完整藏文原文 · 德格版页 当前仅加载第 50 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་ན་སེམས་ཅན་ཐམས་ཅད་ལ་ཕན་པ་དང་། སེམས་ཅན་ཐམས་ཅད་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་ཀྱི་དོན་དང་ཕན་པ་དང་བདེ་བའི་ཕྱིར་ངས་རྟག་ཏུ་སངས་རྒྱས་དང་བྱང་ཆུབ་སེམས་དཔའ་
D111.050.0098a01.01དང་། དགེ་བའི་བཤེས་གཉེན་དང་། ཉན་ཐོས་དང་། རང་སངས་རྒྱས་དང་། ཕྱི་རོལ་པའི་དྲང་སྲོང་མང་པོ་རྣམས་ལམ་དུ་ཞུགས་པ་ན་ལམ་ཕྱག་དར་བྱས་སོ། །གནས་དང་འཆག་ས་དང་། འདུག་གནས་རྣམས་ཕྱག་དར་བྱས་སོ། །ངས་དེ་བཞིན་གཤེགས་པའི་མཆོད་རྟེན་དག་
D111.050.0098a02.01བྱམས་པའི་སེམས་དང་། སྙོམས་པའི་སེམས་དང་། མི་མཉམ་པ་མེད་པའི་སེམས་དང་། གྱ་གྱུ་མེད་པའི་སེམས་དང་། ཕན་པའི་སེམས་ཀྱིས་ཕྱག་དར་བྱས་སོ། །གཙང་མར་བྱས་སོ། །ཀུན་དགའ་བོ་དགེ་བའི་རྩ་བ་དེས་དེ་བཞིན་གཤེགས་པས་ཕྱོགས་གང་དང་གང་ན་བཞེངས་སམ།
D111.050.0098a03.01བཞུགས་སམ། འཆག་གམ། མནལ་བ་མཛད་དམ། ལམ་དུ་ཞུགས་ཀྱང་རུང་། ཚེགས་ཆུང་ངུས་ས་ཕྱོགས་དེ་དག་གཙང་ཞིང་དག་ལ་མཉམ་སྟེ་ལག་མཐིལ་ལྟ་བུར་གྱུར་ཏོ། །ཀུན་དགའ་བོ་གང་དེ་བཞིན་གཤེགས་པའི་སྐུའི་ཕྲིན་ལས་ཀྱི་ཁྱད་པར་གང་ཡིན་པ་དེ་དག་གི་མཐའ་ནི་རྟོགས་
D111.050.0098a04.01པར་སླ་བ་མ་ཡིན་ནོ། །ཀུན་དགའ་བོ་དེ་བས་ན་དོན་དེ་རྒྱ་ཆེར་ཡོངས་སུ་རྫོགས་པར་བྱ་བ་དང་། འདི་ལ་རིགས་ཀྱི་བུའམ་རིགས་ཀྱི་བུ་མོ་དད་པ་ཅན་ཁ་ཅིག་ཅི་ནས་ཀྱང་དེ་བཞིན་གཤེགས་པ་ལ་དགའ་བ་དང་། སེམས་དང་བ་དང་གུས་པ་དང་། རི་མོར་བྱེད་པ་ཆེན་པོ་རྒྱས་པར་བསྐྱེད་
D111.050.0098a05.01པའི་ཕྱིར་ཁྱོད་ལ་དཔེ་བསྟན་པར་བྱའོ། །ཀུན་དགའ་བོ་རིའི་རྒྱལ་པོ་རི་རབ་དཔག་ཚད་བརྒྱད་ཁྲི་བཞི་སྟོང་ནི་རྒྱ་མཚོ་ཆེན་པོའི་ནང་ནས་བྱུང་། དཔག་ཚད་བརྒྱད་ཁྲི་བཞི་སྟོང་ནི་ཆུའི་ནང་དུ་ནུབ་པའི་རིའི་རྒྱལ་པོ་ཆེན་པོ་དེ་སྲ་བ་རྡོ་རྗེ་ལྟར་གྱུར་དུ་ཟིན་ཀྱང་ཀུན་དགའ་བོ་དེ་བཞིན་གཤེགས་པ་ཡོངས་
D111.050.0098a06.01སུ་མྱ་ངན་ལས་འདས་པའི་དབུ་སྐྲ་སྣད་པར་བྱ་བར་ཡང་སླ་བ་མ་ཡིན་ན། གཅིག་ཙམ་བསྒྱུར་ཞིང་འགྱུར་བར་དབྱུང་བ་ལྟ་ཅི་སྨོས་ཏེ་དེ་ནི་གནས་མེད་དོ། །ཀུན་དགའ་བོ་རིའི་རྒྱལ་པོ་རི་རབ་ལྟ་ཞོག་ལ། ཀུན་དགའ་བོ་རིའི་རྒྱལ་པོ་ཁོར་ཡུག་དང་ཁོར་ཡུག་ཆེན་པོ་འཕང་དུ་དཔག་ཚད་དྲུག་ཁྲི་
D111.050.0098a07.01