完整藏文原文 · 德格版页 当前仅加载第 50 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
འགུལ་རབ་ཏུ་འགུལ། འཁྲུགས་རབ་ཏུ་འཁྲུགས། ལྡེག་རབ་ཏུ་ལྡེག་པར་གྱུར་ཏོ། །ཐམས་ཅད་དང་ལྡན་པའི་རླུང་གི་དཀྱིལ་འཁོར་ཡང་དེའི་ཚེ་མི་ལྡང་བར་གྱུར་ཏོ། །དེའི་ཚེ་སྐད་ཅིག་དེ་དང་ཡུད་ཙམ་དེ་ན་སེམས་ཅན་ཐམས་ཅད་ཀྱང་ལས་བྱེད་པ་རྣམས་བཏང་
D111.050.0058a01.01བར་གྱུར་ཏེ་གཉིད་མེད། ཆོད་པ་མེད་སྒྲིབ་པ་མེད་རྩོམ་པ་མེད་ཅིང་མི་འཛེར་བར་གྱུར་ཏེ་སྒྲ་ཆུང་ཅ་ཅོ་ཆུང་ཞིང་ཡིད་མི་གཡེང་བར་གྱུར་ཏོ། །བཅོམ་ལྡན་འདས་སེང་གེ་ལྟར་གློ་གཡས་པས་མནལ་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་ལྷ་དང་། ཀླུ་དང་།
D111.050.0058a02.01གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཇི་སྙེད་འཁོད་པ་དེ་དག་ཐམས་ཅད་ཀྱིས་རང་རང་གི་གནས་རྣམས་མོག་མོག་པོར་གྱུར་ཏེ་འོད་མེད་གཟི་བརྗིད་
D111.050.0058a03.01མེད་པར་གྱུར་པར་ཤེས་སོ། །དེ་བཞིན་གཤེགས་པ་སེང་གེ་ལྟར་གློ་གཡས་པས་མནལ་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་
D111.050.0058a04.01ཆེན་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཇི་སྙེད་འཁོད་པ་དེ་དག་ཐམས་ཅད་རང་རང་གི་སྟན་དང་སྐྱེད་མོས་ཚལ་དང་གཞལ་མེད་ཁང་རྣམས་ལ་མི་དགའ་བར་གྱུར་ཏོ། །སངས་རྒྱས་ཀྱི་མཐུས་དེ་དག་ཐམས་ཅད་འཁོར་དང་བཅས་པར་སྐྱོ་ཞིང་ཡིད་བྱུང་བར་གྱུར་ཏོ། །སྟོང་གསུམ་
D111.050.0058a05.01གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་ཚངས་པ་དང་ཚངས་པ་ཆེན་པོ་གང་དག་ཟིལ་གྱིས་གནོན་ཅིང་ཟིལ་གྱིས་མི་ནོན་པ་བརྒྱ་ཕྲག་བཅུ་ལ་དབང་སྒྱུར་བ་འདི་སྙམ་དུ་སེམས་ཤིང་བདག་ཅག་གིས་སེམས་ཅན་འདི་དག་བྱས། བདག་ཅག་གིས་སེམས་ཅན་འདི་དག་སྤྲུལ། བདག་
D111.050.0058a06.01ཅག་གིས་འཇིག་རྟེན་བྱས། བདག་ཅག་གིས་འཇིག་རྟེན་སྤྲུལ་ཏོ་སྙམ་དུ་དེ་ལྟར་ཤེས་པའི་ཚངས་པ་དང་ཚངས་པ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་འཁོད་པ་དེ་དག་ཀྱང་རང་རང་གི་སྟན་ལ་མངོན་པར་མི་དགའ་བར་གྱུར་ཏོ། །རང་རང་གི་གནས་ཐམས་
D111.050.0058a07.01