完整藏文原文 · 德格版页 当前仅加载第 89 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
ཨུཏྤལ་སྔོན་པོ་རབ་ཏུ་རྒྱས་པ་འདྲ། །ལྗགས་ནི་ཆེ་ཞིང་ལེགས་པ་པདྨའི་མདོག །པདྨ་འདྲར་སྣང་པདྨའི་ཟེ་བ་འདྲ། །ཞལ་གྱི་མཛོད་སྤུ་པད་རྩ་དུང་དང་འདྲ། །བཻ་ཌཱུརྱ་ཡི་མདོག་འདྲ་གཡས་སུ་འཁྱིལ། །ཐུབ་པའི་སྐུ་ནི་ཟླ་བ་ཕྲ་འདྲ་ཞིང་། །ཟླ་བ་ཟད་འདྲ་སྤྱན་བཀྲག་
D556.089.0200b01.01བུང་བ་བཞིན། །ཞལ་མཐོ་ཤངས་ནི་རྟག་ཏུ་ལྷང་ངེ་སྟེ། །འཇམ་ཞིང་ས་ཡི་གསེར་ལྟར་ཁ་དོག་བཟང་། །རྟག་པར་རྒྱུན་དུ་རྒྱལ་བ་ཐམས་ཅད་ཀྱི། །རོ་མཆོག་འཇམ་ཞིང་དམ་པའི་མཆོག་རབ་འཕགས། །སྤུ་ཡི་བུ་ག་ནས་ནི་རེ་རེ་སྐྱེས། །སྤུ་རྣམས་སྐྱེས་པ་གཡས་
D556.089.0200b02.01སུ་འཁྱིལ་པ་སྟེ། །མཐོན་མཐིང་འདྲ་བར་འཚེར་ཞིང་ལྕང་ལོ་ཅན། །རྨ་བྱའི་མགྲིན་སྡུག་འདྲ་བར་སྔོ་ལ་མཛེས། །བལྟམས་མ་ཐག་ཏུ་སྐུ་ཡིས་སྣང་བར་བགྱིས། །ཕྱོགས་བཅུའི་འཇིག་རྟེན་དག་ནི་ཐམས་ཅད་གང་། །འཇིག་རྟེན་གསུམ་ན་སྡུག་བསྔལ་མཐའ་ཡས་ཞི། །
D556.089.0200b03.01བདེ་བ་ཀུན་གྱིས་སེམས་ཅན་རྣམས་ཀྱང་ཚིམ། །སེམས་དམྱལ་འགྲོ་དང་དུད་འགྲོར་འགྲོ་བ་དང་། །{ཡི་དགས་,ཡི་དྭགས་}ལྷ་གནས་མི་ཡི་འགྲོ་རྣམས་སུ། །སེམས་ཅན་དེ་དག་ཐམས་ཅད་བདེ་བས་ཚིམ། །ངན་སོང་འགྲོ་བ་རྣམས་ནི་ཐམས་ཅད་ཞི། །ཁ་དོག་བཟང་བ་གསེར་དང་
D556.089.0200b04.01འདྲ་བའི་འོད། །བཙོ་མའི་གསེར་ལྟར་རབ་ཏུ་སྣང་བའི་སྐུ། །བདེ་གཤེགས་ཟླ་བ་རབ་ཏུ་དྲི་མེད་ཞལ། །འཛུམ་ཞིང་རྣམ་མཛེས་ཤིན་ཏུ་དྲི་མེད་ཞལ། །གཞོན་ནུ་བཙས་འདྲར་སྐུ་ལུས་ཡན་ལག་འཇམ། །སེང་གེ་འདྲ་བར་རྩལ་གྱིས་གནོན་པའི་མཆོག །ཕྱག་རིང་ཕྱག་ནི་རབ་ཏུ་
D556.089.0200b05.01རིང་བ་སྟེ། །སཱ་ལའི་ལྕུག་མ་རླུང་གིས་བསྐྱོད་པ་བཞིན། །འདོམ་གང་འོད་འབར་འོད་ཟེར་རབ་ཏུ་གཏོང་། །ཉི་མ་སྟོང་ལྟར་རབ་ཏུ་ལྷང་ངེའོ། །ཐུབ་པའི་དབང་པོའི་སྐུ་མཆོག་དྲི་མ་མེད། །ཞིང་རྣམས་མཐའ་ཡས་ཐམས་ཅད་རབ་ཏུ་སྣང་། །སངས་རྒྱས་འོད་ནི་རྣམ་པར་ལྷང་
D556.089.0200b06.01ངེ་བས། །ཞིང་རྣམས་མཐའ་ཡས་བརྒྱ་སྟོང་རྣམས་སུ་ཡང་། །མཚན་བྱད་ཟླ་བ་ཉི་མ་མང་པོ་དག །དེ་དག་ཐམས་ཅད་འོད་ནི་མེད་པར་འགྱུར། །སངས་རྒྱས་ཉི་མ་འཇིག་རྟེན་སྒྲོན་མ་སྟེ། །སངས་རྒྱས་ཉི་མ་བརྒྱ་ཕྲག་སྟོང་རྣམས་ནི། །ཞིང་རྣམས་མཐའ་ཡས་སྟོང་ཕྲག་
D556.089.0200b07.01