完整藏文原文 · 德格版页 当前仅加载第 89 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་དེ་དག་ཀྱང་། དེ་བཞིན་གཤེགས་པའི་ཆོས་ཡང་དག་པ་ལ་དད་ཅིང་བསྲུང་བ་ལ་བརྩོན་པ་ཤ་སྟག་སྟེ། དེ་དག་ཐམས་ཅད་ཀྱང་ཕྱི་དྲོའི་དུས་ཀྱི་ཚེ། བཅོམ་ལྡན་འདས་ག་ལ་བ་དེར་ལྷགས་ནས། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ལན་
D556.089.0154a01.01གསུམ་བསྐོར་བ་བྱས་ནས། ཕྱོགས་གཅིག་ཏུ་འཁོད་དོ། །གཞན་ཡང་ནམ་མཁའ་ལྡིང་གི་རྒྱལ་པོ་སྤོས་ཀྱི་གླང་པོ་ཆེ་མཐུ་སྟོབས་རྒྱལ་པོ་ལ་སོགས་པ་བཞི་ཁྲི་དགུ་སྟོང་དང་། གཞན་ཡང་དྲི་ཟ་དང་། ལྷ་མ་ཡིན་དང་། མི་འམ་ཅི་དང་། ལྟོ་འཕྱེ་ཆེན་པོ་ལ་སོགས་པ་དང་།
D556.089.0154a02.01རི་དང་། ནགས་ཚལ་དང་། ཆུ་བོ་དང་། རྒྱ་མཚོའི་ལྷའི་དྲང་སྲོང་རྣམས་དང་། རྒྱལ་པོ་ཆེན་པོ་དང་། དེའི་འཁོར་དང་། བཙུན་མོ་དང་། སྲས་དང་། རིགས་ཀྱི་བུ་དང་། རིགས་ཀྱི་བུ་མོ་དང་། ལྷ་དང་། མི་ལ་སོགས་པ་དེ་དག་ཐམས་ཅད་བླ་ན་མེད་པའི་ཐེག་པ་ཆེན་པོ་འདི་
D556.089.0154a03.01ཀློག་ཅིང་འདོན་པ་དང་། འཆང་ཞིང་འཛིན་པ་དང་། འདྲི་བ་དང་། རྒྱས་པར་བྱེད་པ་དང་། སྲུང་ཞིང་སྐྱོབ་པར་སྨོན་ལམ་ཡོངས་སུ་འདེབས་པ་དེ་དག་ཐམས་ཅད་ཀྱང་ཕྱི་དྲོའི་དུས་ཀྱི་ཚེ། བཅོམ་ལྡན་འདས་ག་ལ་བ་དེར་ལྷགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་
D556.089.0154a04.01འཚལ་ནས། ལན་གསུམ་བསྐོར་བ་བྱས་ཏེ། ཕྱོགས་གཅིག་ཏུ་འཁོད་དོ། །དེ་ལྟར་ཉན་ཐོས་དང་། བྱང་ཆུབ་སེམས་དཔའ་དང་། ལྷ་དང་། མི་དང་། ལྷ་མ་ཡིན་དང་། ནམ་མཁའ་ལྡིང་ལ་སོགས་པ་སྡེ་བརྒྱད་པོ་དེ་དག་སྤྲིན་བཞིན་དུ་འདུས་པ། སེམས་རྩེ་གཅིག་ཏུ་བྱས་
D556.089.0154a05.01ནས་ཐལ་མོ་སྦྱར་ཏེ། མིག་མི་འཛུམས་པས། བཅོམ་ལྡན་འདས་ཀྱི་ཞལ་དུ་བལྟ་ཞིང་། དམ་པའི་ཆོས་བསྟན་པར་མོས་པས་གསོལ་བ་འདེབས་སོ། །དེ་ནས་བཅོམ་ལྡན་འདས་ཕྱི་དྲོའི་དུས་ཀྱི་ཚེ། ཏིང་ངེ་འཛིན་ལས་བཞེངས་ཏེ། འཁོར་འདུས་པ་མང་པོ་ལ་གཟིགས་ནས་
D556.089.0154a06.01ཚིགས་སུ་བཅད་པ་འདི་དག་གསུངས་སོ། །མདོ་སྡེའི་རྒྱལ་པོའི་དབང་པོ་སྟེ། །མཉན་ན་ཤིན་ཏུ་ཟབ་པ་དང་། །ཡོངས་སུ་བརྟགས་ན་ཟབ་པ་ཉིད། །གསེར་འོད་དམ་པ་འདི་འཆད་དོ། །ཕྱོགས་བཞིར་སངས་རྒྱས་རྣམས་ཀྱིས་ནི། །བྱིན་གྱིས་རླབས་ཀྱིས་བྱིན་བརླབས་པ། །
D556.089.0154a07.01