完整藏文原文 · 德格版页 当前仅加载第 50 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་བ་དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། གང་རིགས་བཞིའི་འཇིག་རྟེན་ཐམས་ཅད་དུ་སྤང་དུ་མི་རུང་བའི་འཇིག་རྟེན་གྱི་ཆོས་འདི་ལྟ་
D111.050.0061b01.01སྟེ། སྐྱེ་བ་དང་རྒ་བ་དང་ན་བ་དང་འཆི་བ་དང་མྱ་ངན་དང་སྨྲེ་སྔགས་འདོན་པ་དང་སྡུག་བསྔལ་བ་དང་། ཡིད་མི་བདེ་བ་དང་འཁྲུག་པ་དང་། མི་རྟག་པའི་ཆོས་ཉིད་དང་། ཟད་པའི་ཆོས་ཉིད་དང་། འགྱུར་བའི་ཆོས་ཉིད་དང་། མཛའ་བ་དང་དགའ་བ་ཐམས་ཅད་དང་ཐ་དད་དུ་འགྱུར་བ་དང་། མེད་པར་འགྱུར་བ་དང་བྲལ་
D111.050.0061b02.01བར་འགྱུར་བ་དང་བྱེ་བར་འགྱུར་བ་དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་སེམས་ཅན་རྣམས་ཀྱི་འདོད་ཆགས་དང་ཞེ་སྡང་
D111.050.0061b03.01དང་གཏི་མུག་དང་སྒྲིབ་པ་དང་ཆོད་པ་དང་བག་ལ་ཉལ་དང་ཀུན་ནས་དཀྲིས་པ་དང་ཀུན་ཏུ་སྦྱོར་བ་རྣམས་དང་དེ་ལས་གཞན་པ་ཉེ་བའི་ཉོན་མོངས་པ་རྣམ་པ་སྣ་ཚོགས་འཇུག་པ་གང་གིས་སེམས་ཅན་རྣམས་ཆགས་པར་འགྱུར་བ་དང་། སྡང་བར་འགྱུར་བ་དང་རྨོངས་པར་འགྱུར་བ་དང་།
D111.050.0061b04.01ལས་མངོན་པར་འདུ་བྱ་བ་རྣམ་པ་སྣ་ཚོགས་མངོན་པར་འདུ་བྱེད་པ་དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་འདི་སེམས་ཅན་
D111.050.0061b05.01དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་ངན་འགྲོ་རྣམ་པ་གསུམ་པོ་གང་ན་སེམས་ཅན་རྣམས་གནོད་བྱེད་རྣམ་པ་སྣ་ཚོགས་ཀྱིས་སྡུག་བསྔལ་སྣ་ཚོགས་མྱོང་བར་འགྱུར་བ་དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་
D111.050.0061b06.01པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་འདི་འབྱུང་པོའི་ཚོགས་དང་། ས་བོན་གྱི་ཚོགས་དང་། རྩྭ་དང་། ཤིང་གེལ་པ་དང་། སྨན་དང་། ནགས་ཚལ་ཆུ་ན་གནས་པ་དང་། ཐང་ལ་གནས་པའམ་མེ་ཏོག་
D111.050.0061b07.01