完整藏文原文 · 德格版页 当前仅加载第 50 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཨཱརྱ་མ་ཧཱ་ཀ་རུ་ཎཱ་པུཎ་ཌ་རཱི་ཀ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་སྙིང་རྗེ་ཆེན་པོའི་པད་མ་དཀར་པོ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
D111.050.0056a01.01འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཀུ་ཤའི་གྲོང་ཁྱེར་ན་གྱད་རྣམས་ཉེ་བར་གནས་པ་ཤིང་སཱ་ལའི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་
D111.050.0056a02.01དགའ་བོ་དེ་བཞིན་གཤེགས་པ་དོ་མོད་ཀྱི་ནམ་གྱི་ཐུན་ཐ་མ་ལ་ཡོངས་སུ་མྱ་ངན་ལས་འདའ་བས། ཁྱོད་ཀྱིས་ཤིང་སཱ་ལ་ཟུང་གི་བར་དུ་དེ་བཞིན་གཤེགས་པ་སེང་གེ་ལྟར་གློ་གཡས་པས་མནལ་བའི་གཟིམས་མལ་ཆོས་ཤིག །ཀུན་དགའ་བོ་འདུས་བྱས་སུ་བརྟགས་པ་ཐམས་ཅད་
D111.050.0056a03.01ལེགས་པར་བཅོམ་པའི་ཤིན་ཏུ་ཡོངས་སུ་མྱ་ངན་ལས་འདའ་བས་ང་ཡོངས་སུ་མྱ་ངན་ལས་འདའོ། །ཀུན་དགའ་བོ་ངས་སངས་རྒྱས་ཀྱི་བྱ་བ་ནི་བྱས། ངས་གནས་མེད་པའི་ཆོས་ཞི་བ་རབ་ཏུ་ཞི་བ་མཆོག་གྱ་ནོམ་པ་ཟབ་པ། མཐོང་བར་དཀའ་བ། ཁོང་དུ་ཆུད་པར་དཀའ་བ། བརྟག་
D111.050.0056a04.01མི་ནུས་པ་མ་བརྟགས་པ། རྟོག་གེའི་སྤྱོད་ཡུལ་མ་ཡིན་པ། མཁས་པ་དང་མཛངས་པས་རིག་པ། ཕུལ་དུ་ཕྱིན་པར་འཕགས་པའི་བདུད་རྩི་ནི་བསྟན། ཀུན་དགའ་བོ་ངས་ཆོས་ཀྱི་འཁོར་ལོ་བླ་ན་མེད་པ་དགེ་སྦྱོང་ངམ་བྲམ་ཟེའམ། བདུད་དམ། ལྷའམ། ཚངས་པ་
D111.050.0056a05.01འམ། གཞན་གང་གིས་ཀྱང་ཆོས་དང་འཐུན་པར་འཇིག་རྟེན་དུ་མ་བསྐོར་བ་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བ་ནི་བསྐོར། ངས་ཆོས་ཀྱི་རྔ་བོ་ཆེ་ནི་བརྡུངས། ངས་ཆོས་ཀྱི་དུང་ཆེན་པོ་ནི་བུས། ངས་ཆོས་ཀྱི་རྒྱལ་མཚན་ཆེན་པོ་ནི་བསྒྲེངས། ངས་
D111.050.0056a06.01ཆོས་ཀྱི་མར་མེ་ཆེན་པོ་ནི་བུས། ངས་མུན་པ་ཆེན་པོ་ནི་བསལ། ངས་སྟོང་གསུམ་ནི་སྣང་བར་བྱས། ངས་གྲུ་ཆེན་པོ་ནི་བཅས། ངས་སྟེགས་ཆེན་པོ་ནི་བཙུགས། ངས་ཟམ་པ་ཆེན་པོ་ནི་བཏགས། ངས་ཕ་རོལ་ཏུ་འདོང་བ་མང་པོ་ནི་བཏོན། ངས་ཐར་པའི་ལམ་ནི་ཡང་
D111.050.0056a07.01