完整藏文原文 · 德格版页 当前仅加载第 89 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ལ་མཆོག་སྩོལ་དམ་པ་སྲིད་བཅིངས་གྲོལ། །ཞུགས་ཏེ་མི་ལ་སྨན་སླད་ཐར་བགྱིད་ཀྱི། །བཀའ་མཆིད་དམ་པ་བདུད་རྩི་གསུང་དུ་གསོལ། །དེ་ནས་བཅོམ་ལྡན་འདས་གདན་དེ་ལ་བཞུགས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་བྱ་དཀའ་བ་བྱེད་པའི་བྱང་
D556.089.0264b01.01ཆུབ་སེམས་དཔའི་རུས་པ་རྣམས་བལྟ་བར་འདོད་དམ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་དགེ་སློང་དེ་དག་གིས་འདི་སྐད་གསོལ་ཏོ། །དྲང་སྲོང་དམ་པ་སེམས་ཅན་མཆོག་གི་སྙིང་པོ་པ། །བཟོད་དང་བརྩོན་འགྲུས་ཆེ་ལ་ཞི་དང་དུལ་དགའ་ཞིང་། །བློ་གྲོས་དྲན་དགའ་ཡོན་ཏན་
D556.089.0264b02.01དཔག་མེད་གནས་གྱུར་གྱི། །རུས་པ་བདག་ཅག་བལྟ་བའི་དུས་ལགས་དེ་ལེགས་ཤོད། དེ་ནས་བཅོམ་ལྡན་འདས་ཀྱི་ཞབས་ཀྱི་མཐིལ་འཁོར་ལོ་རྩིབས་སྟོང་གི་རི་མོ་ཅན་དང་མེ་ཏོག་ཀ་མ་ལ་གསར་དུ་ཁ་ཕྱེ་བ་ལྟར་འཇམ་པའི་ཕྱག་གིས། སའི་ངོས་ལ་བརྡབས་ཏེ། བསྣུན་མ་ཐག་ཏུ། ས་རྣམ་པ་དྲུག་
D556.089.0264b03.01ཏུ་གཡོས་ཏེ། ནོར་བུ་དང་། གསེར་དང་། དངུལ་ལས་བྱས་པའི་མཆོད་རྟེན་ཞིག་དེ་ནས་བྱུང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་མཆོད་རྟེན་འདི་ཕྱེ་ཞིང་། །དེ་ནས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ཀྱི་ལྟར་
D556.089.0264b04.01མཉན་ནས། མཆོད་རྟེན་དེ་ཕྱེ་བ་དང་། དེས་དེར་གསེར་གྱི་འོད་འཕྲོ་བ་ཅན་གྱི་ནོར་བུ་དང་མུ་ཏིག་གིས་ཁེབས་པར་གཡོགས་པའི་གསེར་གྱི་ཟ་མ་ཏོག་ཅིག་མཐོང་ངོ་། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསེར་གྱི་ཟ་མ་ཏོག་དག་ཅིག་
D556.089.0264b05.01མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཟ་མ་ཏོག་བདུན་པོ་འདི་དག་ཐམས་ཅད་ཕྱེ་ཞིག །དེ་བཞིན་དུ་ཐམས་ཅད་ཁ་ཕྱེ་བ་དང་། དེས་དེར་རུས་པའི་ཁ་དོག་ཁ་བ་དང་། མེ་ཏོག་ཀུ་མུ་ད་འདྲ་བ་དག་ཅིག་མཐོང་ངོ་། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D556.089.0264b06.01རུས་པ་དག་ཅིག་གདའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་སྐྱེས་བུ་ཆེན་པོའི་རུས་པ་རྣམས་ཁྱེར་ཏེ་ཤོག །དེ་ནས་ཚེ་དང་ལྡན་པ་ཀུན་དགའ་བོས་རུས་པ་དེ་དག་བླངས་ཏེ། སངས་རྒྱས་བཅོམ་ལྡན་འདས་ལ་ཕུལ་བ་དང་། བཅོམ་ལྡན་འདས་ཀྱིས་རུས་པ་རྣམས་
D556.089.0264b07.01