完整藏文原文 · 德格版页 当前仅加载第 50 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་འཕགས་པའི་ཆོས་ལ་རབ་ཏུ་བཏུལ་ཞིང་བཞག་པར་གྱུར་ཏོ། །ཚངས་པའི་ལེའུ་སྟེ་དང་པོ་རྫོགས་སོ།། །།བམ་པོ་གཉིས་པ། དེའི་ཚེ་བདུད་ཀྱི་བུ་དེད་དཔོན་ཞེས་བྱ་བ། བཅོམ་ལྡན་འདས་ལ་དད་ཅིང་དང་བ་ཆེན་པོ་
D111.050.0066a01.01ཐོབ་པར་གྱུར་པ་དེས་བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་སྒྲ་ཐོས་ནས་སྡུག་བསྔལ་ཞིང་ཡིད་མི་བདེ་སྟེ་མི་དགའ་ཞིང་སྡུག་བསྔལ་བ་དང་ཡིད་མི་བདེ་བ་ཆེན་པོ་དང་ལྡན་པར་གྱུར། སྐྱོ་ཞིང་ཡིད་བྱུང་ལ་སྤུ་ཟིང་ཞེས་བྱེད་པར་གྱུར་ནས་མྱུར་བ་མྱུར་བར་རིངས་པའི་ཚུལ་དུ་
D111.050.0066a02.01བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བདུད་ཀྱི་བུ་དེད་དཔོན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གསོལ་པ་
D111.050.0066a03.01འཚལ་ན་སྨན་པར་བགྱི་བའི་སླད་དུ་ཡོངས་སུ་མྱ་ངན་ལས་མི་འདའ་བར་གསོལ། བཅོམ་ལྡན་འདས་ལྷ་དང་བཅས་པའི་འཇིག་རྟེན་ལ་ཐུགས་བརྩེ་བ་ཉེ་བར་བཟུང་སྟེ། སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་ལྷ་དང་མི་རྣམས་
D111.050.0066a04.01ཀྱི་དོན་དང་སྨན་པ་དང་བདེ་བའི་སླད་དུ་བཞུགས་སུ་གསོལ། བཅོམ་ལྡན་འདས་འཇིག་རྟེན་ཧ་ཅང་མྱུར་དུ་ལོང་བ་དང་། མིག་མ་མཆིས་པ་དང་། སྟོན་པ་མ་མཆིས་པ་དང་། འདྲེན་པ་མ་མཆིས་པ་དང་། དཔུང་གཉེན་མ་མཆིས་པ་དང་། སྐྱབས་མ་མཆིས་པ་དང་།
D111.050.0066a05.01རྟེན་མ་མཆིས་པར་མི་འགྱུར་བར་མཛད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བདུད་ཀྱི་བུ་དེད་དཔོན་ལ་འདི་སྐད་ཅེས་བཀའ་སྩལ་ཏོ། །དེད་དཔོན་ཁྱོད་ཀྱི་ཕ་བདུད་སྡིག་ཅན་གྱིས་ང་ལ་བཅོམ་ལྡན་འདས་ཡོངས་སུ་མྱ་ངན་ལས་འདར་གསོལ།
D111.050.0066a06.01བདེ་བར་གཤེགས་པ་ཡོངས་སུ་མྱ་ངན་ལས་འདར་གསོལ། བཅོམ་ལྡན་འདས་ཁྱོད་དེང་ཡོངས་སུ་མྱ་ངན་ལས་འདའ་བའི་དུས་ལ་བབ་བོ་ཞེས་གསོལ་བ་བཏབ་ནས་ཁྱོད་ཀྱི་ཕ་བདུད་སྡིག་ཅན་ལ་ངས་མྱ་ངན་ལས་འདའོ་ཞེས་སྨྲས་ཏེ། དེད་དཔོན་བདུད་སྡིག་ཅན་ལ་ངས་ཡོངས་
D111.050.0066a07.01