完整藏文原文 · 德格版页 当前仅加载第 89 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྐྱེ་བར་འགྱུར། སྨྲས་པ། གང་ཆོས་ཀྱི་དབྱིངས་ཡོད་པ་ཡང་མ་ཡིན། མེད་པ་ཡང་མ་ཡིན་པར་ཡང་དག་པར་ཤེས་པ་དེ་དག་གིས། ཟབ་མོ་དེའི་དོན་ཤེས་པར་ནུས་སོ། །དེ་ནས་ཚངས་པ་ཆེན་པོས། བཅོམ་ལྡན་འདས་ལ་འདི་སྐད་
D556.089.0209a01.01ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་རིན་ཆེན་འོད་འཕྲོ་འདི་ནི་བསམ་གྱིས་མི་ཁྱབ་པ་སྟེ། ཆོས་ཀྱི་གཞུང་ཟབ་མོ་འདི་ལ་མཁས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ཏེ། ཚངས་པ་ཆེན་པོ་དེ་ཇི་ལྟར་ཁྱོད་ཀྱིས་
D556.089.0209a02.01སྨྲས་པ་དེ་བཞིན་ནོ། །བྱང་ཆུབ་སེམས་དཔའ་རིན་ཆེན་འོད་འཕྲོ་འདིས་ཁྱེད་ལ་ཇི་སྐད་བསྟན་པ་བཞིན་དུ་ནན་ཏན་དུ་སྒྲུབས་ཤིག་དང་། མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་རོ། །དེ་ནས་ལྷའི་རྒྱལ་པོ་ཚངས་པ་ཆེན་པོ་དང་། གཞན་ཡང་ཚངས་པའི་
D556.089.0209a03.01འཁོར་དེ་དག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་བས་བྱང་ཆུབ་སེམས་དཔའ་རིན་ཆེན་འོད་འཕྲོའི་རྐང་པ་གཉིས་ལ་སྤྱི་བོས་ཕྱག་འཚལ་ཏེ། ཚིག་འདི་སྐད་ཅེས་སྨྲས་སོ། །
D556.089.0209a04.01དེང་སྐྱེས་བུ་ཆེན་པོ་ཁྱོད་དང་ཕྲད་ཅིང་བདག་ཅག་གིས་དམ་པའི་ཆོས་འདི་ལྟ་བུ་ཐོས་པར་གྱུར་པ་ངོ་མཚར་ཆེ་བ་ལགས་སོ། །དེ་ནས་བཅོམ་ལྡན་འདས་ཀྱིས་ཚངས་པ་ཆེན་པོ་ལ་བཀའ་སྩལ་པ། བྱང་ཆུབ་སེམས་དཔའ་རིན་ཆེན་འོད་འཕྲོ་འདི་མ་འོངས་པའི་དུས་ན། རིན་པོ་
D556.089.0209a05.01ཆེའི་འོད་དཔལ་གྱི་སྙིང་པོ་ཞེས་བྱ་བ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་
D556.089.0209a06.01ཀྱི་སྟོན་པ། སངས་རྒྱས་བཅོམ་ལྡན་འདས་སུ་འགྱུར་རོ་ཞེས་བཀའ་སྩལ་ཏོ། །དེ་སྐད་ཅེས་བཀའ་སྩལ་པ་དེའི་ཚེ། བྱང་ཆུབ་སེམས་དཔའ་ཁྲི་ཕྲག་སུམ་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷའི་བུ་ཁྲི་ཕྲག་བརྒྱད་
D556.089.0209a07.01