完整藏文原文 · 德格版页 当前仅加载第 50 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པས་ཞུགས་པ། སངས་རྒྱས་བཅོམ་ལྡན་འདས་ཀྱི་བྱང་ཆུབ་ལ་མི་རྟོག་པར་མངོན་པར་དད་ཅིང་ཡིད་ཆེས་ལ། མོས་པ་གང་གིས་ཆོས་ཐམས་ཅད་མི་རྟག་པའམ། སྡུག་བསྔལ་བའམ། སྟོང་པའམ། བདག་མེད་པའོ་ཞེས་ལེགས་པར་གསུངས་པའི་ཆོས་ལ་ཡང་དག་པར་
D111.050.0121b01.01ཞུགས་ཤིང་ཚིག་ཏུ་སྨྲ་ན། ཀུན་དགའ་བོ་འདི་ནི་དེ་བས་བསོད་ནམས་ཆེས་མང་དུ་སྐྱེད་དོ། །ཀུན་དགའ་བོ་གང་བླ་ན་མེད་པའི་ཆོས་དཀོན་མཆོག་འདི་ལྟ་བུ་བསྟི་སྟང་དུ་བྱས་ཏེ་གཞན་ལ་འཆད་དམ། རབ་ཏུ་སྟོན་ན་བསོད་ནམས་ཇི་ཙམ་དུ་རྒྱ་ཆེར་སྐྱེད་པ་དང་། ཇི་ཙམ་དུ་ཚད་མེད་པ་དང་།
D111.050.0121b02.01ཇི་ཙམ་དུ་གྲངས་མེད་པ་དང་། ཇི་ཙམ་དུ་བསམ་གྱིས་མི་ཁྱབ་པ་དང་། ཇི་ཙམ་དུ་མཚུངས་པ་མེད་པ་དང་། ཇི་ཙམ་དུ་དཔག་ཏུ་མེད་པའི་བསོད་ནམས་སྐྱེད་པ་ལ་ལྟོས། དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་དེ་ལས་གཞན་པའི་སྦྱིན་པ་རྣམས་ནི་ཟག་པ་དང་བཅས་ཤིང་ཉོན་མོངས་པ་དང་
D111.050.0121b03.01བཅས་པ་སྟེ། འཁོར་བར་རྒྱུ་བ་ཡིན་ལ། ཀུན་དགའ་བོ་བསྐལ་པ་གྲངས་མེད་པ་བྱེ་བར་བསྒྲུབས་པའི་ཆོས་དཀོན་མཆོག་གི་མཛོད་ཟང་ཟིང་མེད་པ་བླ་ན་མེད་པ་འདི་ནི་འཁོར་བའི་རྒྱུན་གཅོད་པར་འགྱུར་བའི་ཕྱིར་རོ། །ཀུན་དགའ་བོ་ཆོས་དཀོན་མཆོག་བླ་ན་མེད་པ་འདི་ཐོས་ན་སེམས་ཅན་སྐྱེ་
D111.050.0121b04.01བའི་ཆོས་ཅན་རྣམས་སྐྱེ་བ་ལས་ཡོངས་སུ་ཐར་བར་འགྱུར། སེམས་ཅན་ན་བའི་ཆོས་ཅན་དང་། འཆི་བའི་ཆོས་ཅན་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པའི་ཆོས་ཅན་རྣམས་འཁྲུག་པའི་བར་ལས་ཡོངས་སུ་ཐར་བར་འགྱུར་རོ། །
D111.050.0121b05.01ཀུན་དགའ་བོ་དོན་གྱི་གཞི་འདི་མཐོང་ནས་གང་ཆོས་གུས་པར་འཆད་པ་དང་། གང་ཆོས་གུས་པར་ཉན་པ་གཉིས་ནི་བསོད་ནམས་མང་དུ་སྐྱེད་དོ་ཞེས་ང་སྨྲའོ། །དེ་སྐད་ཅེས་བཀའ་སྩལ་ནས། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་
D111.050.0121b06.01བོ་ལྷག་པའི་བསམ་པས་ཞུགས་ཤིང་ཡང་དག་པར་བསྒྲུབ་པར་འདོད་པས་སངས་རྒྱས་བཅོམ་ལྡན་འདས་ཀྱི་བསྟན་པ་ལ་མི་རྟོག་པར་མངོན་པར་དད་ཅིང་མོས་ནས་ཆོས་ལེགས་པར་གསུངས་པ་ཡིན་པ་དང་། དགེ་འདུན་ལེགས་པར་ཞུགས་པ་ཡིན་པ་དང་། འདུ་བྱེད་ཐམས་ཅད་མི་རྟག་པའམ་
D111.050.0121b07.01