完整藏文原文 · 德格版页 当前仅加载第 89 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །ཚེ་རིང་བ་ཡང་ཐོབ་པར་ཤོག །རིག་པའི་གནས་ལ་མཁས་པ་དང་། །བྱང་ཆུབ་ལམ་ལ་བརྩོན་པ་དང་། །སྐྱེ་བོ་ཀུན་ལ་ཕན་མང་མཛོད། །རེ་བ་ཐམས་ཅད་མྱུར་དུ་སྐོང་། །བདག་གི་ཡང་དག་བདེན་ཚིག་དང་། །བདག་གིས་མི་སླུ་ཚིག་སྨྲས་པ། །
D556.089.0237b01.01དབྱངས་ཅན་ལྷ་མོ་མཆོག་གིས་ནི། །བདག་གི་དོན་དེ་གྲུབ་པར་མཛོད། །ལྷ་མོ་འདིར་ནི་གཤེགས་པར་གསོལ། །བདག་གི་ཚིག་ལ་ཐོགས་མེད་མཛོད། །ལུས་དང་ངག་ལ་མྱུར་ཞུགས་ཤིང་། །ཡིད་མྱུར་སྤོབས་པ་རྫོགས་པར་མཛོད། །བདག་གི་ལྕེ་ཡི་དབང་པོ་
D556.089.0237b02.01ལ། །བདེ་གཤེགས་སྤོབས་པ་ལྡན་པར་མཛོད། །ཚིག་གི་གཟི་བརྗིད་མཐུ་དེས་ནི། །སེམས་ཅན་ཐམས་ཅད་འདུལ་བར་མཛོད། །བདག་གིས་ཚིག་ནི་ཅི་སྨྲས་པ། །དོན་དེ་ཐམས་ཅད་གྲུབ་པར་ཤོག །ཚིག་ལ་ཐམས་ཅད་གུས་སྐྱེད་ཅིང་། །བྱེད་པ་ཐམས་ཅད་ཆུད་མ་
D556.089.0237b03.01གཟོན། །ནམ་ཞིག་བདག་གི་སྤོབས་འདོད་པ། །དོན་དེ་གྲུབ་པར་མ་གྱུར་ན། །ལྷ་མོ་ཁྱོད་ཀྱི་བདེན་ཚིག་ནི། །ཐམས་ཅད་{བརྫུན་,རྫུན་}པ་ཉིད་དུ་འགྱུར། །མཚམས་མེད་ལྔ་ཡི་སྡིག་བགྱིས་པ། །སངས་རྒྱས་བཀས་ནི་འདུལ་བར་འགྱུར། །གང་ཡང་དགྲ་བཅོམ་པ་དག་དང་། །
D556.089.0237b04.01བྱས་པ་གཟོ་བའི་ཚིག་རྣམས་དང་། །ཤཱ་རིའི་བུ་དང་མཽད་གལ་དང་། །བཅོམ་ལྡན་འཁོར་གྱི་གཙོ་བོ་སྟེ། །དེ་ལ་སོགས་པའི་བདེན་ཚིག་ཀྱང་། །ཐམས་ཅད་བདག་ལ་གྲུབ་པར་ཤོག །སངས་རྒྱས་ཉན་ཐོས་འཁོར་རྣམས་དག །བདག་གིས་དེང་འདིར་སྤྱན་དྲང་གིས། །
D556.089.0237b05.01བདག་གི་རེ་བ་བསྐང་བའི་ཕྱིར། །ཐམས་ཅད་མྱུར་དུ་གཤེགས་པར་མཛོད། །ཡང་དག་བདེན་པའི་ཚིག་གསོལ་བ། །ཐམས་ཅད་སླུ་བ་མེད་པར་ཤོག །སྲིད་པའི་རྩེ་མོ་མན་ཆད་དང་། །གཙང་མའི་གནས་ནི་ཐམས་ཅད་དང་། །ཚངས་པ་ཚངས་ཆེན་མདུན་འདོན་དང་། །
D556.089.0237b06.01ཚངས་པའི་རྒྱལ་འཁོར་ཐམས་ཅད་དང་། །སྟོང་གསུམ་འཁོར་བའི་བར་དག་དང་། །མི་མཇེད་འཇིག་རྟེན་གཙོ་བོ་དང་། །དེ་དང་དེ་ཡི་འཁོར་རྣམས་དང་། །དེ་ཀུན་དེང་འདིར་སྤྱན་དྲངས་ཏེ། །ཐུགས་རྗེས་བདག་ལ་དགོངས་མཛད་ཅིང་། །བརྩེ་བ་ཀུན་གྱིས་གཟུང་
D556.089.0237b07.01