完整藏文原文 · 德格版页 当前仅加载第 50 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་འགྱུར་བའི་ཆོས་ཅན་ནོ། །གང་ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་བྱིས་པ་སོ་སོའི་སྐྱེ་བོ་རྣམས་ལ་བདེ་བར་སྦྱོར་བ་ཐམས་ཅད་ཉེ་བར་སྦྱར་བ་དེ་དག་ཐམས་ཅད་ནི་ལམ་འདི་ལ་དགོད་པའི་ཕྱིར་ཡོངས་སུ་སྨིན་པར་འགྱུར་བ་ཤ་སྟག་གོ། །ད་ལྟར་བདེ་བ་གང་གིས་ངས་ཁྱེད་བདེ་བར་བྱས་པ་འདུས་མ་
D111.050.0124b01.01བྱས་པའི་བདེ་བ། འཕགས་པ་ཟག་པ་མེད་པའི་བདེ་བ། དེ་དག་ནི་ནམས་ཀྱང་ཕྱིས་ཡོངས་སུ་མི་འགྱུར་ཞིང་ཆུད་ཟ་བར་མི་འགྱུར་རོ། །ཀུན་དགའ་བོ་དེ་བས་ན་འཕགས་པའི་ཡེ་ཤེས་ཀྱིས་བྱ་བ་བྱོས་ཤིག །ཀུན་དགའ་བོ་ཡེ་ཤེས་ཀྱི་བྱ་བས་བྱ་བ་བྱོས་ཤིག །ངས་ནི་བྱས་ཟིན་ཏོ། །ཀུན་དགའ་བོ་སྤྱོད་པ་གཞན་
D111.050.0124b02.01ཡང་ཐ་ན་སེམས་དད་པ་གཅིག་བསྐྱེད་པའི་དགེ་བའི་རྩ་བའི་རྣམ་པར་སྨིན་པ་ངས་བཤད་ཟིན་ཏོ། །ཀུན་དགའ་བོ་སེམས་ཅན་དགེ་བའི་རྩ་བ་བྱས་པ། དགེ་བའི་རྩ་བ་བསྐྱེད་པ། མྱ་ངན་ལས་འདས་པའི་ས་བོན་བསྐྱེད་པ་དག་ཀྱང་ཡོད་དོ། །ཀུན་དགའ་བོ་སེམས་ཅན་གང་དག་གིས་དེ་བཞིན་གཤེགས་པ་ཡང་
D111.050.0124b03.01དག་པར་རྗེས་སུ་དྲན་ནས་ང་འདི་ལྟ་བུར་ཟད་ཅིང་ཡོངས་སུ་ཉམས་པ་ཐོས་ན་དགའ་བ་ཙམ་མམ་དད་པ་ཙམ་གྱིས་མཆི་མ་འབྱུང་བ་དག་ཀྱང་ཡོད་དོ། །ཀུན་དགའ་བོ་དེ་བཞིན་གཤེགས་པ་རྗེས་སུ་དྲན་ནས་ཤུགས་རིང་པོ་འབྱིན་པའི་སེམས་ཅན་དག་ཀྱང་ཡོད། སྤུ་ཟིང་ཞེས་བྱེད་པ་དག་ཀྱང་ཡོད་དེ། སེམས་ཅན་
D111.050.0124b04.01དེ་དག་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་མི་འགྲོ་ཞིང་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གཞོལ་བ་དག་གོ། །ཀུན་དགའ་བོ་དེ་བཞིན་དུ་གང་ལ་ལ་ང་རྗེས་སུ་དྲན་ནས་ཆོས་ཀྱི་ཤུགས་ཀྱིས་མཆི་མ་འབྱུང་བའམ། སྤུ་ཟིང་ཞེས་བྱེད་པའམ།
D111.050.0124b05.01ཤུགས་རིང་དུ་འབྱིན་པར་འགྱུར་བའི་སེམས་ཅན་དེ་དག་ཐམས་ཅད་ནི་ཀུན་དགའ་བོ་དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་མི་འགྲོའོ། །ལོག་པར་ལྟུང་བ་ཐམས་ཅད་དུ་མི་འགྲོའོ། །ཀུན་དགའ་བོ་དེ་བས་ན་བག་ཡོད་པ་ལ་བརྩོན་པར་གྱིས་ཤིག །ཀུན་དགའ་བོ་སངས་རྒྱས་བཅོམ་ལྡན་འདས་
D111.050.0124b06.01རྣམས་ཀྱི་བྱང་ཆུབ་ནི་བག་ཡོད་པས་ཐོབ་ཅིང་དེ་ལས་གཞན་པའི་དགེ་བ་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཀྱང་བག་ཡོད་པས་ཐོབ་བོ། །ཀུན་དགའ་བོ་གང་འདོམས་པ་པོས་བྱ་བ་དང་། གང་དོན་འདོད་པ་དང་། ཕན་པ་དང་བདེ་བ་འདོད་པ་དང་། ཕན་པར་དགའ་བ་དང་། སྙིང་རྗེ་ཅན་དང་། སྙིང་བརྩེ་བ་ཅན་གྱིས་སྙིང་
D111.050.0124b07.01