完整藏文原文 · 德格版页 当前仅加载第 89 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་ཞིག་སངས་རྒྱས་ཐམས་ཅད་ལ། །བསམ་ཡས་མཆོད་པ་བྱེད་འདོད་ཅིང་། །སངས་རྒྱས་ཀུན་གྱི་སྤྱོད་ཡུལ་བ། །ཟབ་མོ་རབ་ཏུ་ཤེས་འདོད་པས། །གཙུག་ལག་ཁང་ངམ་གནས་ཁང་ངམ། །གང་ན་གསེར་འོད་དམ་པ་
D556.089.0252b01.01ཡི། །མདོ་སྡེ་དམ་པ་འདི་སྟོན་པ། །ས་ཕྱོགས་དེར་ནི་འགྲོ་བར་བྱ། །མདོ་འདི་བསམ་གྱིས་མི་ཁྱབ་སྟེ། །ཡོན་ཏན་རྒྱ་མཚོ་མཐའ་ཡང་ཡས། །སྡུག་བསྔལ་རྒྱ་མཚོ་དུ་མ་ལས། །སེམས་ཅན་ཐམས་ཅད་ཐར་བར་བྱེད། །མདོ་སྡེ་ཡི་ནི་ཐོག་མ་དང་། །དབུས་དང་དེ་བཞིན་ཐ་མ་མཐོང་། །
D556.089.0252b02.01མདོ་སྡེའི་དབང་པོ་རབ་ཟབ་སྟེ། །འདི་ལ་དཔེ་ནི་ཡོད་མ་ཡིན། །གང་གཱ་དང་ནི་ས་རྣམས་དང་། །རྒྱ་མཚོ་དང་ནི་ནམ་མཁའ་ལ། །གནས་པའི་རྡུལ་ནི་གང་ཡང་རུང་། །དཔེར་བྱ་བར་ནི་མི་ནུས་སོ། །ཆོས་ཀྱི་དབྱིངས་ལ་འཇུག་པ་ཡིས། །དེ་ཡི་ཚེ་ན་འཇུག་པར་བྱ། །ཆོས་ཀྱི་བདག་
D556.089.0252b03.01ཉིད་མཆོད་རྟེན་ནི། །ཟབ་མོར་རབ་བརྟན་གང་ཡིན་པ། །མཆོད་རྟེན་དེ་ཡི་དབུས་ན་ནི། །རྒྱལ་བ་ཤཱཀྱ་ཐུབ་པ་མཐོང་། །ཡིད་དུ་འོང་བའི་དབྱངས་ཀྱིས་སུ། །མདོ་སྡེ་འདི་ནི་རབ་ཏུ་སྟོན། །གྲངས་མེད་བསམ་གྱིས་མི་ཁྱབ་པའི། །བསྐལ་པ་བྱེ་བ་ཇི་སྙེད་པར། །ལྷ་ཡི་དང་ནི་མི་རྣམས་
D556.089.0252b04.01ཀྱི། །བདེ་བ་དག་ནི་རྗེས་སུ་མྱོང་། །གང་ཞིག་མདོ་སྡེ་འདི་ཉན་པ། །དེ་ལྟར་བདག་གི་བསོད་ནམས་ཀྱི། །ཕུང་པོ་བསམ་ཡས་བསྒྲུབ་སྙམ་དུ། །དེ་ཚེ་དེས་ནི་དེ་ལྟར་ཤེས། །མེས་གང་འོབས་ཀྱིས་བསྐོར་བ་ཡི། །དཔག་ཚད་བརྒྱ་དག་འདའ་བྱེད་ཅིང་། །ཚོར་བ་དྲག་པོ་བཟོད་བྱས་
D556.089.0252b05.01ནས། །མདོ་སྡེ་ཉན་པར་གང་ནུས་པ། །གཙུག་ལག་ཁང་ངམ་གནས་ཁང་དུ། །ཞུགས་ནས་དེ་མ་ཐག་ཏུ་ནི། །སྡིག་པ་རྣམས་ནི་མེད་པར་འགྱུར། །རྨི་ངན་མཚན་ཉིད་ཐམས་ཅད་དང་། །གཟའ་དང་རྒྱུ་སྐར་གནོད་པ་དང་། །བྱད་དང་གདོན་ནི་མི་བཟད་ཀྱང་། །ཞུགས་ནས་
D556.089.0252b06.01དེ་མ་ཐག་ཏུ་ནི། །ཐམས་ཅད་གཞན་དུ་ཕྱོགས་པར་འགྱུར། །ཀླུ་ཡི་རྒྱལ་པོ་རྣམས་ཀྱིས་ནི། །རྨི་ལམ་བསྟན་པ་ཅི་འདྲ་བར། །དེར་ནི་པདྨ་འདྲ་བའི་ཁྲི། །དེ་ལྟ་བུར་ཡང་བཤམ་པར་བྱ། །ཁྲི་དེ་ལ་ནི་འདུག་ནས་སུ། །མདོ་སྡེ་འདི་ནི་རབ་ཏུ་བསྟན། །ཡི་གེར་བྲིས་པ་བཀླག་
D556.089.0252b07.01