完整藏文原文 · 德格版页 当前仅加载第 50 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་པར་འགྱུར་དུ་འོང་ངོ་ཞེས་དེ་བཞིན་གཤེགས་པ་ལ་གུས་པར་ཞུ་ནུས་པ་མེད་པར་གྱུར་པ་དེ་ན་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་སངས་རྒྱས་ཀྱི་ཡེ་ཤེས་ཀྱིས་དགེ་སློང་སྤྲུལ་པ་སྤྲུལ་པར་མཛད་དེ། སྤྲུལ་པ་དེ་དེ་བཞིན་གཤེགས་པ་ལ་
D111.050.0111a01.01བཅོམ་ལྡན་འདས་བགྱི་བ་འདི་ལྟ་བུ་ཞིག་འདི་ལྟར་བྱུང་ན་འདི་ཇི་ལྟར་བགྱི་ཞེས་ཡོངས་སུ་ཞུའོ། །དེ་བཞིན་གཤེགས་པས་སྤྲུལ་པ་དེ་ལ། དགེ་སློང་བྱ་བ་དེ་འདི་ལྟར་བྱོས་ཤིག །འདི་བྱས་ནས་འདི་ལྟར་བྱོས་ཤིག་ཅེས་དེ་སྐད་ཅེས་བཀའ་སྩལ་ཏོ། །གང་ཡོངས་སུ་མ་རྫོགས་པར་
D111.050.0111a02.01དེ་བཞིན་གཤེགས་པ་ཡོངས་སུ་མྱ་ངན་ལས་མི་འདའ་བའི་གནས་གསུམ་པོ་དེ་དག་དེ་བཞིན་གཤེགས་པས་ངེས་པར་མཛད་དགོས་པ་དེ་དག་ཐམས་ཅད་ངས་བྱས་ཤིང་ཡོངས་སུ་རྫོགས་ཏེ། འདི་ལ་ངས་ཉན་ཐོས་རྣམས་ལ་བསླབ་པའི་འདུལ་བ་དང་སོ་སོར་ཐར་པ་ནི་བཅས།
D111.050.0111a03.01ངས་ལམ་ནི་བསྟན། དེ་བྱེད་པ་ཡང་དག་པར་སྡུག་བསྔལ་ཟད་པར་འགྱུར་བ་ངེས་པར་འབྱིན་པའི་ལམ་ནི་བསྙད་ཟིན་ཏེ་ཕྱིས་བྱ་དགོས་པའི་ལྷག་མ་ཅི་ཡང་མེད་དོ། །ཀུན་དགའ་བོ་དེ་ལྟ་བས་ན་ཁྱེད་ཀྱིས་མ་བཅས་པ་ནི་མི་བཅའ། བཅས་པ་ནི་མི་གཞིག་སྟེ། ཀུན་དགའ་བོ་
D111.050.0111a04.01བསླབ་པ་ཇི་ལྟར་བཅས་པ་བཞིན་དུ་སློབས་ཤིག །ཀུན་དགའ་བོ་འདི་ནི་ཁྱེད་ཀྱིས་བྱ་བ་ཡིན་གྱིས་བག་ཡོད་པ་དང་། བག་ཡོད་པ་ལ་དགའ་བར་གྱིས་ཤིག །འདི་ནི་ངའི་རྗེས་སུ་བསྟན་པ་ཡིན་གྱིས་མྱ་ངན་མ་བྱེད། སྨྲེ་སྔགས་མ་འདོན་ཅིག །ཀུན་དགའ་བོ་དོ་མོད་
D111.050.0111a05.01ཀྱི་ཐུན་ཐ་མ་ལ་ང་ཡོངས་སུ་མྱ་ངན་ལས་འདའ་སྟེ། ཀུན་དགའ་བོ་རང་གི་ཡུལ་དང་། རང་གི་སྤྱོད་ཡུལ་དུ་འགྲོའོ། །སླར་འཇིག་རྟེན་འདིར་མི་འོང་ངོ་འཇིག་རྟེན་ཕ་རོལ་ཏུ་ཡང་མི་འགྲོའོ། །ཕྱིན་ཅད་ཁྱེད་ཀྱིས་ང་མི་མཐོང་ངས་ཀྱང་ཁྱེད་མི་མཐོང་ངོ་། །ཀུན་དགའ་བོ་ཕུང་པོའི་
D111.050.0111a06.01ལྷག་མ་མེད་པར་མྱ་ངན་ལས་འདའ་བའི་དབྱིངས་ཞི་བ། བསིལ་བ་རྡུལ་མེད་པ། རྡུལ་དང་བྲལ་བ། སྡུག་བསྔལ་ཐམས་ཅད་རྣམ་པར་ཞི་བ། ཡིད་དུ་འོང་བའི་མྱ་ངན་ལས་འདས་པ། གང་ན་སྐྱེ་བ་ཡང་མེད། རྒ་བ་ཡང་མེད། འཆི་བ་ཡང་མེད། མྱ་ངན་ཡང་མེད། སྨྲེ་སྔགས་
D111.050.0111a07.01