完整藏文原文 · 德格版页 当前仅加载第 89 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་དང་། མཆོག་གི་ཡེ་ཤེས་ལ་དབང་སྒྱུར་བར་དཀའ་བ་དང་། མཐོང་བ་དང་། བསྒོམས་པས་སྤངས་པའི་ཉོན་མོངས་པ་ཐུལ་བར་དཀའ་བ་ཐུལ་བའི་ཕྱིར་ས་ལྔ་པ་ལ་ཤིན་ཏུ་སྦྱང་དཀའ་བ་ཞེས་བྱའོ། །འདུ་བྱེད་ཀྱི་ཆོས་བར་ཆད་མེད་པར་མངོན་དུ་གྱུར་ཏེ། མཚན་མ་མེད་
D556.089.0194b01.01པ་ཡིད་ལ་བྱེད་པ་ཐམས་ཅད་མངོན་དུ་བྱེད་པས། ས་དྲུག་པ་ལ་མངོན་སུམ་པ་ཞེས་བྱའོ། །ཟག་པ་མེད་པའི་ཆོས་རྣམས་ལ་བར་ཆད་མེད་ཅིང་མཚན་མ་མེད་པ་ཡིད་ལ་བྱེད་པས། རྣམ་པར་གྲོལ་བའི་ཏིང་ངེ་འཛིན་ལ་རྒྱུན་རིང་དུ་བསྒོམས་པས། ས་དེ་རྣམ་པར་དག་ཅིང་ཐོགས་པ་
D556.089.0194b02.01མེད་པའི་ཕྱིར། ས་བདུན་པ་ནི་རིང་དུ་སོང་བ་ཞེས་བྱའོ། །མཚན་མ་མེད་པ་ཡིད་ལ་བྱེད་པ་བསྒོམ་པ་ལ་དབང་ཐོབ་སྟེ། ཉོན་མོངས་པ་རྣམས་ཀྱིས་གཡོ་བར་མི་ནུས་པས་ན། ས་བརྒྱད་པ་ནི་མི་གཡོ་བ་ཞེས་བྱའོ། །རྣམ་པ་ཐམས་ཅད་དུ་ཆོས་སྟོན་པ་ལ་དབང་དུ་གྱུར་པས།
D556.089.0194b03.01ཁ་ན་མ་ཐོ་བ་མེད་ཅིང་། བློ་གྲོས་ཤིན་ཏུ་ཡངས་པ་ཐོགས་པ་མེད་པ་ཐོབ་པའི་ཕྱིར། ས་དགུ་པ་ནི་ལེགས་པའི་བློ་གྲོས་ཞེས་བྱའོ། །ཆོས་ཀྱི་སྐུ་ནམ་མཁའ་ལྟ་བུ་ལ། ཡེ་ཤེས་ཆེན་པོའི་སྤྲིན་ལྟ་བུས་ཁྱབ་པར་འགེབས་པའི་ཕྱིར། ས་བཅུ་པ་ནི་ཆོས་ཀྱི་སྤྲིན་ཅེས་བྱའོ། །
D556.089.0194b04.01དེ་ལ་རིགས་ཀྱི་བུ་ཆོས་དང་གང་ཟག་ལ། མཚན་མ་ཅན་དུ་མངོན་པར་ཞེན་པའི་རྨོངས་པ་དང་། འཁོར་བ་དང་ངན་སོང་གི་ཉོན་མོངས་པས་འཇིགས་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་དང་པོ་ལ་སྒྲིབ་བོ། །ལྟུང་བ་ཕྲ་མོའི་འཁྲུལ་པ་ལ་རྨོངས་པ་དང་། ལས་
D556.089.0194b05.01དང་སྤྱོད་པ་རྣམ་པ་སྣ་ཚོགས་མངོན་པར་སྐྱེད་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་གཉིས་པ་ལ་སྒྲིབ་པོ། །མ་ཐོབ་པ་ཐོབ་པར་འདོད་པའི་རྨོངས་པ་དང་། གཟུངས་དམ་པའི་མཆོག་ཐོབ་པ་ལ་རྨོངས་པ་དང་། རྨོངས་པ་འདི་གཉིས་ཀྱིས་ས་གསུམ་པ་
D556.089.0194b06.01ལ་སྒྲིབ་བོ། །མཉམ་པར་གཞག་པའི་རོའི་དགའ་བ་ལ་སྲེད་པའི་རྨོངས་པ་དང་། ཆོས་རྣམ་པར་དག་པ་ལ་སྲེད་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་བཞི་པ་ལ་སྒྲིབ་པོ། །འཁོར་བ་ལ་ཤིན་ཏུ་སྐྱོ་བའི་རྨོངས་པ་དང་། མྱ་ངན་ལས་འདས་པ་ལ་མངོན་
D556.089.0194b07.01