完整藏文原文 · 德格版页 当前仅加载第 50 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱི་དམ་པའི་ཆོས་ཇི་སྲིད་དུ་ནུབ་པར་མ་གྱུར་གྱི་བར་དུ་དེ་ལས་གཞན་པའི་ལྷའི་ལོངས་སྤྱོད་དང་ཡོངས་སུ་སྤྱད་པ་དག་ཀྱང་མི་སྤྱོད་དོ། །དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་བདག་སང་ནང་པར་འདི་ལྟ་བུའི་སྐྱེས་བུ་རིན་པོ་ཆེ་དང་འབྲལ་བར་འགྱུར་
D111.050.0070a01.01ཞིང་ལྷན་ཅིག་མི་གནས་པ་དང་། དབྱེ་བ་དང་འགྱེས་པ་དང་ཤིན་ཏུ་མི་སྣང་བར་འགྱུར་ན། བཅོམ་ལྡན་འདས་བདག་དགའ་བ་དང་རྩེ་བས་ཅི་ཞིག་བགྱི། བདེ་བས་ཅི་ཞིག་བགྱི། ཡིད་བདེ་བས་ཅི་ཞིག་བགྱི། ཤེས་རབ་ཀྱི་སྒྲོན་མ་ཆེན་པོ་འདི་ལྟ་བུ་དང་ཤེས་རབ་ཀྱི་མར་མེ་
D111.050.0070a02.01ཆེན་པོ་འདི་ལྟ་བུ་དང་། ཡེ་ཤེས་ཀྱི་སྣང་བ་ཆེན་པོ་ཡོངས་སུ་མྱ་ངན་ལས་འདས་ནས་བཅོམ་ལྡན་འདས་བདག་མགུ་བའམ། ཡིད་བདེ་བའམ་དགའ་བའམ་རངས་པའམ་རབ་ཏུ་དགའ་བ་མྱོང་བར་ག་ལ་འགྱུར། ཡེ་ཤེས་ཆེན་པོའི་ཉི་མ་འོད་ཟེར་བརྒྱ་སྟོང་དུ་མས་བསྐོར་བ།
D111.050.0070a03.01མ་རིག་པའི་མུན་པ་སེལ་བ་འདི་ལྟ་བུ་དང་། འོད་སྣང་བར་མཛད་པ་འདི་ལྟ་བུ་ནུབ་པར་གྱུར་ན། བཅོམ་ལྡན་འདས་བདག་དགའ་བའམ་བདེ་བ་ག་ལས་མཆི། བདག་སེམས་ཅན་རིན་པོ་ཆེ་འདི་ལྟ་བུ་དང་བྲལ་ན་དགའ་བ་དང་རྩེ་བ་ག་ལས་མཆི། སེམས་ཅན་སྣང་བ། སེམས་
D111.050.0070a04.01ཅན་རྟོགས་པ། སེམས་ཅན་མ་སྨད་པ། སེམས་ཅན་ཁ་ན་མ་ཐོ་བ་མེད་པ། སེམས་ཅན་མ་རྨོངས་པ། སེམས་ཅན་མཆོག །སེམས་ཅན་བླ་ན་མེད་པ། སེམས་ཅན་གོང་ན་མེད་པ། སེམས་ཅན་མཚུངས་པ་མེད་པ། སེམས་ཅན་མཉམ་པ་མེད་པ། སེམས་
D111.050.0070a05.01ཅན་མི་མཉམ་པ་དང་མཉམ་པ། སེམས་ཅན་ཐམས་ཅད་ཐར་བར་མཛད་པའི་སེམས་ཅན། སེམས་ཅན་རབ། སེམས་ཅན་མཆོད་པ། སེམས་ཅན་ཁ་ལོ་སྒྱུར་བ། སེམས་ཅན་འདུལ་བ། སེམས་ཅན་ཕན་པར་དགྱེས་པ། ཡང་དག་པར་གསུང་བ། དུས་སུ་གསུང་བ།
D111.050.0070a06.01ཚིགས་སུ་གསུང་བ། ཕྱིན་ཅི་མ་ལོག་པ་གསུང་བ། ཇི་སྐད་གསུང་བ་དེ་བཞིན་མཛད་པ། ཐུགས་རྗེ་ཆེན་པོ་དང་ལྡན་པ། བྱམས་པ་ཆེན་པོ་ལ་གནས་པ། སེམས་ཅན་ཐམས་ཅད་ལ་ཁོང་ཁྲོ་བ་མི་མངའ་བ། སེམས་ཅན་ཐམས་ཅད་ལ་སེམས་མཉམ་པ་རབ་ཏུ་མ་སྤྲོས་
D111.050.0070a07.01