完整藏文原文 · 德格版页 当前仅加载第 50 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མྱ་ངན་འདའ་བར་བྱ་བའི་སྐབས་ཕྱེའོ། །དེད་དཔོན་སྡིག་ཅན་དེ་ལ་ངས་ཁས་བླངས་པ་དེ་བྱ་བའི་དུས་ལ་ཡང་བབ་བོ། །དེ་སྐད་ཅེས་བཀའ་སྩལ་པ་དང་། བདུད་ཀྱི་བུ་དེད་དཔོན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདུད་སྡིག་ཅན་དེ་ནི་བདག་
D111.050.0066b01.01གི་ཕ་མ་ལགས་ཀྱི། བཅོམ་ལྡན་འདས་དེ་ནི་བདག་གི་དགྲ་ལགས། གཤེད་པོ་སླར་རྒོལ་བ་ལགས་ཤིང་། བཅོམ་ལྡན་འདས་བདག་དང་མི་མཛའ་བ་ལགས་ཏེ། གནོད་པར་འཚལ་བ་མི་སྨན་པར་འཚལ་བ་ལགས་སོ། །བཅོམ་ལྡན་འདས་སྡིག་ཅན་དེ་ནི་བདག་ལ་གྲུབ་
D111.050.0066b02.01པ་དང་བདེ་བ་མ་ལགས་པར་འཚལ་བ་ལགས་སོ། །བཅོམ་ལྡན་འདས་གང་ཤེས་རབ་ཀྱི་སྒྲོན་མ་འདི་ལྟ་བུ་དང་། ཤེས་རབ་ཀྱི་སྣང་བ་ཆེན་པོ་དང་། ཡེ་ཤེས་སྣང་བའི་སྒྲོན་མ་ཆེན་པོ་འདི་ལྟ་བུ་ཡོངས་སུ་མྱ་ངན་ལས་འདའ་བར་འཚལ་བའི་སྡིག་ཅན་དེ་ནི། སྡིག་པའི་བསམ་
D111.050.0066b03.01པ་ཅན། སྡིག་པའི་སྦྱོར་བ་ཅན་ཏེ། ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་སུན་འབྱིན་པའི་དགྲ་ལགས་སོ། །བཅོམ་ལྡན་འདས་ལྷ་དང་བཅས་པའི་འཇིག་རྟེན་ན་སེམས་ཅན་སྡིག་པ་ཆེན་པོ་འཇིག་རྟེན་དུ་བྱུང་ངོ་ཞེས་གང་ཡང་དག་པར་སྨྲ་བས་སྨྲ་བ་དེ་ནི། བཅོམ་ལྡན་
D111.050.0066b04.01འདས་བདུད་ལགས་སོ་ཞེས་ཡང་དག་པར་སྨྲ་བས་སྨྲ་བར་བགྱིའོ། །བཅོམ་ལྡན་འདས་གང་བདག་ལ་མི་ཕན་པར་ཞུགས་པ་དང་། གཞན་ལ་མི་ཕན་པར་ཞུགས་པ་དང་། སྐྱེ་བོ་མང་པོ་ལ་མི་ཕན་པར་ཞུགས་པ་ཞེས་གང་ཡང་དག་པར་སྨྲ་བས་སྨྲ་བ་དེ་ནི། བཅོམ་ལྡན་འདས་
D111.050.0066b05.01བདུད་ལགས་སོ་ཞེས་ཡང་དག་པར་སྨྲ་བས་སྨྲ་བར་བགྱིའོ། །ལྷ་དང་བཅས་བདུད་དང་བཅས་ཚངས་པ་དང་བཅས་པའི་འཇིག་རྟེན་དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་ལ་གནོད་པ་དང་མི་ཕན་པ་དང་སྡུག་བསྔལ་བ་དང་། གྲུབ་པ་དང་བདེ་བ་མ་ལགས་པ་དང་། ལོག་པར་
D111.050.0066b06.01ལྟུང་བའི་ཕྱིར་ཞུགས་པ་ཞེས་བགྱི་བ་ནི་བཅོམ་ལྡན་འདས་བདུད་ལགས་སོ་ཞེས་ཡང་དག་པར་སྨྲ་བས་སྨྲ་བར་བགྱིའོ། །ཆོས་དང་ལྡན་པའི་དམ་བཅས་པ་དང་། ཆོས་དང་མི་ལྡན་པའི་དམ་བཅས་པ་བཅོམ་ལྡན་འདས་ལས་བདག་གིས་མངོན་སུམ་དུ་ཐོས་ཤིང་མངོན་སུམ་དུ་
D111.050.0066b07.01