完整藏文原文 · 德格版页 当前仅加载第 50 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ཕན་པ་དང་བདེ་བ་དང་གཉིས་སུ་མེད་པ་དང་ཚད་མེད་པ་དང་། མི་འཐུན་པ་མེད་པས་བསྙེན་བཀུར་བྱས་སོ། །ཀུན་དགའ་བོ་གང་ལྷ་དང་མི་དང་ལྷ་མ་ཡིན་གྱི་འཁོར་དུ་བཅས་པ་དང་། ཉན་ཐོས་དང་རང་སངས་རྒྱས་སུ་བཅས་པ་ལ་བསྐལ་པའམ་བསྐལ་པ་ལས་
D111.050.0057a01.01ལྷག་པར་བསྙེན་བཀུར་བྱས་བས་གང་དེ་བཞིན་གཤེགས་པ་ལ་ཡུད་ཙམ་ཞིག་བསྙེན་བཀུར་བྱས་པ་དེ་དེ་བས་འབྲས་བུ་ཤིན་ཏུ་ཆེས་ཀུན་དགའ་བོ་ཁྱོད་མྱ་ངན་མ་བྱེད་ཅིག །སྨྲེ་སྔགས་མ་འདོན་ཅིག །ཀུན་དགའ་བོ་ཁྱོད་ཀྱིས་དེ་བཞིན་གཤེགས་པ་ལ་བསྙེན་བཀུར་བྱས་པ་ནི་
D111.050.0057a02.01དོན་ཆེ་བ་དང་འབྲས་བུ་ཆེ་བ་དང་ཕན་ཡོན་ཆེ་བ་དང་རྒྱ་ཆེ་བ་དང་བདུད་རྩི་དང་འདྲ་བ་དང་། བདུད་རྩི་ལ་འབབ་པ་དང་། བདུད་རྩིའི་མཐར་འགྱུར་བ་ནས་མྱ་ངན་ལས་འདའ་བའི་བར་དུ་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོས་མཆི་མ་ཕྱིས་ནས་སྨྲེ་སྔགས་འདོན་ཅིང་ཤིང་སཱ་ལ་
D111.050.0057a03.01ཟུང་གི་བར་དུ་དེ་བཞིན་གཤེགས་པ་སེང་གེ་ལྟར་གློ་གཡས་པས་མནལ་བའི་གཟིམས་མལ་བཅས་སོ། །དེ་ནས་བཅོམ་ལྡན་འདས་ཤིང་སཱ་ལ་ཟུང་ག་ལ་བ་དེར་གཤེགས་ནས་ཤིང་སཱ་ལ་ཟུང་གི་བར་དུ་སེང་གེ་ལྟར་གློ་གཡས་པས་མནལ་ལོ། །གང་གི་ཚེ་དེ་བཞིན་གཤེགས་པ་ཤིང་
D111.050.0057a04.01སཱ་ལ་ཟུང་གི་བར་དུ་སེང་གེ་ལྟར་གློ་གཡས་པས་མནལ་བར་གྱུར་པ་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཤིང་དང་རྩྭ་དང་ཤིང་གེལ་པ་དང་སྨན་དང་ནགས་ཚལ་ཐ་ན་སོར་བཞི་ཙམ་པོ་ཡན་ཅད་ཇི་སྙེད་ཡོད་པ་དེ་དག་ཐམས་ཅད་གང་དུ་དེ་བཞིན་གཤེགས་པ་མྱ་ངན་
D111.050.0057a05.01ལས་འདའ་བ་དེ་ལོགས་སུ་གཞོལ་འདུད། རབ་ཏུ་འདུད་ཅིང་མངོན་པར་འདུད་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཀླུང་ངམ་འབབ་ཆུའམ་ཆུ་མིག་གམ་མཚོའམ་ལྟེང་ཀའམ་ཁྲོན་པའམ་རྫིང་ངམ། པད་མ་དཀར་པོ་འབབ་པ་ཇི་སྙེད་ཡོད་པ་
D111.050.0057a06.01དེ་དག་ཐམས་ཅད་སངས་རྒྱས་ཀྱི་མཐུས་བྱིན་གྱིས་བརླབས་པས་མི་འབབ་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་བྱ་མང་པོ་དང་། {རི་དགས་,རི་དྭགས་}མང་པོ་སྣ་ཚོགས་ཇི་སྙེད་ཡོད་པ་དེ་དག་ཐམས་ཅད་ཀྱང་སངས་རྒྱས་ཀྱི་མཐུས་སྒྲ་མི་འབྱིན་པར་འཁོད་
D111.050.0057a07.01