完整藏文原文 · 德格版页 当前仅加载第 89 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་རྣམས་ཀྱི་ཡང་དག་པའི་སྐུ་ནི་མེད་པ་མ་ཡིན་ནོ། །གཞན་ཡང་རིགས་ཀྱི་བུ་ཆོས་ཀྱི་སྐུ་ནི་ཉོན་མོངས་པའི་སྒྲིབ་པ་རྣམ་པར་དག་པས་ལོངས་སྤྱོད་རྫོགས་པའི་སྐུ་སྣང་བར་འགྱུར་རོ། །ལས་ཀྱི་སྒྲིབ་པ་རྣམ་པར་དག་པས་སྤྲུལ་པའི་སྐུ་སྣང་བར་འགྱུར་རོ། །ཡེ་ཤེས་ཀྱི་སྒྲིབ་པ་རྣམ་པར་དག་
D556.089.0169b01.01པས་ཆོས་ཀྱི་སྐུ་སྣང་བར་འགྱུར་རོ། །དཔེར་ན་ནམ་མཁའ་སྟོང་པ་ལ་བརྟེན་ནས་གློག་འབྱུང་ངོ་། །གློག་ལ་བརྟེན་ཏེ་འོད་སྣང་ངོ་། །དེ་བཞིན་དུ་ཆོས་ཀྱི་སྐུ་ལ་བརྟེན་ཏེ། ལོངས་སྤྱོད་རྫོགས་པའི་སྐུ་སྣང་ངོ་། །ལོངས་སྤྱོད་རྫོགས་པའི་སྐུ་ལ་བརྟེན་ཏེ་སྤྲུལ་པའི་སྐུ་སྣང་ངོ་། །དེ་ལ་རང་བཞིན་རྣམ་
D556.089.0169b02.01པར་དག་པའི་ཕྱིར་ཆོས་ཀྱི་སྐུ་སྣང་ངོ་། །ཡེ་ཤེས་རྣམ་པར་དག་པས་ལོངས་སྤྱོད་རྫོགས་པའི་སྐུ་སྣང་ངོ་། །ཏིང་ངེ་འཛིན་རྣམ་པར་དག་པས་སྤྲུལ་པའི་སྐུ་སྣང་ངོ་། །དེ་གསུམ་རྣམ་པར་དག་པ་ནི་ཆོས་ཀྱི་དེ་བཞིན་ཉིད་དང་། གཞན་མ་ཡིན་པའི་དེ་བཞིན་ཉིད་དང་། རོ་གཅིག་པའི་དེ་བཞིན་ཉིད་
D556.089.0169b03.01དང་། རྣམ་པར་གྲོལ་བའི་དེ་བཞིན་ཉིད་དང་། མཐས་ཀླས་པའི་དེ་བཞིན་ཉིད་ཀྱི་ཕྱིར། སངས་རྒྱས་ཐམས་ཅད་ནི་སྐུ་ཐ་མི་དད་པའོ། །རིགས་ཀྱི་བུའམ། རིགས་ཀྱི་བུ་མོ་གང་། དེ་བཞིན་གཤེགས་པ་ནི་བདག་གི་སྟོན་པ་ཆེན་པོའོ། །ཞེས་སྨྲ་ཞིང་མོས་པ་དེ་ནི། དེ་བཞིན་
D556.089.0169b04.01གཤེགས་པའི་སྐུ་གཉིས་སུ་མེད་པར་བསམ་པ་ཐག་པས་ཤེས་པ་ཡིན་ནོ། །རིགས་ཀྱི་བུ་དེའི་ཕྱིར་སྤྱོད་ཡུལ་ཐམས་ཅད་ལ་ཡང་དག་པ་མ་ཡིན་པའི་རྟོག་པ་ཡོངས་སུ་བསལ་བས། ཆོས་དེ་དག་ལ་མཚན་ཉིད་གཉིས་སུ་མེད་པ་དང་། རྣམ་པར་རྟོག་པ་མེད་པ་འཕགས་པ་རྣམས་ཀྱིས་བསྒྲུབ་པར་
D556.089.0169b05.01བྱ་བ་དེ་ལ་ཇི་ལྟ་ཇི་ལྟར་གཉིས་སུ་མེད་པའི་ཚུལ་གྱིས་ཡང་དག་པར་བསྒྲུབས་པས། དེ་ལྟ་དེ་ལྟར་སྒྲིབ་པ་ཐམས་ཅད་སྦྱོང་བར་འགྱུར་རོ། །ཇི་ཙམ་དུ་སྒྲིབ་པ་བྱང་བར་གྱུར་པ་དེ་ཙམ་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་རྣམ་པར་དག་པ་མཆོག་ཐོབ་པར་འགྱུར་རོ། །ཅི་ཙམ་དུ་
D556.089.0169b06.01ཆོས་ཀྱི་དབྱིངས་དང་། དེ་བཞིན་ཉིད་དང་། ཡང་དག་པའི་ཡེ་ཤེས་རྣམ་པར་དག་པ་དེ་བཞིན་དུ་དབང་ཕུན་སུམ་ཚོགས་པ་ཐམས་ཅད་ཀྱང་འཛིན་ཅིང་ཡོངས་སུ་རྫོགས་པར་འགྱུར་རོ། །སྒྲིབ་པ་ཐམས་ཅད་ཀྱང་སྦྱོང་བར་འགྱུར་རོ། །སྒྲིབ་པ་ཐམས་ཅད་རྣམ་པར་དག་པའི་ཕྱིར། དེ་ནི་ཡང་དག་
D556.089.0169b07.01