完整藏文原文 · 德格版页 当前仅加载第 50 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་རྣམས་ལ་དོན་དེ་ལེགས་པར་བཤད་དུ་གསོལ། བཅོམ་ལྡན་འདས་ལས་མངོན་སུམ་དུ་ཐོས་ནས་དོན་དེ་བཞིན་དུ་འཛིན་པར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་དེའི་ཕྱིར་
D111.050.0089b01.01ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །བཅོམ་ལྡན་འདས་དེ་བཞིན་ནོ་ཞེས་གསོལ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་འདི་ལ་སངས་རྒྱས་ལ་ཕྱག་འཚལ་
D111.050.0089b02.01ལོ་ཞེས་བྱ་བ་ཚིག་དེའི་དོན་ནི་འདི་ཡིན་ཏེ། འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་ཀྱི་མཚན་གྱི་སྒྲ་དོན་མེད་པར་མི་འགྱུར་བ་ཡིན་ནོ། །ཀུན་དགའ་བོ་དེ་ལྟར་ན་སངས་རྒྱས་ལ་ཕྱག་འཚལ་ལོ་ཞེས་བྱ་བ་འདི་ནི་དོན་མེད་པར་མི་འགྱུར་བར་བཤད་དོ། །ཀུན་དགའ་བོ་དེ་བས་ན་དོན་འདི་
D111.050.0089b03.01རྒྱ་ཆེར་ཤེས་པར་བྱ་བ་དང་། ཡོངས་སུ་རྫོགས་པར་བྱ་བ་དང་། སངས་རྒྱས་བཅོམ་ལྡན་འདས་རྣམས་ཀྱི་མཚན་ཐོས་ན་དད་པའི་རིགས་ཀྱི་བུ་དང་རིགས་ཀྱི་བུ་མོ་དག་བསྟན་པ་འདི་ལ་རྒྱ་ཆེར་སེམས་དང་བར་འགྱུར་བར་བྱ་བའི་ཕྱིར་ཁྱོད་ལ་དཔེ་བསྟན་ཏོ། །ཀུན་དགའ་བོ་སྔོན་བྱུང་བ་འདས་
D111.050.0089b04.01པའི་དུས་ན་ཚོང་པའི་ཚོགས་མང་པོ་རྒྱ་མཚོ་ཆེན་པོར་ཞུགས་པར་གྱུར་ཏེ། དེ་དག་རྒྱ་མཚོའི་དབུས་སུ་ཕྱིན་པ་དང་གྲུ་བོ་ཆེ་ཆུ་སྲིན་གྱིས་ཟིན་པར་གྱུར་ཏོ། །ཀུན་དགའ་བོ་དེ་ནས་ཚོང་པའི་ཚོགས་ཆེན་པོ་འཇིགས་ཤིང་སྔངས་སྐྲག་སྟེ། སྤུ་ཟིང་ཞེས་བྱེད་པར་གྱུར་ཅིང་འཆི་བའི་འཇིགས་པས་སྐྲག་
D111.050.0089b05.01སྟེ། མགོན་མེད། སྐྱབས་མེད། དཔུང་གཉེན་མེད་པར་གྱུར་ནས་དེ་དག་སོ་སོ་ན་ངུ་ཞིང་ཆོ་ངེ་འདོན་སྨྲེ་སྔགས་འདོན་ཏེ་རྣམ་པར་སྨྲེ་བ་སྣ་ཚོགས་ཀྱིས་རྣམ་པར་སྨྲེ་སྟེ། ཀྱེ་མའོ་འཛམ་བུ་གླིང་དེ་ཉམས་རེ་དགའ། ཀྱེ་མའོ་འཚོ་བའི་འཇིག་རྟེན་དེ་རེ་བཟང་། ཀྱེ་མའོ་མིར་འགྱུར་བ་འདི་རྙེད་པར་
D111.050.0089b06.01རེ་དཀའོ། །ཀྱེ་མའོ་ཕ་མ་དག་དང་འབྲལ་བར་འགྱུར་རོ། །ཀྱེ་མའོ་བུ་དང་ཆུང་མ་དང་། ཀྱེ་མའོ་མཛའ་བཤེས་དང་ཆུང་མའི་ཚོགས་རྣམས་ཕྱིན་ཅད་མི་མཐོང་ངོ་། །ཞེས་ངུ་ཞིང་སྨྲེ་སྔགས་འདོན། སྡུག་བསྔལ་དང་ཡིད་མི་བདེ་བ་མྱོང་སྟེ་འཚོ་བར་འདོད་པས་ལྷ་སྣ་ཚོགས་རྣམས་
D111.050.0089b07.01