པ་དང་། བདེན་པའི་ཚུལ་དུ་མྱ་ངན་ལས་འདས་པ་ཆེན་པོ་ཡོད་པར་གསུངས་པར་ཤེས་པར་བྱའོ། །བཅུ་གང་ཞེ་ན། འདི་ལྟ་སྟེ། དེ་བཞིན་གཤེགས་པ་རྣམས་
D556.089.0160b05.01ཀྱིས་ཉོན་མོངས་པའི་སྒྲིབ་པ་དང་། ཤེས་བྱའི་སྒྲིབ་པ་ཡོངས་སུ་སྤངས་པས་མྱ་ངན་ལས་འདས་པ་ཞེས་བྱ་བ་དང་། དེ་བཞིན་གཤེགས་པ་རྣམས་ཀྱིས་གང་ཟག་ལ་བདག་མེད་པ་དང་། ཆོས་ལ་བདག་མེད་པ་མངོན་དུ་མཁྱེན་པས་མྱ་ངན་ལས་འདས་པ་ཞེས་བྱ་བ་དང་། ལུས་
D556.089.0160b06.01ཀྱི་གནས་དང་། ཆོས་ཀྱི་གནས་སུ་གྱུར་པས་མྱ་ངན་ལས་འདས་པ་ཞེས་བྱ་བ་དང་། སེམས་ཅན་རྣམས་འདུལ་བའི་མཛད་པ་ལྷུན་གྱིས་གྲུབ་པའི་ཕྱིར་མྱ་ངན་ལས་འདས་པ་ཞེས་བྱ་བ་དང་། ཡང་དག་པ་ཉིད་མངོན་དུ་གྱུར་པས་མཚན་ཉིད་ཐ་དད་པ་མེད་པས་ཆོས་ཀྱི་སྐུར་མཉམ་
D556.089.0160b07.01