完整藏文原文 · 德格版页 当前仅加载第 89 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཇི་སྙེད་འཁོད་པ་དེ་དག་ཐམས་ཅད་གསེར་གྱི་ཁ་དོག་ཅན། སྐྱེས་བུ་ཆེན་པོའི་མཚན་དང་ལྡན་པ། སྐྱེས་པ་ཡང་མ་ཡིན། བུད་མེད་ཀྱང་མ་ཡིན་པར་གྱུར་ནས། རིན་པོ་ཆེའི་པདྨ་ལ་འདུག་ཅིང་། བདེ་བ་ཚད་མེད་པས་ལོངས་སྤྱོད་པར་གྱུར་པ་ནི། ཇི་ལྟར་གཞན་
D556.089.0207b01.01འཕྲུལ་དབང་བྱེད་ལྷའི་གཞལ་མེད་ཁང་པ་ན། ངན་འགྲོ་ཐམས་ཅད་མེད་ཅིང་རིན་པོ་ཆེའི་ལྗོན་ཤིང་སྣ་ཚོགས་བྲེས་པ། རིན་པོ་ཆེ་སྣ་བདུན་གྱི་པདྨས་འཇིག་རྟེན་གྱི་ཁམས་ཁྱབ་པར་བྱས་པ། རིན་པོ་ཆེ་སྣ་བདུན་དང་། ལྷའི་མེ་ཏོག་གི་ཆར་འབབ་པ། ལྷའི་རོལ་མོ་སྣ་
D556.089.0207b02.01ཚོགས་ཀྱིས་ལོངས་སྤྱོད་པར་གནས་པ་བཞིན་དུ་གྱུར་ཏོ། །དེ་ནས་རིགས་ཀྱི་ལྷ་མོ་རིན་ཆེན་འོད་འཕྲོ་ཡང་བུད་མེད་ཀྱི་ལུས་ལས། ཚངས་པའི་ལུས་སུ་བསྒྱུར་ཅིང་འདུག་གོ། །བྱང་ཆུབ་སེམས་དཔའ་རིན་ཆེན་འོད་འཕྲོ་ལ་ཚངས་པའི་རྒྱལ་པོས་འདི་སྐད་ཅེས་སྨྲས་སོ། །བཙུན་པ་ཁྱོད་
D556.089.0207b03.01ཇི་ལྟར་བྱང་ཆུབ་སེམས་དཔའི་སྤྱད་པ་སྤྱོད། སྨྲས་པ། ཚངས་པའི་རྒྱལ་པོ་ཆེན་པོ་ཆུའི་ཟླ་བ་བྱང་ཆུབ་ཀྱི་སྤྱད་པ་སྤྱོད་པ་བཞིན། བདག་ཀྱང་བྱང་ཆུབ་ཀྱི་སྤྱད་པ་སྤྱོད་དོ། །རྨི་ལམ་བྱང་ཆུབ་ཀྱི་སྤྱད་པ་སྤྱོད་པ་བཞིན། བདག་ཀྱང་བྱང་ཆུབ་ཀྱི་སྤྱད་པ་སྤྱོད་དོ། །སྨིག་རྒྱུ་བྱང་ཆུབ་ཀྱི་
D556.089.0207b04.01སྤྱད་པ་སྤྱོད་པ་བཞིན། བདག་ཀྱང་བྱང་ཆུབ་ཀྱི་སྤྱད་པ་སྤྱོད་དོ། །སྒྲ་བརྙན་བྱང་ཆུབ་ཀྱི་སྤྱད་པ་སྤྱོད་པ་བཞིན། བདག་ཀྱང་བྱང་ཆུབ་ཀྱི་སྤྱད་པ་སྤྱོད་དོ། །དེ་སྐད་ཅེས་བཤད་པ་ཚངས་པ་ཆེན་པོས་ཐོས་ནས། བྱང་ཆུབ་སེམས་དཔའ་ལ་འདི་སྐད་ཅེས་སྨྲས་སོ། །བཙུན་པ་ཁྱོད་དོན་
D556.089.0207b05.01གང་ལ་གནས་ཏེ་ཚིག་དེ་སྐད་ཅེས་སྨྲ། ལྷ་མོས་སྨྲས་པ། ཚངས་པའི་རྒྱལ་པོ་ཆོས་གང་ཡང་བདེན་པའི་མཚན་ཉིད་དུ་མ་གྲུབ་ཅིང་། རྒྱུ་དང་རྐྱེན་ལ་བརྟེན་ནས་གྲུབ་པའི་ཕྱིར་རོ། །ཚངས་པའི་རྒྱལ་པོས་སྨྲས་པ། གལ་ཏེ་དེ་ལྟ་ན་སོ་སོའི་སྐྱེ་བོ་ཐམས་ཅད་ཀྱང་། བླ་ན་མེད་
D556.089.0207b06.01པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བའི་རིགས་སོ། སྐྱེས་བུ་ཁྱོད་ཅིའི་ཕྱིར། དེ་སྐད་ཅེས་སྨྲ། བྱིས་པ་ཡང་གཞན། མཁས་པ་ཡང་གཞན། བྱང་ཆུབ་ཀྱང་གཞན། བྱང་ཆུབ་མ་ཡིན་པ་ཡང་གཞན། རྣམ་པར་
D556.089.0207b07.01