完整藏文原文 · 德格版页 当前仅加载第 50 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ངན་ལས་འདས་པ་ཡིན་ཏེ། ཐ་མ་མྱ་ངན་ལས་འདའ་བར་ང་སྨྲའོ། །ཀུན་དགའ་བོ་སངས་རྒྱས་བཅོམ་ལྡན་འདས་རྣམས་ལ་མཆོད་པ་བྱས་པ་རྫུ་འཕྲུལ་ཇི་ཙམ་དུ་ཆེ་བ་ལ་ལྟོས། གང་ན་སངས་རྒྱས་ལ་དམིགས་པའི་སེམས་ཀྱིས་མེ་ཏོག་གཅིག་ནམ་མཁའ་ལ་བོར་བས་ཀྱང་མྱ་ངན་ལས་འདས་པར་ཕྱིན་
D111.050.0086b01.01པར་བྱེད་ན། ཀུན་དགའ་བོ་གང་དག་དེ་བཞིན་གཤེགས་པ་ལ་མངོན་སུམ་དུ་བསྟི་སྟང་བྱེད་པའམ། ཡོངས་སུ་མྱ་ངན་ལས་འདས་ནས་སྐུ་གདུང་ལ་སྐུ་གདུང་གི་མཆོད་པ་བྱེད་པ་ལྟ་ཅི་སྨོས་ཀུན་དགའ་བོ་དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་ཡུལ་བསམ་གྱིས་མི་ཁྱབ་བོ། །ཀུན་
D111.050.0086b02.01དགའ་བོ་དེ་བཞིན་གཤེགས་པ་བསམ་གྱིས་མི་ཁྱབ་པ་ལ་བསྟི་སྟང་བྱས་ན་རྣམ་པར་སྨིན་པ་ཡང་བསམ་གྱིས་མི་ཁྱབ་པར་ཤེས་པར་བྱའོ། །ཀུན་དགའ་བོ་སངས་རྒྱས་ལ་དམིགས་པའི་སེམས་ཀྱིས་ནམ་མཁའ་ལ་མེ་ཏོག་གཅིག་བོར་བའི་རྣམ་པར་སྨིན་པ་གལ་ཏེ་ངས་སངས་རྒྱས་ཀྱི་ཡེ་ཤེས་ཀྱིས་བསྟན་
D111.050.0086b03.01ན་ཀུན་དགའ་བོ་ཁྱོད་ཉིད་ཀྱང་ངོ་མཚར་དང་རྨད་དུ་བྱུང་བར་འཛིན་པ་དང་། དགའ་བ་དང་མགུ་བ་དང་། རབ་ཏུ་དགའ་བར་གྱུར་ན་མ་འོངས་པའི་དུས་ན་ངའི་བུ་གང་དག་རབ་ཏུ་དད་པ་རབ་ཏུ་གུས་པ་རབ་ཏུ་དང་བ་རྣམས་དང་། གང་དག་སངས་རྒྱས་ཀྱི་ཡོན་ཏན་ལ་རྟོག་ཅིང་སངས་རྒྱས་ཀྱི་ཡེ་ཤེས་དོན་དུ་གཉེར་བར་
D111.050.0086b04.01འགྱུར་བ་དེ་དག་ལྟ་ཅི་སྨོས། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སངས་རྒྱས་ལ་དམིགས་ནས་ནམ་མཁའ་ལ་མེ་ཏོག་གཅིག་བོར་བའི་རྣམ་པར་སྨིན་པ་བཤད་པའི་དུས་ལ་བབ་སྟེ། བཅོམ་
D111.050.0086b05.01ལྡན་འདས་དུས་འདི་ལགས་སོ། །བདེ་བར་གཤེགས་པ་སྐབས་འདི་ལགས་སོ། །གང་བཅོམ་ལྡན་འདས་ལས་ཐོས་ནས་དགེ་སློང་རྣམས་ཡང་དག་པ་ཉིད་དུ་འཛིན་པར་འགྱུར་བ་དེ་ནི་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་
D111.050.0086b06.01ལ་དོན་དང་ཕན་པ་དང་བདེ་བར་འགྱུར་རོ། །ད་ལྟར་དང་མ་འོངས་པའི་དུས་ཀྱི་སེམས་ཅན་རྣམས་དེ་བཞིན་གཤེགས་པ་ལས་ཐོས་ནས་ཡང་དང་ཡང་དུ་དགེ་བའི་རྩ་བ་སྐྱེད་པར་འགྱུར། སེམས་དང་བར་འགྱུར། ཡིད་བདེ་བ་ཡང་ཐོབ་པར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་
D111.050.0086b07.01