完整藏文原文 · 德格版页 当前仅加载第 89 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
བི་ར་ཛེ། ཨུ་ཙྱུཏེ། ཨ་མྲཱྀ་ཏེ། ཨ་ར་ཛེ། བི་ར་ཛེ། བྲ་ཧྨེ་བྲ་ཧྨ། སཱ་རེ་པཱུ་ར་ཎི་པཱུ་ར་ཎ། མ་ནོ་ར་ཐེ་སྭཱ་ཧཱ། རིགས་ཀྱི་བུ་གཟུངས་འདི་ནི་བཀྲ་ཤིས་པ་དང་སྤྱི་བོ་ནས་དབང་བསྐུར་བ་སྟེ་གང་གཱའི་ཀླུང་བཅུའི་བྱེ་མ་སྙེད་ལས་འདས་པའི་སངས་རྒྱས་བཅོམ་ལྡན་
D556.089.0198a01.01འདས་རྣམས་ཀྱིས་ས་བཅུ་པ་ལ་གནས་པའི་བྱང་ཆུབ་སེམས་དཔའ་བསྲུང་བའི་ཕྱིར་གསུངས་ཏེ། སུས་གཟུངས་སྔགས་འདི་འདོན་ཅིང་འཆང་ན། འཇིགས་པ་ཐམས་ཅད་དང་། གཅན་གཟན་ཁྲོ་བོ་དང་། {ཡི་དགས་,ཡི་དྭགས་}མ་རུངས་པ་དང་། མི་དང་མི་མ་ཡིན་པ་ལ་སོགས་ཏེ།
D556.089.0198a02.01ཕ་རོལ་གྱི་དགྲ་དང་། སྡུག་བསྔལ་རྣམ་པ་སྣ་ཚོགས་ཀྱིས་གཙེ་བ་དང་། གཟའ་དང་། གདུག་པ་ཅན་ཐམས་ཅད་དང་། སྒྲིབ་པ་རྣམ་པ་ལྔ་ལ་སོགས་པ་ལས་རྣམ་པར་གྲོལ་ཏེ། ས་བཅུ་པ་རྗེས་སུ་དྲན་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་
D556.089.0198a03.01པོ་སེང་གེའི་ཏོག་གི་འོད་ཟེར་སྣང་བ་ཐོགས་པ་མེད་པ་ཞེས་བྱ་བས། བཅོམ་ལྡན་འདས་ཀྱིས་གཟུངས་འདི་དག་བཤད་པ་ཐོས་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་བ་བཏུད་
D556.089.0198a04.01ནས་ཞབས་ལ་ཕྱག་འཚལ་ཏེ་ཚིགས་སུ་བཅད་པ་འདིས་བསྟོད་དོ། །ཟབ་མོ་མཚན་ཉིད་མེད་ཆོས་ལ། །སྐྱེ་བོ་ཤེས་པ་ཉམས་པ་རྣམས། །བཅོམ་ལྡན་ཉག་གཅིག་སྒྲོལ་མཛད་པ། །དཔེ་མེད་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པའི་ཤེས་རབ་སྤྱན། །
D556.089.0198a05.01ཆོས་ཀྱི་མཚན་ཉིད་གཅིག་མི་གཟིགས། །ཡང་དག་ཆོས་ཀྱི་སྤྱན་གྱིས་ནི། །ཀུན་དུ་གསལ་བ་བསམ་མི་ཁྱབ། །ཆོས་འགའང་སྐྱེ་བ་མེད་པ་སྟེ། །འགོག་པར་ཡང་ནི་མི་འགྱུར་རོ། །དེ་ལྟར་མཉམ་པར་གཟིགས་པས་ན། །བླ་མེད་གནས་སུ་བཞུགས་པར་འགྱུར། །
D556.089.0198a06.01འཁོར་བ་དག་ཀྱང་མི་འཇིག་ལ། །མྱ་ངན་འདས་ལའང་མི་བཞུགས་ཤིང་། །མཐའ་གཉིས་ལ་ནི་མི་གནས་ཏེ། །དེའི་ཕྱིར་མྱ་ངན་འདའ་བ་བརྙེས། །དག་དང་མ་དག་ཕྱོགས་ལ་ཡང་། །རྣམ་པར་དབྱེ་བ་མེད་པའི་ཕྱིར། །བཅོམ་ལྡན་རོ་གཅིག་མཁྱེན་
D556.089.0198a07.01