完整藏文原文 · 德格版页 当前仅加载第 50 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འགོད་དོ། །བཀོད་ནས་ཀྱང་རིགས་ཀྱི་བུ་ཁྱེད་དགེ་བའི་རྩ་བ་འདི་དག་དེ་བཞིན་གཤེགས་པ་འདི་ཞེས་བྱ་བ་ལ་བསྐྱེད་པ་དྲན་པར་གྱིས་ཤིག་ཅེས་སྐུལ་ཏོ། །གསོལ་པ། བཅོམ་ལྡན་འདས་དེ་ལྟ་ལགས་སོ། །བདེ་བར་གཤེགས་པ་དེ་ལྟ་ལགས་སོ། །བཀའ་སྩལ་པ། དེ་བས་ན་རིགས་
D111.050.0095b01.01ཀྱི་བུ་དག་དེ་བཞིན་གཤེགས་པ་ལ་ཡོན་ཕུལ་བའི་དགེ་བའི་རྩ་བ་འདི་དག་ནི་འབྲས་བུ་ཆེན་པོ་དང་རྙེད་པ་ཆེན་པོ་དང་ལྡན་པ་དག་སྟེ། རིགས་ཀྱི་བུ་དག་ང་ལྟ་བུ་དག་ལ་བཞག་པ་བསོད་ནམས་ཀྱི་ཞིང་ཆེན་པོ་ལ་བཏབ་པ་དེ་དག་ནི་ཐ་ན་ཡུན་རིང་པོ་ཇི་སྲིད་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་ཡང་ཆུད་
D111.050.0095b02.01ཟ་བར་མི་འགྱུར་རོ། །དགེ་བའི་རྩ་བ་དེ་དག་ཐམས་ཅད་ཀྱི་འབྲས་བུ་ནི་མྱ་ངན་ལས་འདས་པ་ཡིན་ཏེ། ཐ་མ་མྱ་ངན་ལས་འདའ་བར་འགྱུར་རོ། །ཀུན་དགའ་བོ་དོན་ཤེས་པར་བྱ་བའི་ཕྱིར་ངས་དཔེ་འདི་བྱས་པ་འདི་ལ་དོན་དུ་བལྟ་བ་གང་ཞེ་ན། ཀུན་དགའ་བོ་ཉ་ཞེས་བྱ་བ་དེ་ནི་སོ་སོའི་སྐྱེ་བོའི་ཚིག་{བླ་དགས་,བླ་དྭགས་}སོ། །
D111.050.0095b03.01ཀུན་དགའ་བོ་མཚོ་ཆུ་ཞེས་བྱ་བ་དེ་ནི་འཁོར་བའི་རྒྱ་མཚོའི་ཚིག་{བླ་དགས་,བླ་དྭགས་}སོ། །ཀུན་དགའ་བོ་མཆིལ་པ་ཞེས་བྱ་བ་དེ་ནི་དེ་བཞིན་གཤེགས་པ་ལ་དགེ་བའི་རྩ་བ་བསྐྱེད་པའི་ཚིག་{བླ་དགས་,བླ་དྭགས་}སོ། །ཀུན་དགའ་བོ་སྲད་བུ་ཞེས་བྱ་བ་དེ་ནི་བསྡུ་བའི་དངོས་པོ་བཞིའི་ཚིག་{བླ་དགས་,བླ་དྭགས་}སོ། །ཀུན་དགའ་བོ་ཉ་བ་
D111.050.0095b04.01ཞེས་བྱ་བ་དེ་ནི་དེ་བཞིན་གཤེགས་པའི་ཚིག་{བླ་དགས་,བླ་དྭགས་}སོ། །ཀུན་དགའ་བོ་ཉ་གསོན་པོ་ཞེས་བྱ་བ་དེ་ནི་སེམས་ཅན་རྣམས་མྱ་ངན་ལས་འདའ་བའི་འབྲས་བུ་ལ་འགོད་པའི་ཚིག་{བླ་དགས་,བླ་དྭགས་}སོ། །ཀུན་དགའ་བོ་རྣམ་གྲངས་འདིས་ཀྱང་ཁྱོད་ཀྱིས་འདི་ལྟར་རིག་པར་བྱ་སྟེ། གང་སངས་རྒྱས་ལ་
D111.050.0095b05.01ཡོན་ཕུལ་བ་ནི་ཇི་སྲིད་མྱ་ངན་ལས་འདའ་བར་འགྱུར་བ་མ་གཏོགས་པར་ཇི་སྲིད་ཡུན་རིང་བར་ཡང་འཇིག་པ་མེད་ཡོངས་སུ་ཟད་པ་མེད་མཐར་ཐུག་པ་མེད་དོ། །ཀུན་དགའ་བོ་དེའི་ཕྱིར་སངས་རྒྱས་ལ་ཕུལ་བའི་ཡོན་ཇི་ལྟར་མྱ་ངན་ལས་འདའ་བས་ཀླས་ཤིང་མྱ་ངན་ལས་འདས་པའི་མཐས་གཏུགས་
D111.050.0095b06.01པར་འགྱུར་བའི་དཔེ་གཞན་དག་ཀྱང་ཁྱོད་ལ་བསྟན་པར་བྱའོ། །ཀུན་དགའ་བོ་སེམས་ཅན་སྲེད་པ་ལ་སྤྱོད་པ། ཚོར་བ་ལ་ཆགས་པ་མྱོང་བ་འདོད་པས་འཁོར་བ་ལ་མངོན་པར་སྟོད་པ། འཁོར་བ་ལ་དགའ་བ། འཁོར་བ་འདོད་པས་སངས་རྒྱས་བཅོམ་ལྡན་འདས་ལ་ཡོན་འབུལ་ཞིང་མཐོ་
D111.050.0095b07.01