完整藏文原文 · 德格版页 当前仅加载第 89 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
སྐུ་མངོན་པར་སྤྲུལ་ནས་ཆོས་སྟོན་ཏོ། །ཆོས་ཉིད་ལས་ཀྱང་མི་གཡོ་ལ། འགྲོ་བ་ཡང་མེད། འོང་བ་ཡང་མེད་དོ། །སེམས་ཅན་རྣམས་ཡོངས་སུ་སྨིན་པར་བྱེད་ཀྱང་། སེམས་ཅན་དུ་དམིགས་པ་ཡང་མེད་དོ། །ཆོས་སྟོན་ཀྱང་ཡི་གེ་མཉམ་པ་ཉིད་ལས་གཡོ་བ་མེད་དོ། །
D556.089.0199b01.01འཆི་འཕོ་བ་དང་སྐྱེ་བ་སྟོན་ཀྱང་འཕོ་བ་ཡང་མེད། སྐྱེ་བ་ཡང་མེད་དོ། །ཆོས་ཐམས་ཅད་ལ་རྣམ་པར་རྟོག་པ་མེད་པའི་ཕྱིར། འདུ་བྱེད་རྣམས་གང་དུ་ཡང་འགྲོ་བར་མི་འགྱུར། གང་ནས་ཀྱང་འོང་བར་ཡང་མི་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན། བྱང་ཆུབ་སེམས་
D556.089.0199b02.01དཔའ་སུམ་སྟོང་གིས། མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །བྱང་ཆུབ་སེམས་དཔའ་ཚད་མེད་པ་རྣམས་ཀྱིས་ནི། བྱང་ཆུབ་ཀྱི་སེམས་ལས་ཕྱིར་མི་ལྡོག་པར་གྱུར་ཏོ། །དགེ་སློང་དང་། དགེ་སློང་མ་ཚད་མེད་པ་རྣམས་ཀྱིས་ནི། ཆོས་ལ་ཆོས་ཀྱི་མིག་རྣམ་པར་དག་
D556.089.0199b03.01པ་ཐོབ་བོ། །སེམས་ཅན་ཚད་མེད་པ་རྣམས་ཀྱིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་པ་དང་། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །འཁོར་བའི་རྒྱུན་གཅོད་དམ་ཆོས་འདི། །ཟབ་
D556.089.0199b04.01ཅིང་ཕྲ་ལ་བལྟ་དཀའ་སྟེ། །འདོད་པས་བསྒྲིབས་པའི་དམུས་ལོང་དག །དེ་མ་མཐོང་བས་སྡུག་བསྔལ་ལེན། །དེ་ནས་འཁོར་འདུས་པ་དེ་དག་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་
D556.089.0199b05.01གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཀློག་ཅིང་འདོན་པ་དང་། སྟོན་ཅིང་གནས་པ་དེར་བདག་ཅག་ཐམས་ཅད་མཆིས་ནས། ཆོས་སྟོན་པའི་འཁོར་དུ་བགྱིས་ཏེ། དེ་ལ་ཕན་པ་དང་། བདེ་བ་སྩལ་ཅིང་ལུས་དང་སེམས་བདེ་བར་བགྱིའོ། །བདག་ཅག་གིས་
D556.089.0199b06.01སེམས་རྩེ་གཅིག་ཏུ་གྱུར་པས་མཆོད་པར་བགྱིའོ། །ཉན་པའི་འཁོར་རྣམས་ཀྱང་བདེ་བས་ཚིམ་པར་བགྱིའོ། །རྒྱལ་པོའི་ཡུལ་དེར་ཡང་ཕ་རོལ་གྱི་དགྲའི་འཇིགས་པ་དང་། འཚེ་བ་དང་། མུ་གེའི་ཡ་ང་བས་སྡུག་བསྔལ་བ་མ་མཆིས་པ་དང་། སྐྱེ་བོ་མང་པོས་རྒྱས་ཤིང་
D556.089.0199b07.01