完整藏文原文 · 德格版页 当前仅加载第 89 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
འདབ་ཏུ་གཤེགས་ཤིང་། རྒྱལ་པོ་དང་། བློན་པོ་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་ལ་སོགས་པའི་ཁྱིམ་དུ་བསོད་སྙོམས་བླང་ངོ་སྙམ་དུ་མི་དགོངས་མོད་ཀྱི། སྔོན་གྱི་སྐུ་དང་། གསུང་དང་། ཐུགས་ཀྱི་སྤྱོད་
D556.089.0163a01.01པ་ལ་གོམས་པའི་མཐུས། ལྷུན་གྱིས་གྲུབ་པར་བསོད་སྙོམས་ལ་གཤེགས་ཤིང་ཕན་པའི་དོན་མཛད་པ་དེ་ནི། དེ་བཞིན་གཤེགས་པ་རྣམས་ཀྱི་སྤྱོད་པའོ། །དེ་བཞིན་གཤེགས་པའི་སྐུ་ལ་སྦྲེབས་པ་དང་སྐྱེམས་པ་ཡང་མི་མངའ། བཤང་གཅི་དང་། སྐུ་ཉམ་ཆུང་བ་ཡང་
D556.089.0163a02.01མི་མངའ་བར་བསོད་སྙོམས་ལེན་པར་སྣང་ཡང་། དེ་ལ་གསོལ་བ་ཡང་མེད། དེའི་རྣམ་པར་རྟོག་པ་ཡང་མི་མངའ་མོད་ཀྱི། སེམས་ཅན་ལ་ཕན་གདགས་པའི་ཕྱིར། བསོད་སྙོམས་གསོལ་བར་ཡང་སྣང་བ་དེ་ནི། དེ་བཞིན་གཤེགས་པའི་སྤྱོད་པ་ལྷུན་གྱིས་གྲུབ་
D556.089.0163a03.01པའོ། །གང་དེ་བཞིན་གཤེགས་པས་སེམས་ཅན་འདི་དག་གི་དབང་པོ་རབ་དང་། འབྲིང་དང་། ཐ་མ་ཇི་ལྟ་བ་བཞིན་དུ་ཆོས་བསྟན་ཏོ་སྙམ་དུ་མི་དགོངས་མོད་ཀྱི། སངས་རྒྱས་བཅོམ་ལྡན་འདས་ཀྱིས་སོ་སོའི་དབང་པོ་དང་སྣོད་ཇི་ལྟ་བུ་ཡིན་པ་རྟོག་པ་མི་མངའ་བར་རབ་ཏུ་
D556.089.0163a04.01མཁྱེན་ཅིང་། དེ་དག་ལ་ཆོས་སྟོན་པ་དེ་ནི་དེ་བཞིན་གཤེགས་པ་རྣམས་ཀྱི་སྤྱོད་པའོ། །དེ་བཞིན་གཤེགས་པས་སེམས་ཅན་འདི་དག་ནི། གུས་པ་མེད་པ་རྟག་ཏུ་ཚིག་རྩུབ་པོས་ངན་དུ་སྨྲ་བ་ཡིན་པས། འདི་དག་དང་། ལྷན་ཅིག་མི་སྨྲའོ། །སེམས་ཅན་འདི་དག་ནི་ང་
D556.089.0163a05.01ལ་རྟག་ཏུ་གུས་པར་བྱེད་པ། བསྟོད་ཅིང་སྙན་པར་སྨྲ་བ་ཡིན་པས། འདི་དག་དང་ལྷན་ཅིག་སྨྲ་བར་བྱའོ་ཞེས་དེ་བཞིན་གཤེགས་པ་མི་དགོངས་ཏེ། བྱམས་པ་དང་། ཐུགས་རྗེས་མཉམ་པར་དགོངས་ཤིང་གཉིས་སུ་མེད་པ་དེ་ནི་དེ་བཞིན་གཤེགས་པ་རྣམས་ཀྱི་སྤྱོད་པའོ། །
D556.089.0163a06.01སངས་རྒྱས་བཅོམ་ལྡན་འདས་རྣམས་ལ་བྱམས་སྡང་དང་། ང་རྒྱལ་དང་། འདོད་པ་དང་། སེར་སྣ་ལ་སོགས་པའི་ཉོན་མོངས་པ་མི་མངའ་མོད་ཀྱི། དེ་བཞིན་གཤེགས་པ་ནི་རྟག་པར་དབེན་པ་ལ་དགྱེས་ཤིང་། འདུ་འཛི་ཐམས་ཅད་སྤངས་ཏེ། འདོད་པ་ཆུང་བ་ལ་བསྔགས་པ་མཛད་
D556.089.0163a07.01