完整藏文原文 · 德格版页 当前仅加载第 50 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
ཟིན་སྡུག་པ་དང་ཡིད་དུ་འོང་བ་ཐམས་ཅད་དང་ཐ་དད་དུ་འགྱུར་ཞིང་འགྱེས་པ་དང་འབྱེ་བ་དང་འབྲལ་བར་འགྱུར་རོ། །སྒྲ་གཅན་ཟིན་སངས་རྒྱས་བཅོམ་ལྡན་འདས་རྣམས་སངས་རྒྱས་ཀྱི་མཛད་པ་མཛད་ནས་ཡོངས་སུ་མྱ་ངན་ལས་འདའ་བ་འདི་ནི་ཆོས་ཉིད་ཡིན་ནོ། །སྒྲ་གཅན་ཟིན་
D111.050.0073b01.01བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྱད་རྣམས་ཉེ་བར་གནས་པའི་སཱ་ལའི་ཚལ་ན་ཤིང་སཱ་ལ་ཟུང་གི་བར་དུ་སེང་གེ་ལྟར་གློ་གཡས་པས་མནལ་ཏེ་དོ་མོད་ཀྱི་ཐུན་ཐ་མ་ལ་ཕུང་པོའི་ལྷག་མ་མེད་པའི་མྱ་ངན་ལས་འདས་
D111.050.0073b02.01པའི་དབྱིངས་སུ་མྱ་ངན་ལས་འདའ་བར་འགྱུར་གྱིས་སྒྲ་གཅན་ཟིན་ཁྱོད་དེར་སོང་སྟེ། ཁྱོད་ངེས་པར་དེར་འདུག་དགོས་ཀྱིས་སྒྲ་གཅན་ཟིན་ཁྱོད་སོང་ཤིག །བཅོམ་ལྡན་འདས་ཡོངས་སུ་མྱ་ངན་ལས་འདས་པའི་འོག་ཏུ་འགྱོད་པར་གྱུར་ཏ་རེ། དེ་སྐད་ཅེས་བཀའ་སྩལ་པ་དང་།
D111.050.0073b03.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྙེན་པར་དཀའ་བ་ལ་ཚེ་དང་ལྡན་པ་སྒྲ་གཅན་ཟིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དོ་མོད་ཀྱི་ཐུན་ཐ་མ་
D111.050.0073b04.01ལ་ཡོངས་སུ་མྱ་ངན་ལས་འདའོ་ཞེས་བགྱི་བའི་སྒྲ་དེ་ཡང་ཐོས་པར་མི་བཟོད་ན། བཅོམ་ལྡན་འདས་དེ་ཡོངས་སུ་མྱ་ངན་ལས་འདའ་བ་མངོན་སུམ་དུ་མཐོང་བ་ལྟ་སྨོས་ཀྱང་ཅི་འཚལ། བཅོམ་ལྡན་འདས་དེ་བས་ན་བདག་དེར་མཆི་བར་མི་སྤྲོའོ། །དེ་ནས་ཚེ་དང་ལྡན་པ་སྒྲ་གཅན་
D111.050.0073b05.01ཟིན་བཅོམ་ལྡན་འདས་དེ་བཞིན་གཤེགས་པ་བསྙེན་པར་དཀའ་བ་དེའི་བཀའ་མ་མཉན་པར་སངས་རྒྱས་ཀྱི་ཞིང་དེ་ནས་མི་སྣང་བར་གྱུར་ཏོ། །སྟེང་གི་ཕྱོགས་ཀྱི་འཇིག་རྟེན་གྱི་ཁམས་རིམ་གྱིས་བཅུ་པ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D111.050.0073b06.01དེད་དཔོན་ཞེས་བྱ་བ་བཞུགས་ཏེ་འཚོ་ཞིང་གཞེས་སོ། །དེ་ནས་ཚེ་དང་ལྡན་པ་སྒྲ་གཅན་ཟིན་དེ་བཞིན་གཤེགས་པ་དེད་དཔོན་ག་ལ་བ་དེར་སོང་སྟེ་ཕྱིན་པ་དང་དེ་བཞིན་གཤེགས་པ་དེད་དཔོན་གྱི་ཞབས་ལ་ཕྱག་འཚལ་ནས་གདོང་མཆི་མ་ཅན་དུ་ངུས་ཏེ། སྨྲེ་སྔགས་འདོན་ཅིང་ཕྱོགས་
D111.050.0073b07.01