完整藏文原文 · 德格版页 当前仅加载第 50 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་ཅིག །དེ་ཅིའི་ཕྱིར་ཞེ་ན། ཀུན་དགའ་བོ་ང་སྔོན་བྱང་ཆུབ་སེམས་དཔར་གྱུར་པ་ན་ཡོངས་སུ་སྨིན་པར་བྱས་པའི་སེམས་ཅན་དག་ཡོད་དེ་དེ་དག་ད་ལྟ་ཉེས་པར་བྱས་ཤིང་ཉེས་པར་སྤྱད་པས་སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་དུ་དོང་ངོ་། །
D111.050.0113b01.01དེ་དག་དེ་བཞིན་གཤེགས་པ་འདས་པའི་འོག་ཏུ་དེ་ནས་ཤི་འཕོས་ནས་མིར་སྐྱེ་བར་འགྱུར་རོ། །དེ་དག་དབང་པོ་རྒྱས་ཤིང་ཡོངས་སུ་སྨིན་པའི་རྒྱུས་ངའི་བསྟན་པ་འདི་ལ་ཚེགས་ཆུང་ངུས་དད་པར་འགྱུར་ཏེ། དེ་ལ་ཁ་ཅིག་ནི་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་རོ། །ཁ་ཅིག་ནི་
D111.050.0113b02.01ཁྱིམ་ན་གནས་པར་འགྱུར་རོ། །དེ་དག་ངའི་མདོ་སྡེ་འདི་ལྟ་བུ་ཐོས་ནས་ཁྱད་པར་དུ་འགྲོ་བར་འགྱུར་ཏེ། དེ་དག་ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པའམ། ཐེག་པ་ཆེན་པོས་ཡོངས་སུ་མྱ་ངན་ལས་འདའ་བར་འགྱུར་རོ། །ཀུན་དགའ་བོ་བསྐལ་པ་གྲངས་མེད་པ་བྱེ་བ་
D111.050.0113b03.01ཁྲག་ཁྲིག་བརྒྱ་སྟོང་དུ་བསྒྲུབས་པ་དམ་པའི་ཆོས་དཀོན་མཆོག་གི་མཛོད་འདི་འདི་ལྟར་རིགས་ཀྱི་བུ་རྣམས་ཀྱིས་མཉན་པར་བྱ་བའི་ཕྱིར་དེ་དག་གི་དོན་དུ་ཁྱོད་ཀྱི་ལག་ཏུ་གཏད་པས་གཏད་དོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་སེམས་ཅན་དེ་དག་ནི་དགེ་བའི་ལམ་འདི་ལྟ་བུ་དག་མ་
D111.050.0113b04.01ཐོས་པ་ལས་ཡོངས་སུ་ཉམས་པར་འགྱུར་རོ། །ཀུན་དགའ་བོ་དེ་བས་ན་ཅི་ནས་ཀྱང་དེ་དག་འདི་ལྟ་བུ་ཐོས་པ་ལས་ཉམས་པར་མི་འགྱུར་བར་བྱ་བའི་ཕྱིར་མ་འོངས་པ་དེ་དག་ཁྱོད་ལ་གཏད་དོ། །ཀུན་དགའ་བོ་འདི་ལ་སྐྱེས་བུ་མཁས་པ་ཁ་ཅིག་ནི་དཔེས་སྨྲས་པའི་དོན་ཤེས་པར་འགྱུར་ཏེ། དེའི་
D111.050.0113b05.01ཕྱིར་དོན་འདི་རྒྱ་ཆེར་ཤེས་པར་བྱ་བའི་ཕྱིར་ཁྱོད་ལ་དཔེ་བསྟན་པར་བྱའོ། །ཀུན་དགའ་བོ་འདི་ལྟ་སྟེ་དཔེར་ན། འཁོར་ལོས་སྒྱུར་བའི་རྒྱལ་པོས་དཀོར་པ་དང་མངན་རྣམས་ལ་མཛོད་དང་བང་བ་ཐམས་ཅད་གཏད་དེ། ཀྱེ་མི་ཁྱེད་དགེ་སྦྱོང་དང་། བྲམ་ཟེ་དང་། བཀྲེན་པ་དང་། འདྲོན་པ་དང་།
D111.050.0113b06.01སྡུག་ཕོངས་པ་སློང་བ་ཟས་འདོད་པ་རྣམས་ལ་ཟས་དང་། སྐོམ་འདོད་པ་རྣམས་ལ་སྐོམ་དང་། བཞོན་པ་དང་གོས་དང་མེ་ཏོག་དང་སྤོས་དང་ཕྲེང་བ་དང་བྱུག་པ་དང་མལ་ཆ་དང་། གནས་དང་རྒྱབ་རྟེན་དང་། འཚོ་བའི་ཡོ་བྱད་གང་ཡང་རུང་བ་རྣམས་སྦྱིན་པ་བྱིན་ཅིག་ཅེས་དེས་དེ་སྐད་དུ་བསྒོ་
D111.050.0113b07.01