完整藏文原文 · 德格版页 当前仅加载第 50 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟོས་ཏེ། མི་ཁྱོད་ངའི་ཟོང་འདི་དག་ཉོས་ཤིག་ཅེས་ཟེར་ལ། ཀུན་དགའ་བོ་འབྲོག་དགོན་པ་དེར་ཆོམ་རྐུན་དེ་དག་གིས་ཚོང་པ་བྱིས་པའི་རང་བཞིན་ཅན་དེ་དབྱུག་པས་སྣད་པར་བརྡེགས་ནས་རིན་པོ་ཆེ་ཐམས་ཅད་ཕྲོགས་ན་ཀུན་དགའ་བོ་དེ་ཇི་སྙམ་དུ་སེམས། འབྲོག་དགོན་པ་དེར་ཟོང་བཀྲམ་ནས་ཆོམ་
D111.050.0117b01.01རྐུན་འབོད་པའི་ཚོང་པ་དེ་ཆོས་དང་རྗེས་སུ་འཐུན་པ་ཡིན་ནམ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཚོང་པ་དེ་ཆོམ་རྐུན་མཆིས་པའི་འབྲོག་དགོན་པར་ཟོང་འགྲེམས་པ་ཡང་ཆོས་དང་འཐུན་པ་མ་
D111.050.0117b02.01ལགས་ན་ཟོང་རྣམས་བཀྲམ་ནས་ཆོམ་རྐུན་འབོད་པ་ལྟ་སྨོས་ཀྱང་ཅི་འཚལ། བཅོམ་ལྡན་འདས་འདི་ལྟར་བགྱིད་ན་ནི་ཆོས་དང་རྗེས་སུ་འཐུན་པ་ལགས་ཏེ། གལ་ཏེ་ཚོང་པ་དེ་ཟོང་དེ་དག་ལེགས་པར་སྦས་ནས་མདའ་གཞུ་ཐོགས་ཤིང་གོ་ཆ་བཟང་པོ་བགོས་ཏེ། འབྲོག་དགོན་པ་དེ་ནས་
D111.050.0117b03.01ལེགས་པར་འབྱུང་ན་དེ་ཆོས་དང་རྗེས་སུ་འཐུན་པ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཅི་སྟེ་ཚོང་པ་བྱིས་པའི་རང་བཞིན་ཅན་དེ་ནོར་གྱི་ཕུང་པོ་མང་པོ་དང་རིན་པོ་ཆེ་མང་པོ་ཁྱེར་ཏེ་
D111.050.0117b04.01བྱེས་ནས་སླར་ལོག་སྟེ། གྲོང་དང་། གྲོང་ཁྱེར་དང་། གྲོང་འདབ་དང་། ཡུལ་འཁོར་དང་། ཕོ་བྲང་འཁོར་དུ་འོངས་ཏེ། ཟོང་དེ་བཀྲམ་ལ་དེར་ཟོང་བཀྲམ་པའི་རིན་པོ་ཆེ་རིན་ཐང་ཆེན་པོ་དེ་དག་ཉོ་བའི་སྐྱེས་བུ་མཁས་པ་ཤེས་རབ་དང་ལྡན་པ་ཟོང་འདོད་པ་རྣམས་ལྷགས་པ་དང་། དེ་ནས་ཚོང་
D111.050.0117b05.01པ་དེ་ཟོང་འདོད་པའི་སྐྱེས་བུ་ལྷགས་པ་དེ་དག་ལ་མདའ་གཞུ་ཐོགས་ཏེ་ཐབ་མོ་རྒོལ་ན། ཀུན་དགའ་བོ་དེ་ཇི་སྙམ་དུ་སེམས། སྐྱེས་བུ་དེ་དེ་ལྟར་བྱེད་ན་ཆོས་དང་རྗེས་སུ་འཐུན་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བདེ་བར་གཤེགས་པ་མ་ལགས་སོ། །བཅོམ་
D111.050.0117b06.01ལྡན་འདས་ཚོང་པ་དེས་འདི་ལྟར་བགྱི་ཞིང་ཟོང་འཚལ་བའི་སྐྱེས་བུ་དེ་དག་ལ་སྐྱེས་བུ་ཁྱེད་ཚུར་ཤོག་ཟོང་གི་བྱེ་བྲག་བཟང་པོ་མང་པོ་འདི་དག་ལ་ཇི་ཙམ་དུ་བཟང་བ་དང་ཇི་ཙམ་དུ་མཛེས་པ་ལྟོས་ལ་ཉོས་ཤིག་དང་། རིན་ཆུང་ངུར་སྦྱིན་ནོ་ཞེས་དེ་སྐད་སྨྲ་ཞིང་བཅོམ་ལྡན་འདས་ཚོང་པ་དེས་དེ་ལྟར་བགྱི་བའི་
D111.050.0117b07.01