完整藏文原文 · 德格版页 当前仅加载第 50 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
བཟུང་སྟེ། བཅོམ་ལྡན་འདས་གང་བདུད་སྡིག་ཅན་གྱིས་དམ་བཅས་པ་དེ་ནི་ཆོས་དང་མི་ལྡན་པའི་དམ་བཅས་པ་ལགས་སོ། །བཅོམ་ལྡན་འདས་ཁྱོད་ནི་དམ་བཅས་པ་འདི་ལ་བརྟེན་ཞིང་སྙིང་པོར་འདུ་ཤེས་པ་ལགས་ན། བཅོམ་ལྡན་འདས་སྐྱེ་བོ་མང་པོ་
D111.050.0067a01.01ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། ལྷ་དང་མི་རྣམས་ལ་ཕན་པ་དང་བདེ་བའི་སླད་དུ་བསྐལ་པར་བཞུགས་སུ་གསོལ། བཅོམ་ལྡན་འདས་ཡུན་རིང་དུ་བཞུགས་ན་དེ་ནི་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་
D111.050.0067a02.01དང་། ལྷ་དང་མི་རྣམས་ལ་བདེ་བར་འགྱུར་ཏེ། དེའི་སླད་དུ་བཅོམ་ལྡན་འདས་ལྷ་དང་བཅས་པའི་འཇིག་རྟེན་ལ་ཐུགས་བརྩེ་བ་ཉེ་བར་བཟུང་སྟེ་མྱུར་དུ་ཡོངས་སུ་མྱ་ངན་ལས་མི་འདར་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བདུད་ཀྱི་བུ་དེད་དཔོན་ལ་འདི་
D111.050.0067a03.01སྐད་ཅེས་བཀའ་སྩལ་ཏོ། །དེད་དཔོན་ལེགས་སོ་ལེགས་སོ། །དེད་དཔོན་ཁྱོད་སྐྱེ་བོ་མང་པོའི་དོན་འདོད་པ་དང་། སྐྱེ་བོ་མང་པོ་ལ་ཕན་པ་དང་། བདེ་བ་དང་གྲུབ་པ་དང་བདེ་བར་འདོད་པས་དེ་ལྟར་བྱའོ། །དེད་དཔོན་གང་དག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལ་
D111.050.0067a04.01བསྙེན་བཀུར་བྱེད་ཅིང་ཕན་པ་དང་བདེ་བས་ཁྱབ་པར་བྱེད་པ་དང་། རྒྱལ་རིགས་སྤྱི་བོ་ནས་དབང་བསྐུར་བའི་ཡུལ་འཁོར་དང་གྲོང་རྡལ་དང་ལྗོངས་རྣམས་དང་། གཞོན་ནུ་རྣམས་དང་། བློན་པོ་རྣམས་ལ་རྟག་ཏུ་རྒྱུན་མི་འཆད་པར་བསྙེན་བཀུར་དང་རིམ་གྲོ་བྱེད་པ་ལ་ཞུགས་པར་
D111.050.0067a05.01གྱུར་པ་དེ་དག་ནི་དེད་དཔོན་རྒྱལ་རིགས་སྤྱི་བོ་ནས་དབང་བསྐུར་བ་ལས་ནོར་མང་པོ་དང་ལོངས་སྤྱོད་ཆེན་པོ་འཐོབ་ཅིང་རྒྱལ་པོ་རྒྱལ་རིགས་དེ་ལན་དུ་ཕན་ཆེན་པོ་འདོགས་ཏེ། བུ་དང་ཆུང་མར་བཅས། གྲོགས་པོ་དང་ཉེ་དུ་དང་སྣག་གི་གཉེན་མཚམས་སུ་བཅས་པ་ལ་ཕན་པས་ཁྱབ་པར་
D111.050.0067a06.01བྱེད་དོ། །དེད་དཔོན་དེ་བཞིན་དུ་གང་ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཀྱི་རྒྱལ་པོ་བླ་ན་མེད་པ་ལ་སེམས་དང་བའི་དགེ་བའི་རྩ་བ་འདི་ལྟ་བུ་འདི་འབུལ་ན། དེད་དཔོན་དེ་བཞིན་གཤེགས་པ་ལ་སེམས་དང་བས་བསྙེན་བཀུར་དང་རིམ་གྲོ་
D111.050.0067a07.01