完整藏文原文 · 德格版页 当前仅加载第 50 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་སྟོང་ཡོད་པ་རིའི་རྒྱལ་པོ་ཁོར་ཡུག་དང་ཁོར་ཡུག་ཆེན་པོ་རྡོ་རྗེ་ལྟ་བུ་གང་ཡིན་པ་དེ་དག་གིས་ཀྱང་ཀུན་དགའ་བོ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་དབུ་སྐྲ་འདུད་པའམ་ཡོངས་སུ་འདུད་པའམ་དབྱུང་བར་ཡང་སླ་བ་མ་ཡིན་ན་མེད་པར་བྱ་བ་ལྟ་ཅི་སྨོས་ཏེ། དེ་ནི་གནས་
D111.050.0098b01.01མེད་དོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། གང་ངས་སྔོན་ཕྱེ་བའི་སེམས་ཅན་གང་ཡང་རྙེད་པར་སླ་བ་མ་ཡིན་ཏེ། ཀུན་དགའ་བོ་ངས་ནི་སེམས་ཅན་འཐབས་ཤིང་བྱེ་བ་རྣམས་འདུམ་ཞིང་འཐུན་པ་ལ་བཀོད་ནས་བརྟན་པ་དང་མི་
D111.050.0098b02.01ཕྱེད་པ་དང་། གཅིག་ལ་གཅིག་བྱམས་པའི་སེམས་དང་ཕན་པའི་སེམས་དང་ལྡན་པར་བྱས་སོ། །ཀུན་དགའ་བོ་རྣམ་གྲངས་དེ་དང་། དགེ་བའི་རྩ་བ་དེས་དེ་བཞིན་གཤེགས་པའི་སྐུ་མི་ཕྱེད་པ་དང་། ཀུན་དགའ་བོ་དེ་བཞིན་གཤེགས་པའི་ཞབས་འབྲིང་འཁོར་མི་ཕྱེད་པར་གྱུར་ཏོ། །ཀུན་
D111.050.0098b03.01དགའ་བོ་དེ་བཞིན་གཤེགས་པའི་ཞབས་འབྲིང་འཁོར་ཀྱང་གང་ཞེ་ན། ཀུན་དགའ་བོ་དེ་བཞིན་གཤེགས་པའི་ཞབས་འབྲིང་འཁོར་ནི་ཆོས་ཡིན་ཏེ། འདི་ལྟ་སྟེ། དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་
D111.050.0098b04.01ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་སྟེ། ཀུན་དགའ་བོ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་པོ་འདི་དག་ནི་དེ་བཞིན་གཤེགས་པའི་ཞབས་འབྲིང་འཁོར་ཆེན་པོ་ཡིན་ནོ། །གང་དེ་བཞིན་གཤེགས་པས་ཉན་ཐོས་གང་དག་དེ་ལ་བཀོད་
D111.050.0098b05.01པ་དེ་དག་ཀྱང་ལྷ་དང་བཅས་པའི་འཇིག་རྟེན་གྱིས་དབྱེ་མི་ནུས་སོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་ཆོས་འདི་ལྟ་བུ་འདིའི་ཆོས་ཉིད་འདི་ཡིན་ཏེ། གང་ལྷ་དང་བཅས་ཚངས་པ་དང་བཅས་པའི་འཇིག་རྟེན་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་འཁོར་དང་བཅས་པ་ལྷ་དང་
D111.050.0098b06.01མི་དང་ལྷ་མ་ཡིན་དུ་བཅས་པ་དང་། རི་རབ་དང་ཁོར་ཡུག་དང་ཁོར་ཡུག་ཆེན་པོ་དང་བཅས་པའི་ས་ཆེན་པོ་དེ་དག་གིས་ཐ་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་དབུ་འདུད་པར་ཡང་སླ་བ་མ་ཡིན་ན་དབྱེ་བ་ལྟ་ཅི་སྨོས་ཏེ། དེ་ནི་གནས་མེད་དོ། །དེ་ཅིའི་ཕྱིར་ཞེ་ན། ཀུན་དགའ་
D111.050.0098b07.01