完整藏文原文 · 德格版页 当前仅加载第 50 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག །བླ་ན་མེད་པ་འཇིག་རྟེན་ཐམས་ཅད་དང་མི་འདྲ་བའི་ཡོངས་སུ་མྱ་ངན་ལས་འདའ་བ་སངས་རྒྱས་ཀྱི་ཡོངས་སུ་མྱ་ངན་ལས་འདའ་བ་ཆེན་པོ་འདི་ལྟ་བུས་ཡོངས་སུ་མྱ་ངན་ལས་འདའ་བར་གྱུར་ཅིག་ཅེས་སྨྲས་སོ། །དེ་སྐད་ཅེས་སྨྲས་ནས་བྱང་ཆུབ་སེམས་དཔའ་དེ་དག་ཅང་མི་སྨྲ་བར་གྱུར་ཏོ། །
D111.050.0077b01.01སྒྲ་གཅན་ཟིན་གྱི་ལེའུ་སྟེ་བཞི་པ་རྫོགས་སོ།། །།བམ་པོ་གསུམ་པ། དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་ཕངས་ན་གཟིམས་ཁྲི་ལ་བསྙེས་ནས་ངུས་ཏེ་མཆི་མ་བྱུང་སྨྲེ་སྔགས་འདོན་ཅིང་འདུག་གོ། །དེ་ནས་ཚེ་དང་ལྡན་པ་ཀུན་དགའ་བོ་མཆི་མ་ཟག་པར་
D111.050.0077b02.01ངུ་ཞིང་ཤིང་ལྗོན་པ་ཆེན་པོ་བཅད་དེ་བསྒྱེལ་བ་བཞིན་དུ་ས་ལ་འགྱེལ་ཏེ་བཅོམ་ལྡན་འདས་ཡོངས་སུ་མྱ་ངན་ལས་འདའ་བ་ཧ་ཅང་མྱུར་ཆེས་སོ། །བདེ་བར་གཤེགས་པ་ཡོངས་སུ་མྱ་ངན་ལས་འདའ་བ་ཧ་ཅང་མྱུར་ཆེས་སོ། །ཐུགས་རྗེ་ཅན་མི་བཞུགས་པར་འགྱུར་བ་ཧ་ཅང་མྱུར་ཆེས་སོ། །
D111.050.0077b03.01སེམས་ཅན་རིན་པོ་ཆེ་མི་བཞུགས་པར་འགྱུར་བ་ཧ་ཅང་མྱུར་ཆེས་སོ། །མར་མེ་ཆེན་པོ་འཇིག་རྟེན་ན་མི་སྣང་བར་འགྱུར་བ་ཧ་ཅང་མྱུར་ཆེས་སོ། །སྒྲོན་མ་ཆེན་པོ་འཇིག་རྟེན་ན་མི་སྣང་བར་འགྱུར་བ་ཧ་ཅང་མྱུར་ཆེས་སོ། །འཇིག་རྟེན་གྱི་མཆོག་འཇིག་རྟེན་ན་འགག་པར་འགྱུར་བ་ཧ་ཅང་མྱུར་
D111.050.0077b04.01ཆེས་སོ། །སེམས་ཅན་རིན་པོ་ཆེ་སེམས་ཅན་པད་མ་དཀར་པོ་འཇིག་རྟེན་ན་མི་སྣང་བར་འགྱུར་བ་ཧ་ཅང་མྱུར་ཆེས་སོ། །སེམས་ཅན་ཅང་ཤེས་པ་སེམས་ཅན་དུལ་བ་སེམས་ཅན་མ་དུལ་བ་འདུལ་བ་འཇིག་རྟེན་ན་མེད་པར་འགྱུར་བ་ཧ་ཅང་མྱུར་ཆེས་སོ། །དེད་དཔོན་སྟོན་པ་པོ་བདེ་བའི་ལམ་
D111.050.0077b05.01སྟོན་པ་འཇིག་རྟེན་ན་མི་སྣང་བར་འགྱུར་བ་ཧ་ཅང་མྱུར་ཆེས་སོ། །མིག་ཆེན་པོ་ཤེས་རབ་ཀྱི་སྣང་བ་སྟོན་པ་འཇིག་རྟེན་ན་མི་སྣང་བར་འགྱུར་བ་ཧ་ཅང་མྱུར་ཆེས་སོ། །སེམས་ཅན་རྣམས་ཀྱི་ཕ་མ་འཇིག་རྟེན་ན་མི་སྣང་བར་འགྱུར་བ་ཧ་ཅང་མྱུར་ཆེས་སོ། །འཇིག་རྟེན་ན་ལོང་བར་འགྱུར་བ་ཧ་ཅང་མྱུར་
D111.050.0077b06.01ཆེས་སོ། །བཅོམ་ལྡན་འདས་འཇིག་རྟེན་མགོན་མ་མཆིས་པ་དང་། ཡོངས་སུ་འདྲེན་པ་མ་འཆིས་པར་འགྱུར་བ་ཧ་ཅང་མྱུར་ཆེས་སོ། །སང་ནང་པར་ནས་མིང་མཚན་ཙམ་ཞིག་ལུས་ཏེ་སེམས་ཅན་རིན་པོ་ཆེ་མི་མཐོང་བར་འགྱུར་བ་ལྟ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་
D111.050.0077b07.01