完整藏文原文 · 德格版页 当前仅加载第 50 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་སྣ་ཚོགས་ཤེས་པ་དང་། དགའ་བ་དང་རྩེ་བ་སྣ་ཚོགས་མྱོང་བ་དང་། མཆི་མ་བྱུང་བ་དང་ངུ་བ་དང་འཇིགས་པ་དང་སྐྲག་པ་དང་། སྡུག་བསྔལ་བ་མཐོང་བའམ། མྱོང་བའམ་ཤེས་པ་དེ་དག་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་
D111.050.0060a01.01གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་སེམས་ཅན་རྣམས་ཀྱི་འཇིགས་པ་དང་། མི་དགའ་བ་དང་མྱ་ངན་དང་། སྨྲེ་སྔགས་འདོན་པ་དང་། གྲང་བ་དང་། ཚ་བ་དང་། བཀྲེས་པ་དང་། སྐོམ་པ་དེ་དག་
D111.050.0060a02.01ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་རིགས་བཞིའི་འཇིག་རྟེན་གྱི་མཛེས་པའམ་མི་སྡུག་པའམ། ལོངས་སྤྱོད་ཆེ་བའམ་ལོངས་སྤྱོད་ཆུང་བ་
D111.050.0060a03.01འམ། དབུལ་བའམ། བསོད་ནམས་ཆེ་བའམ། ཚུལ་ཁྲིམས་བཟང་བའམ། ཚུལ་ཁྲིམས་འཆལ་པའམ། ཤེས་རབ་བཟང་བའམ། ཤེས་རབ་འཆལ་པ་དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་། ཁྱོད་ཀྱིས་བྱིན་གྱིས་བརླབས་པ་ཡིན་ནམ།
D111.050.0060a04.01གསོལ་པ། བཅོམ་ལྡན་འདས་མ་ལགས་སོ། །བཀའ་སྩལ་པ། ཚངས་པ་གང་སེམས་ཅན་རྣམས་ཀྱིས་འཇིགས་པའམ། སྐྲག་པའམ། གནོད་པའམ། རྣམ་པར་འཚེ་བའམ། རྣམ་པར་ཐོ་འཚམས་པ་འདི་ལྟ་སྟེ། མཚོན་ཆ་དང་མེ་དང་ཆུ་དང་རླུང་དམར་དང་དུག་དང་
D111.050.0060a05.01གཅན་གཟན་ཁྲོ་བོ་དང་དགྲ་དང་མི་དང་། མི་མ་ཡིན་པའི་འཇིགས་པའམ། གཞན་གནོད་པ་བྱེད་པའི་འཇིགས་པ་སྣ་ཚོགས་དེ་དག་ཀྱང་ཚངས་པ་ཁྱོད་ཀྱིས་བྱས་ཤིང་ཁྱོད་ཀྱིས་སྤྲུལ་པ་དང་། ཁྱོད་ཀྱིས་བྱིན་གྱིས་བརླབས་པ་ཡིན་ནམ། གསོལ་པ། བཅོམ་ལྡན་འདས་
D111.050.0060a06.01མ་ལགས་སོ། །བཀའ་སྩལ་པ། ཚངས་པ་སེམས་ཅན་རྣམས་ཀྱི་ནད་རྣམ་པ་སྣ་ཚོགས་དང་། རླུང་དང་། མཁྲིས་པ་དང་། བད་ཀན་དང་། འདུས་པ་དང་། དུས་དང་། ཁམས་མི་འཐུན་པ་ལས་གྱུར་པའམ། གཞན་གྱིས་གནོད་པར་བྱས་པ་དང་། སྔོན་གྱི་ལས་
D111.050.0060a07.01