完整藏文原文 · 德格版页 当前仅加载第 50 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
འམ། ཉེས་པར་སྤྱད་པའམ། མི་དགེ་བའི་སྒྲིབ་པར་འགྱུར་བའི་སེམས་བསྐྱེད་པ། སྔོན་ཉེས་པར་བྱས་པ་བདག་གིས་བསགས་ཤིང་བདག་གིས་བྱས་པ་གཞན་གྱིས་སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་དུ་སོང་ཡང་གང་གི་ཚེ་
D111.050.0094a01.01སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་དག་འཇིག་རྟེན་དུ་བྱུང་བ་ན། དེ་དག་གི་སངས་རྒྱས་ཀྱི་ཡེ་ཤེས་ཐོགས་པ་མེད་ཅིང་སྒྲིབ་པ་མེད་པས་སེམས་ཅན་འདི་དག་སྔོན་དགེ་བའི་རྩ་བ་བྱས་པ་ལས་ཉེས་པར་སྤྱད་པའི་ལས་འགའ་ཞིག་གིས་ལོག་པར་ལྷུང་བར་གྱུར་པར་མཁྱེན་ཏེ།
D111.050.0094a02.01སངས་རྒྱས་བཅོམ་ལྡན་འདས་རྣམས་ཀྱིས་དེ་དག་སྔོན་བྱས་པའི་དགེ་བའི་རྩ་བ་དང་ལྡན་པར་མཁྱེན་ནས་དགེ་བའི་སེམས་དེ་དང་། དགེ་བའི་རྩ་བའི་བྱིན་གྱི་རླབས་དེ་དང་། སྔོན་གྱི་རྒྱུ་དེས་ལོག་པར་ལྷུང་བ་དེ་ལས་འདོན་ནོ། །བཏོན་ནས་མྱ་ངན་ལས་ཟློའོ། །ཞི་བ་བདེ་བའི་ཐང་བསིལ་བ་འཇིགས་
D111.050.0094a03.01པ་མེད་པ་ཕ་རོལ་གྱི་འགྲམ་དུ་འགོད་དོ། །བཀོད་ནས་ཀྱང་སངས་རྒྱས་བཅོམ་ལྡན་འདས་དེ་དག་རིགས་ཀྱི་བུ་དག་ཁྱོད་སྔོན་དགེ་བའི་རྩ་བ་འདི་ལྟ་བུ་ཞིག་དུས་དེ་ལྟ་བུ་ཞིག་ཏུ་ཚེ་རབས་དེ་ལྟ་བུ་ཞིག་གི་ཚེ་སངས་རྒྱས་བཅོམ་ལྡན་འདས་དེ་དག་ལ་བསྐྱེད་ཅིང་བཞག་པ་དྲན་པར་གྱིས་ཤིག་ཅེས་དྲན་པར་མཛད་
D111.050.0094a04.01ཅིང་བསྐུལ་བ་དང་དེ་དག་གིས་སངས་རྒྱས་ཀྱི་མཐུས་དྲན་ནས་འདི་སྐད་ཅེས་བཅོམ་ལྡན་འདས་དེ་ལྟ་ལགས་སོ། །བདེ་བར་གཤེགས་པ་དེ་ལྟ་ལགས་སོ་ཞེས་ཟེར་རོ། །དེ་དག་ལ་སངས་རྒྱས་བཅོམ་ལྡན་འདས་དེ་དག་གིས་བཀའ་སྩལ་པ། རིགས་ཀྱི་བུ་དག་དགེ་བའི་རྩ་བ་འདི་དག་ནི་སྔོན་གྱི་སངས་
D111.050.0094a05.01རྒྱས་ལ་བསྐྱེད་པ་དེ་དག་ཡིན་ཏེ། མ་ཟད་ཅིང་ཆུད་མ་ཟོས་སོ། །འདི་ལྟ་སྟེ་སྡུག་བསྔལ་ཐམས་ཅད་ཞི་བ་མྱ་ངན་ལས་འདས་པ་འདི་ཡང་དེའི་གཞིས་རྙེད་དོ། །རིགས་ཀྱི་བུ་དག་ཁྱེད་ཕ་མེས་ཀྱི་སྤྱོད་ཡུལ་དང་། འཕགས་པའི་སྤྱོད་ཡུལ་དུ་ཕྱིན་ནོ། །ཁྱོད་ནི་ཡུན་རིང་པོར་སྤྱོད་ཡུལ་མ་ཡིན་པ་ལ་
D111.050.0094a06.01སྤྱོད་སྤྱོད་དོ། །ཐོག་མ་དང་ཐ་མ་མེད་པའི་འཁོར་བར་འཁོར་བར་གྱུར་ཏོ། །རིགས་ཀྱི་བུ་དག་ང་ལྟ་བུ་དག་ལ་དགེ་བའི་རྩ་བ་བཞག་པ་ནི་བཞག་པ་ཆུད་མི་ཟའོ། །ཀུན་དགའ་བོ་འདི་ལྟ་སྟེ་དཔེར་ན་རྒྱལ་པོའི་བུའམ་ཚོང་དཔོན་གྱི་བུ་ཞིག་ཉེས་པ་འགའ་ཞིག་གིས་བཙོན་རར་བཅུག་ལ་དེ་སྔོན་གྱི་ཉེས་
D111.050.0094a07.01