完整藏文原文 · 德格版页 当前仅加载第 50 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་སེང་གེའི་སྒྲ་སྒྲོགས་པ་ཕྱིན་ཅད་མི་མཐོང་ཞིང་དེ་བཞིན་གཤེགས་པའི་སེང་གེའི་སྒྲ་ཐོས་པར་མི་འགྱུར་ན། བཅོམ་ལྡན་འདས་བདག་དགའ་བའམ་ཡིད་བདེ་བ་ག་ལས་མཆི། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་
D111.050.0071a01.01ནི་བཅོམ་ལྡན་འདས་འདི་ལྟ་སྟེ་དཔེར་ན། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་འཆི་བའི་དུས་བགྱིས་པ་ན་སེམས་ཅན་བྱས་པ་གཟོ་ཞིང་བྱས་པ་རིག་པ། བྱས་པ་རྗེས་སུ་སྐྱོང་བ། སྡུག་བསྔལ་གྱིས་གདུངས་པ་ཁ་ཅིག་མཆིས་པ་དེ་དག་དེ་ན་དགུང་གཅིག་གམ།
D111.050.0071a02.01གཉིས་སམ། གསུམ་མམ། བཞིའམ། ལྔའམ། དྲུག་གམ། བདུན་ནམ། ཟླ་བ་ཕྱེད་དམ་ཟླ་བ་གཅིག་ཏུ་མྱ་ངན་བགྱིད་དེ་མཆི་མ་འབྱུང་ཞིང་གནས་པ་དེ་བཞིན་དུ། བདག་ཀྱང་བཅོམ་ལྡན་འདས་ཡོངས་སུ་མྱ་ངན་ལས་འདས་པ་ན་དམ་པའི་ཆོས་འདི་ཇི་སྲིད་དུ་གནས་པ་
D111.050.0071a03.01དེ་སྲིད་དུ་བདག་གཟུགས་དང་སྒྲ་དང་དྲི་དང་རོ་དང་རེག་བྱ་མི་སྙེན་ཏོ། །འདོད་པའི་ཡོན་ཏན་ལྔ་ལ་ཡང་ཆགས་པར་མི་བགྱིད་མི་རྩེ་ཡོངས་སུ་མི་སྤྱོད་དོ། །གོས་གཞན་ཡང་མི་འཚལ་ཞིང་མེ་ཏོག་དང་ཕྲེང་བ་དང་སྤོས་དང་བྱུག་པ་ཡང་མི་སྙེན་ཡོངས་སུ་མི་སྤྱོད་དོ། །བཅོམ་
D111.050.0071a04.01ལྡན་འདས་དམ་པའི་ཆོས་ནུབ་པར་མ་གྱུར་གྱི་བར་དུ་དེ་ལས་གཞན་པའི་ལོངས་སྤྱོད་རྣམས་ཀྱང་མི་སྙེན་ཏོ། །དེད་དཔོན་གྱི་ལེའུ་སྟེ་གཉིས་པ་རྫོགས་སོ།། །།དེ་ནས་ལྷའི་དབང་པོ་བརྒྱ་བྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་།
D111.050.0071a05.01བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཇི་ལྟར་བསྒྲུབ་པར་བགྱི་བ་བཀའ་སྩལ་དུ་
D111.050.0071a06.01གསོལ། བཅོམ་ལྡན་འདས་གང་ལྷ་མ་ཡིན་གྱི་དབང་པོ་བཞི་གོ་ཆ་བགོས་ནས་སུམ་ཅུ་རྩ་གསུམ་གྱི་ལྷ་རྣམས་ལ་གཡུལ་བཤམས་ཏེ་རྒོལ་བའི་དུས་དེ་ལྟ་བུ་དང་ཚེ་དེ་ལྟ་བུ་མཆིས་སོ། །གང་གི་ཚེ་ལྷ་དང་ལྷ་མ་ཡིན་གཡུལ་ཤོམ་ཞིང་ལྷ་མ་ཡིན་གྱི་དབང་པོ་བཞི་ཚོགས་པར་
D111.050.0071a07.01