完整藏文原文 · 德格版页 当前仅加载第 50 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
དང་འབྲས་བུ་མང་པོ་དང་ལྡན་པ་ཆེན་པོ་ལ་འཛེགས་ནས། དེས་ཤིང་སཱ་ལ་ལྗོན་པ་དེ་ལས་མེ་ཏོག་དང་འབྲས་བུ་ཡིད་དུ་འོང་བ་ཡིད་དུ་འོང་བ་དག་སྤྱད་དེ། ཡལ་ག་གང་ལ་གནས་པའི་ཡལ་ག་དེ་ཉིད་བཅག་ན། དེད་དཔོན་དེ་ཇི་སྙམ་དུ་སེམས། མི་དེ་ཡལ་ག་
D111.050.0068a01.01ཆག་པ་དེ་ལ་གནས་སུ་རུང་ངམ། གང་ཡལ་ག་གང་ལ་འཛེགས་ཏེ་བདེ་བར་འདུག་པའི་ཡལ་ག་དེ་ཉིད་གཅོག་པའི་མི་དེ་ཡང་ཅི་མཁས་པའི་རང་བཞིན་ཅན་ཡིན་ནམ། གསོལ་པ་བཅོམ་ལྡན་འདས་མ་ལགས་སོ། །བདེ་བར་གཤེགས་པ་མ་ལགས་སོ། །བཀའ་
D111.050.0068a02.01སྩལ་པ། དེད་དཔོན་བདུད་སྡིག་ཅན་གང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདའ་བར་འདོད་ཅིང་དེ་བཞིན་གཤེགས་པས་གསུངས་པའི་ཆོས་འདུལ་བ་ནུབ་པར་དགའ་བ་ཡང་དེ་ལྟར་སྣང་བར་ངས་བསམས་སོ། །
D111.050.0068a03.01དེ་ཅིའི་ཕྱིར་ཞེ་ན། འདི་ལྟར་ངའི་དམ་པའི་ཆོས་ཇི་སྲིད་དུ་གནས་པ་དེ་སྲིད་དུ་དེ་བདུད་ཀྱི་གནས་ན་འདུག་གོ། །ངའི་ཆོས་ནུབ་པར་གྱུར་ན། བདུད་སྡིག་ཅན་དེ་དགའ་བ་སྐྱེད་དེ་མགུ་རངས་ཤིང་ཡིད་བདེ་བ་སྐྱེད་དེ། དེ་དེ་མ་ཐག་ཏུ་བདུད་ཀྱི་གནས་ནས་ཤི་འཕོས་ནས་སེམས་ཅན་
D111.050.0068a04.01དམྱལ་བ་ཆེན་པོ་མནར་མེད་པར་རབ་ཏུ་ལྟུང་བར་འགྱུར་ཏེ། དེད་དཔོན་འདི་ལྟ་སྟེ་དཔེར་ན། མི་དེ་ཤིང་སཱ་ལ་ལྗོན་པ་དེ་ལ་བདག་ལ་གནོད་པ་དང་གཞན་ལ་གནོད་པར་བྱེད་པ་ལྟར་བདུད་སྡིག་ཅན་ཡང་དེ་ལྟ་བུ་ཡིན་པར་མཐོང་ངོ་། །དེད་དཔོན་བདུད་སྡིག་ཅན་ནི་བདག་ལ་གནོད་པའི་
D111.050.0068a05.01ཕྱིར་ཞུགས་པ་ཡིན་ནོ། །དེད་དཔོན་བདུད་སྡིག་ཅན་ནི་གཞན་ལ་གནོད་པའི་ཕྱིར་ཞུགས་པ་སྟེ། དེད་དཔོན་བདུད་སྡིག་ཅན་དེ་དེའི་ཚེ་དེའི་དུས་ན་སེམས་ཅན་དམྱལ་བ་ཆེན་པོ་མནར་མེད་པར་ལྷུང་ནས། སྡུག་བསྔལ་གྱི་ཚོར་བ་མི་བཟད་པ་ཚ་བ་སྲོག་འཕྲོག་པ་མྱོང་ནས་
D111.050.0068a06.01འཆི་སྟེ་འཆི་ཀར་ཚོར་བ་མྱོང་ནས་ང་རྗེས་སུ་དྲན་པར་འགྱུར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེན་པ་གསུང་བ། གཞན་དུ་མི་གསུང་བ། ལོག་པར་མི་གསུང་བ་དེས་ལུས་བསྡམས་པ་ལེགས།
D111.050.0068a07.01