完整藏文原文 · 德格版页 当前仅加载第 89 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གནས་པའི་ཡིད་སྦྱངས་པས་ལོངས་སྤྱོད་རྫོགས་པའི་སྐུ་སྟོན་ཏོ། །ཀུན་གཞིའི་རྣམ་པར་ཤེས་པ་སྦྱངས་པས་ནི། ཆོས་ཀྱི་སྐུ་འཐོབ་སྟེ། དེ་ལྟར་ན་དེ་བཞིན་གཤེགས་པ་ཐམས་ཅད་སྐུ་གསུམ་ལྷུན་གྱིས་གྲུབ་པ་ཞེས་བྱའོ། །རིགས་ཀྱི་བུ་སངས་རྒྱས་ཐམས་ཅད་ཀྱི་སྤྲུལ་པའི་སྐུ་ནི་
D556.089.0166b01.01སངས་རྒྱས་ཐམས་ཅད་དང་། སྤྱོད་པ་མཐུན་པའོ། །ལོངས་སྤྱོད་རྫོགས་པའི་སྐུ་ནི་སངས་རྒྱས་ཐམས་ཅད་དང་དགོངས་པ་མཐུན་པའོ། །ཆོས་ཀྱི་སྐུ་ནི་སངས་རྒྱས་ཐམས་ཅད་དང་སྐུ་མཐུན་པའོ། །རིགས་ཀྱི་བུ་སངས་རྒྱས་ཀྱི་སྤྲུལ་པའི་སྐུ་ནི་སྐྱེ་བོ་སོ་སོའི་ཡིད་དང་མཐུན་པར་རྣམ་པ་མང་པོས་
D556.089.0166b02.01མཚན་མ་སྣ་ཚོགས་སྟོན་པའི་ཕྱིར་མང་པོ་ཞེས་བྱའོ། །ལོངས་སྤྱོད་རྫོགས་པའི་སྐུ་ནི་འཁོར་རྣམས་ཀྱི་བསམ་པ་གཅིག་པས། མཚན་ཉིད་གཅིག་པའི་ཕྱིར་མཚན་ཉིད་གཅིག་ཅེས་བྱའོ། །ཆོས་ཀྱི་སྐུ་ནི་མཚན་མ་སྣ་ཚོགས་ལས་ཡང་དག་པར་འདས་པ། མཚན་མར་གཟུང་བའི་སྤྱོད་
D556.089.0166b03.01ཡུལ་མ་ཡིན་པ་སྟེ། དེ་བས་ན་གཅིག་པ་ཡང་མ་ཡིན། ཐ་དད་པ་ཡང་མ་ཡིན་པ་ཞེས་བྱའོ། །རིགས་ཀྱི་བུ། སྤྲུལ་པའི་སྐུ་ནི་ལོངས་སྤྱོད་རྫོགས་པའི་སྐུ་ལ་བརྟེན་ཏེ་མངོན་པར་སྣང་ངོ་། །ལོངས་སྤྱོད་རྫོགས་པའི་སྐུ་ནི་ཆོས་ཀྱི་སྐུ་ལ་བརྟེན་ཏེ་མངོན་པར་སྣང་ངོ་། །ཆོས་ཀྱི་སྐུ་ནི་
D556.089.0166b04.01ཡང་དག་པ་སྟེ། ཅི་ལ་ཡང་མི་གནས་པའོ། །རིགས་ཀྱི་བུ་སྐུ་དེ་གསུམ་ནི་རྟག་པར་བཤད་པའི་རྣམ་གྲངས་ཀྱང་ཡོད། མི་རྟག་པར་བཤད་པའི་རྣམ་གྲངས་ཀྱང་ཡོད་དོ། །སྤྲུལ་པའི་སྐུ་ནི་ཐབས་མཁས་པས་རྣམ་པ་ཐམས་ཅད་དུ་དམིགས་པ་ཇི་ལྟ་བ་བཞིན་དུ་རྒྱུན་མི་འཆད་པར་ཆོས་ཀྱི་
D556.089.0166b05.01འཁོར་ལོ་བསྐོར་བའི་ཕྱིར་རྟག་པ་ཞེས་བྱའོ། །དེ་གཞིར་མ་གྱུར་པས་མཛད་པ་ཆེན་པོ་ཕུན་སུམ་ཚོགས་པ་མངོན་དུ་མི་སྟོན་པའི་ཕྱིར་མི་རྟག་པ་ཞེས་བྱའོ། །ལོངས་སྤྱོད་རྫོགས་པའི་སྐུ་ནི་ཐོག་མ་མེད་པའི་དུས་ནས་རྒྱུན་མི་འཆད་ཅིང་སངས་རྒྱས་ཐམས་ཅད་ཀྱི་ཆོས་མ་འདྲེས་པས་ཡོངས་སུ་འཛིན་ཅིང་སྡུད་
D556.089.0166b06.01པའི་ཕྱིར། སེམས་ཅན་ཟད་པ་མེད་པས། སྤྱོད་པ་ཡང་མི་ཟད་དེ། དེའི་ཕྱིར་རྟག་པ་ཞེས་བྱའོ། །དེ་ཡང་གཞིར་མ་གྱུར་པའི་ཕྱིར་མཛད་པ་ཆེན་པོ་ཕུན་སུམ་ཚོགས་པ་མངོན་དུ་མི་སྟོན་པས་མི་རྟག་པ་ཞེས་བྱའོ། །ཆོས་ཀྱི་སྐུ་ནི་འདུ་བྱེད་ཀྱི་ཆོས་མ་ཡིན་པ་མཚན་མ་ཐ་དད་པ་མེད་པ་རྩ་བ་དང་
D556.089.0166b07.01