完整藏文原文 · 德格版页 当前仅加载第 89 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
མདོ་སྡེའི་དབང་པོའི་རྒྱལ་པོ་འདི་ཉན་ཏམ། རིམ་གྲོ་བགྱིད་དམ། མཆོད་པ་བགྱིད་དམ། དགེ་སློང་ངམ། དགེ་སློང་མའམ། དགེ་བསྙེན་ནམ། གང་དགེ་བསྙེན་མ་མདོ་སྡེའི་དབང་པོའི་རྒྱལ་པོ་འཛིན་པ་དེ་དག་ལ་ཡང་བསྟི་སྟང་དུ་བགྱིད། བཙུན་པར་བགྱིད། རིམ་གྲོ་
D556.089.0213b01.01བགྱིད་ཅིང་མཆོད་དེ་རྟག་པར་རྒྱུན་དུ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཉན་ན། ཆོས་མཉན་པའི་ཆུ་བོའི་ཆུས། ཆོས་བདུད་རྩིའི་ཁུ་བ་འདིས་བདག་ཅག་རྒྱལ་པོ་ཆེན་པོ་དཔུང་དང་གཡོག་ཏུ་བཅས་པ་བཞི་དང་། གནོད་སྦྱིན་འབུམ་ཕྲག་དུ་མའི་ལྷའི་ལུས་འདི་
D556.089.0213b02.01དག་གཟི་བྱིན་ཆེན་པོ་རྣམ་པར་འཕེལ་བར་འགྱུར། བདག་ཅག་ལ་བརྩོན་འགྲུས་དང་མཐུ་སྟོབས་ཆེན་པོར་ཡང་བགྱིད་པར་འགྱུར། བདག་ཅག་གི་གཟི་བརྗིད་དང་དཔལ་དང་ཕུན་སུམ་ཚོགས་པ་ཡང་རྣམ་པར་འཕེལ་བར་འགྱུར་རོ། །བཙུན་པ་བཅོམ་ལྡན་འདས་བདག་
D556.089.0213b03.01ཅག་རྒྱལ་པོ་ཆེན་པོ་བཞི་དཔུང་དང་གཡོག་ཏུ་བཅས་པ་གནོད་སྦྱིན་འབུམ་ཕྲག་དུ་མ་དང་ལུས་བལྟར་མི་གདའ་བར་བགྱིས་ཏེ། ད་ལྟར་དང་། མ་འོངས་པའི་དུས་ན། གྲོང་ངམ། གྲོང་ཁྱེར་རམ། གྲོང་རྡལ་ལམ། ཡུལ་འཁོར་རམ། ཕོ་བྲང་འཁོར་གང་ན་
D556.089.0213b04.01གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་སྤྱོད་པར་འགྱུར་བ་དེ་དག་ཏུ་མཆི་བར་བགྱིའོ། །མིའི་རྒྱལ་པོ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པ་དང་། རིམ་གྲོ་བགྱིད་པ་དང་། མཆོད་པ་བགྱིད་པ་དེ་དག་ལ་ཀུན་ཏུ་བསྲུང་བར་བགྱིའོ། །
D556.089.0213b05.01ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཆད་པ་སྤང་བ་དང་། ཞི་བ་དང་། བདེ་ལེགས་སུ་འགྱུར་བར་བགྱིའོ། །རྒྱལ་པོའི་ཕོ་བྲང་འཁོར་དེ་དག་དང་། ཡུལ་འཁོར་དེ་དག་དང་། ཡུལ་དེ་དག་ཀྱང་ཀུན་ཏུ་བསྲུང་བར་
D556.089.0213b06.01བགྱིའོ། །ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཆད་པ་སྤང་བ་དང་། ཞི་བ་དང་། བདེ་ལེགས་སུ་འགྱུར་བར་བགྱིའོ། །ཡུལ་དེ་དག་ཀྱང་འཇིགས་པ་དང་། གནོད་པ་དང་། འཁྲུག་པ་ཐམས་ཅད་ལས་ཡོངས་སུ་
D556.089.0213b07.01