完整藏文原文 · 德格版页 当前仅加载第 50 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
འདའ་བ་དེའི་ཚེ་འདི་ལྟར་བྱིན་གྱིས་རློབས་པར་འགྱུར་ཏེ། བདག་ཡོངས་སུ་མྱ་ངན་ལས་འདས་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པ་འཇིག་རྟེན་དུ་མ་བྱུང་གི་བར་དུ་བདག་གི་ལུས་གཞན་དུ་མ་གྱུར་ཅིག །གོས་དང་སྤུ་དང་སྐྲ་དང་
D111.050.0080a01.01པགས་པ་དང་མདོག་དང་དབང་པོ་རྣམས་གཞན་དུ་མ་གྱུར་ཅིག །བདག་གི་ལུས་སམ་ཡན་ལག་ཐམས་ཅད་ཀྱང་གཞན་དུ་མ་གྱུར་ཅིག །གང་གི་ཚེ་དེ་བཞིན་གཤེགས་པ་བྱམས་པ་འཇིག་རྟེན་དུ་བྱུང་བར་གྱུར་པ་དེའི་ཚེ་དེ་བཞིན་གཤེགས་པ་དེ་འདུས་པ་དང་པོ་དང་། དེ་བཞིན་དུ་འདུས་པ་གཉིས་པ་
D111.050.0080a02.01དང་། དེ་བཞིན་དུ་འདུས་པ་ཆེན་པོ་གསུམ་པ་དང་བཅས་པས་བདག་གི་ལུས་མ་ཞིག་པར་གཟིགས་པར་གྱུར་ཅིག །བདག་གིས་ཆོས་བཤད་པ་ལ་ཉེ་བར་བརྟེན་པ་དང་བདག་གི་བྱིན་གྱིས་བརླབས་དང་། བདག་ལ་དམིགས་པས་སྲོག་ཆགས་བརྒྱ་ཕྲག་མང་པོ་དང་། སྲོག་ཆགས་སྟོང་ཕྲག་
D111.050.0080a03.01མང་པོ་དང་། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོ་རྣམས་དུལ་བར་གྱུར་ཅིག །གང་གི་ཚེ་དེ་བཞིན་གཤེགས་པ་བྱམས་པ་དང་ཉན་ཐོས་འདུས་པ་གསུམ་པོ་དབང་པོ་མ་ཡེངས་པ་གོས་ཇི་ལྟ་བ་བཞིན་དུ་བགོས་པ་དེ་རྣམས་ཀྱིས་བདག་གི་ལུས་མ་ཞིག་པར་གཟིགས་པར་གྱུར་པ་དེའི་ཚེ་བདག་གི་
D111.050.0080a04.01ལུས་ནམ་མཁའ་ལ་མངོན་པར་འཕགས་ནས་ལུས་ཀྱི་མེའི་ཁམས་ཀྱིས་ལུས་ཚིག་པར་གྱུར་ཅིག །ཚིག་པ་དེའི་སོལ་བ་ཡང་མི་སྣང་བར་གྱུར་ཅིག་སྙམ་མོ། །ཀུན་དགའ་བོ་གང་དེ་ལྟར་བྱིན་གྱིས་རློབ་པར་འགྱུར་བའི་དགེ་སློང་འོད་སྲུང་དེ་སེམས་ཅན་ཡོངས་སུ་སྨིན་པར་བྱ་བའི་ཕྱིར་དེ་ལྟར་སྐྱེ་
D111.050.0080a05.01བོ་མང་པོ་ལ་ཕན་པ་དང་། དེ་ལྟར་སྐྱེ་བོ་མང་པོ་ལ་བདེ་བའི་ཕྱིར་ཞུགས་པ་ཡིན་ནོ། །ཀུན་དགའ་བོ་དགེ་སློང་འོད་སྲུང་ཡོངས་སུ་མྱ་ངན་ལས་འདས་ནས་ཀྱང་བྲག་གི་རི་བཞི་ལྷན་ཅིག་ཏུ་ཚོགས་ནས་འོད་སྲུང་གི་ལུས་བསྐོར་ཏེ་གཅིག་ཏུ་འབྱོར་པར་གནས་པར་འགྱུར་རོ། །ཀུན་དགའ་བོ་བྲག་གི་རི་དེ་བཞིའི་
D111.050.0080a06.01ནང་ན་དགེ་སློང་འོད་སྲུང་གི་ལུས་གཅིག་ཏུ་མཁྲེགས་ཤིང་མ་ཞིག་པར་གནས་པར་འགྱུར་རོ། །དེ་བཞིན་གཤེགས་པ་བྱམས་པ་ཇི་སྲིད་དུ་འཇིག་རྟེན་དུ་མ་བྱུང་བ་དེ་སྲིད་དུ་དགེ་སློང་འོད་སྲུང་གི་ལུས་གོས་དང་བཅས་པར་མ་ཞིག་པར་གནས་པར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟ་སྟེ།
D111.050.0080a07.01